Bani Israel Par Ta'un Ka Azab

Jab "Maidane Tih" me Bani Israel ne ye Khwahish zahir ki. Ki ham zamin se ugne vale ghalle aur tarkariyan to un logon ko Hazrate Musa Alaihis Salam ne samjhaya ki tum log "Manna Va Salva" ke nafis khane ko chod kar Gehun, Daal aur tarkariyon jaisi khasis aur ghatiya kuin talab kar rahe ho? Magar jab bani israel apni zid par ade rahe to Allah Tala ne hukum diya ki tum log maidane tih se nikal kar shahare baitul mukhaddas me dakhil ho jao aur vahan be rok tok apni pasand ki aur man bhari gizayen khao magar ye zaruri hai ki tum log baitul mukhaddas ke darvaze me kamale adab va yehtiram ke saath jhuk kar dakhil hona aur dakhil hote vaqht ye dua mangte rahna ki ya allah! Tu hamare gunahon ko muaf farma de to ham tumhare gunahon ko bakhash denge. magar bani israyil jo hamesha se sarkash aur shararaton ke adi aur khuda ki nafarmaniyon ke khugar the, baitul mukhaddas ke kharib pahunch kar ek dam in logon ki rage shararaht bhadak uthi aur ye nafarman log bajay jhuk ke dakhil hone ke apni surino par dhasitte huve darvaze me dakhil huve aur Hattatum (Muafi ki dua) ke badle ek dana hai ek baal me kahte huve aur mazak va tamaskur karte huve baitul mukhaddas ke darvaze me ghuste chale gaye. farmane rabbani ki iss nafarmani aur hukme ilahi ke saath tamsakhur ki vajah se in logo par kahare khudavandi va surate azab nazil ho gaya ki achanak in logon me taun ki bimari vabayi shakal me fail gayi aur ghante bhar me sattar hazar bani israyil dardo karb se machli ki tarha tadap tadap kar mar gaya.

Ta'un:

             ek mohalik vabayi bimari hai jis ko doctor "Pleg" kahte hain iss bimari me gardan aur bagolon aur kanje raan me Aam ki gutli ke barabar galtiyan nikal ati hai. jin me bepanah dard aur nakhabile bardasht sojisha hoti hai aur shadid bukhar chad jata hai aur ankhe surkh ho jati hai aur dardnaak jalan se shole ki tarha jalne lagti hai aur mariz shiddate dard aur shadid be chaini va be kharari me tadap tadap kar bahut jald mar jata hai aur jis basti me ye vaba fail jati hai uss basti ki aksar abadi mauth ke ghat utar jati hai har taraf virani aur khof va haras ka dor dora fail jata hai.

     Allah Tala ne bani israel ke iss vakhiye ka zikr farmate huve Quran e Majid me irshad farmaya ki. 

Tarjuma e Kanzul Imaan:

                  Aur jab ham ne farmaya uss basti me jao fir uss me jahan chaho be rok tok khao aur darvaze me sajda karte dakhil ho aur kaho hamare gunah muaf ho, ham tumhari khatayen bakhash denge aur kharib hai ki neki valon ko aur ziyada de to zalimo ne Aur baath badl di jo farmayi gayi thi uss ke siva to ham ne asman se un par azab utara badla un ki be hukmi ka.

Darse Hidayath

             Iss vakhiye se malum huva ki khudavande khudds ki nafarmani aur ahkame rabbani ke saath tamskhur va mazakh karne ka kitna bhayanak aur kis khadar holnak anjam hota hai ki akhirath ka azab to apni jagah bar kharar hi hai dunya me kahare ilahi ba surate azab nazil ho jata hai jis se log halak ho kar fana ke ghat utar jate hain aur bastiyan viran ho jati hai.

Faida:

            "Ta'un" Bani israel ke haq me azab tha magar iss khairul umm yani khatimul ambiya sallallahu alaihi o sallam ki ummath ke haq me ye bimari rahamath hai kuinki hadis sharif me aya hai ki ta'un ki bimari me marne vala shahid hota hai.

Masala:

               Ye hai ki jis basti me ta'un  ki vaba faili ho vahan jana nahi chahiye aur agar apni basti me vaba Aa jaye to basti chod kar dusri jagah bhagna nahi chahiye balki ta'un ki vaba me apni basti hi ke andar khuda par tavakkul kar ke sabr ke saath rahna chahiye agar iss bimari me mar gaya to shahid hoga aur ta'un ke dar se basti chod kar bhagane vale par itna bada gunah hota hai jitna ki zihad ke maidan chod kar bhagne valon par gunah hota hai iss liye hargiz hargiz bhagana nahi chahiye balki iss bimari me sabr ke saath apni hi basti me mukhim rahana chahiye ki iss par khudavande tala ne ajro savaab ka vada farmaya hai.

Iblis Kai Tha Aur Kai Ho Gaya?

Iblis jis ko shaitan kaha jata hai. Ye Farishta nahi tha balki Jinn tha jo Aaf se paida huva tha. Lekin Ye farishton ke saath saath mila zhula rahta tha aur darbare khudavandi me bahuth mukharrab aur bade bade buland darjath va maratib se sarfaraj tha. Hazrate Kaab Ahabar Raziyallahu Tala Anhu ka bayan hai ki iblis 40,000 baras tak jannath ka khajanchi  raha aur 80 hazar baras tak malayika ka sathi raha aur 20,000 Baras tak malayika ko vaz sunata raha aur 30,000 Baras tak mukharribin ka sardar raha aur ek 1000 Baras tak ruhaniyyin ki sardari ke mansab par raha aur 14000 baras tak arsh ka tavaf karta raha aur pahle asman me uss ka naam Abid aur dusre Asman me Zahid, aur tisre Asman me Arif aur Chauthe Asman me Vali aur Panchven Asman me Takhi Aur Chate Asman me Khazin aur Sathven Asman me Azazil tha aur lohe mahfuz me iss ka naam Iblis Likha huva tha aur ye apne anjam se ghafil aur khatime se be khabar tha.

Lekin Jab Allah Tala ne Hazrate Adam Alaihis Salam ko sajda karne ka Hukum diya to iblis ne inkar kar diya aur Hazrate Adam Alaihis Salam ki tahkhik aur apni badayi ka izhar kar ke takabbur kiya isi zurm ki saza me Khudavande Alam ne uss ko mardude bargah kar ke dono jahan me malun farma diya aur uss ki pairvin karne valon ko jahannam me azabe naar ka sazavar bana diya. Chunanche, Quran e Majid me irshade rabbadi huva ki

Tarjuma e Kanzul Imaan

                  Farmaya: Kis chiz ne tujhe roka ki tu ne sajda na kiya jab main ne tujhe hukum diya tha bola: main iss se behtar hun tune mujhe Aag se banaya aur ise mitti se banaya. Farmaya : Tu yahan se utar ja tujhe nahi pahunchta ki yahan rah kar ghurur kare nikal tu hai zillath valon me bola mujhe fursath de uss din tak ki log uthayen jayen, Farmaya: Tujhe mohlath hai, Bola : To khasam iss ki, ki tune mujhe gumrah kiya main zarur tere sidhe raste par in ki taak me baitunga fir zarurath me in ke pass Avunga in ke age aur piche aur dahine aur bayen se aur tu un me aksar ko shukr guzar na payega. Farmaya : Yahan se nikal ja rad kiya gaya randa( Dhuthkara) huva zarur jo yiun me se tere kahe par chala main tum saab se jahannam bhar dunga.

Darse Hidayath

             Quran e Majid ke iss ajib vakhiya me ibraton aur nasihaton ki badi badi darkhashinda aur tabinda tajalliyan hain isi liye iss vakhiye ko khudavande khuddus ne mukhtalif alfaz me aur muta'adda tarze bayan ke saath Quran e Majid ke 7 makhamath me bayan farmaya hai yani surah Baqra, Surah Araf, Surah Hajar, Surah Bani Israel, Sure Kahaf, Surah Taha, Surah Saad me iss dil hila dene vale vakhiye ka tazkira mazkura hai jis se mundarijaye zail hakayikh ka darse hidayath milta hai.

1.       Iss se ek bahut bada darse hidayath to ye milta hai ki kabhi jargiz hargiz apni ibadaton aur nekiyon par ghamand aur ghurur nahi karna chahiye aur kisi gunahgar ko apni magfirath se kabhi mayus nahi hona chahiye kuinki anzam kai hoga aur khatima kaisa hoga Aam bandon ko iss ki koi khabar nahi hai aur najath va falah ka daro madar dar haqhikhath khatima bil khair par hi hai. bade se bada ambid agar uss ka khatima bil khair na huva to vo jahannami hoga aur bade se bada gunahgar agar uss ka khatima bil khair ho gaya to vo jannati hoga dekh lo iblis kitna bada ibadath guzar aur kis khadar mukharrabe bargah tha aur kaise kaise maratib va darjath ke sharaf se sarfaraz tha magar anjam kai huva? ki uss ki sari ibadaten gharath va akarath ho gayi aur vo dono jahan me malaun ho kar Azabe jahannam ka haqdar ban gaya. kuinki uss ko apni ibadaton aur bulandiye darjath par gurur aur takabbur ho gaya tha magar vo apne anzam aur khatime se bilkul be khabar tha.

             Hadis Sharif me hai ki ek banda ahle jahannam ke Aamaal karta rahta hai halanki vo jannati hota hai aur ek banda ahle jannath ke amal karta rahata hai halanki vo jahannami hota hai. "Innamal Amalu Bilkhavatim" yani amal ka yetibar khatimo par hai.

Khudavande Kareem har musalman ko khatima bil khair ki saadath nasib farmaye aur bure anjam aur bure khatime se mahfuz rakhe Ameen

2.       Iss se ye bhi malum huva ki alim ho ya jahil muttakhi ho ya gunahgar har admi ko zindagi bhar shaitan ke vasvason se hoshiyar aur uss ke farebon se bachte rahana chahiye. Kuinki shaitan ne khasam khaa kar Kuda ke Huzur me Aylan kar diya hai ki main Aage piche aur dayen bayen se vasvase dal kar tere bandon ko sirate mustakhim se bahkata rahunga aur bahuth se bandon ko khuda ka shukr guzar hone se rok dunga.

3.       Shaitan ne Aage Piche aur Dayen Bayen 4 janibon se insano par hamla avar hone aur vasvase dalne ka aylan kiya hai iss se malum huva ki upar aur niche in dono janibon se shaitan insano par kabhi hamla avar nahi hoga na upar aur niche ki janib se koi vasvasa dal sakega. Lihaza agar koi insan apne upar ya niche ki taraf se koi roshni ya koi bhi hairath va tajjub kaiz chiz dekhe to use samajh lena chahiye ki ye shaitani kartab ya iblis ka vasvasa nahi hai balki uss ko khair samajh kar uss ki janib mutavajjeh ho aur khudavande khuddus ki taraf se khair aur bhalayi ki ummid rakhe.

Ulum E Adam Alaihis Salam Ki Ek Fehlisth

Hazrate Adam Alaihis Salam Ko Allah Tala ne kitne aur kis Khadar Ulum Ata farmaya aur kin kin chizon ke Ulum va Marifa ko Alimul ghaib Vashshahadah ne ek lamhe ke andar un ke sina e akhdas me ba zariya e ilham jama farma diya, jin ki badolath hazrate adam alaihis salam ulum va marifa ki itni buland tarin manzil par fayiz ho jaye ki firishton ki mukhaddas jamath Aap ke ilmi vakhar va irfani azmath va ikhtidar ke rubaru sar va sujud ho gayi, in ulmu ki ek fehristh Aap kutbe zamana hazrate allama shaikh ismayil hakki alaihi rahama ki shohra e afakha tafsir ruhul bayan sharif me padiye jis ka tarjama hasbe zail hai, vo farmate hain:

           Allah Tala ne Hazrate Adam Alaihis Salam ko tamam chizon ka naam, tamam zabano me sikha diya aur un ko tamam malayika ke naam aur tamam avlade adam ke naam, aur tamaam haivanath va nabatat va jamadath ke naam, aur tamam chiz ki sanaton ke naam aur tamam shahron aur tamam bastiyon ke naam aur tamam parandon aur darakhton ke naam aur jo ayinda alame wuzud me ane vale hain saab ke naam aur khiyamath tak paida hone vale tamam jandaron ke naam aur tamam khane pine ki chizon ke naam aur jannath ki tamam nematon ke naam aur tamam chizon aur samano ke naam, yahan tak ki piyala aur piyali ke naam.

           Aur Hadis Sharif me hai ki Allah Tala ne Aap ko 7 lack zabane sikhayi hain.

           In Ulume azkura e bala ki fehrist ko Quran e Majid ne Apne mojizana javameul kalam ke andaze bayan me sirf ek jumle ke andar bayan farma diya hai. Chunanche, Irshade rabbani hai ki

                                 Aur Allah Tala ne Adam ko tamam ashya ke naam sikhaye

Read More:
1.Khilafate Adam Alaihis Salam
2.Taqhlikhe Adam Alaihis Salam

Darse Hidayath

            Hazrate Adam Alaihis Salam ke khazayine Ilm ki ye azim fehristh dekh kar sochiye ki jab hazrate adam alaihis salam ke  ulum va maarif ki ye manzil hai to fir huzur sayyide adam va sarvare avlade adam, Khalifatulahil Azam Hazrate Mohammadur Rasoollullah Sallallahu Alaihi O Sallam ke Ulume Aliya ki kasrath va vusaat aur un ki rufaath va azmath ka kai alam hoga? main kahta hun ki vallah hazrate adam alaihis salam ke ulum ko sarkare do alam sallallahu Alaihi O Sallam ke ulum se itni bhi nisbath nahi ho sakti jitni ki ek khatre ko samandar se aur ek zarre ko tamam roohe zamin se nisbath hai. Allahu Akbar! kahan ulume Adam aur kahan ulume sayyide Alam!

                                         Farsh Ta Arsh Sab Ayna, Zamayir  Hazir

                                         Bas Khasam Khayiye Ummi Teri Danayi Ki

Khilafate Adam Alaihis Salam

Hazrate Adam Alaihis Salam ka Lakhab "Khalifatullah" hai. Jab Allah Tala ne Hazrate Adam Alaihis Sallam ko apni Khilafath se Sarfaraz farmane ka irada farmaya to iss silsile me Allah Tala aur farishton me jo mukamla huva vo bahuth hi tajjub khoz hone ke saath saath nihayath hi fikr angrez va ibrath amoz bhi hai, Jo hasbe zail hain:

          Allah Tala: "Ye Firishto! Main zamin me apna khalifa banane vala hun jo mera nayib ban kar zamin me mere ahkam ko afiz karega.

Malaika: Ye Bari Tala! kai tu zamin me yese shakhs ko apni khilafath va niyabath ke sharf se sarfaraz farmayega jo zamin me fasad barpa karega aur khatlo gharathgiri se khunrezi ka bazar garm karega? Ye Khudavande Tala ! Iss shakhs se ziyada teri khilafat ke haqdar to ham malayika ki zamath hai, kuinki ham malayika na zamin me fasad failayenge, Na khunrezi karenge balki ham teri hamdo sana ke saath teri sabuhiyyath ka yelan aur teri kuddusiyyath aur paki ka bayan karte rahte hain aur teri tasbih va takhdis se har lahaza va har Aan ratbulissan rahte hain iss liye ham firishton ki zamath hi me se kisi ke saar par apni khilafath va niyabath ka taaj rakh kar uss ko "Khalifatullah" ke muazzaz lakhab se sar buland farma.

Allah Tala : Ye Farishto! Adam Alaihis Salam ke khalifa banane me jo hikmate aur maslehaten hain un ko main hi janta hun, Tum gurohe malayika un hikmaton aur maslehaton ko nahi jante.

          Farishte Bari Tala ke iss irshad ko sun kar agarche khamosh to ho gaye magar unhon ne apne dil me ye khayal chupaye rakha ki Allah Tala khwah kisi ko bhi apna khalifa bana de magar vo fazlo kamal me ham farishton se bad kar na hoga. Kuinki ham malayika fazilath ki jis manzil par hain vahan tak kisi makhluq ki bhi rasayi na ho sakegi. Iss liye fazilath ke tajdar bahar haal ham farishton ki jamath hi rahegi.

          Iss ke Baad Allah Tala ne Hazrate Adam Alaihis Salam ko paida farma kar tamam choti badi chizon ka ilm un ko Ata farma diya iss ke baad fir Allah Tala aur malayika ka hasbe zail Mukalma huva.

Allah Tala : Ye Farishto! Agar Tum apne iss dave me sachche ho ki tum se afzal koi dusri makhluq nahi ho sakti to tum tamam un chizon ke naam batao jin ko main ne tumhare pesho nazar kar diya hai.

Malayika: Ye Allah Tala! Tu har naks va yeb se paak hai hame to bas itna hi ilm hai jo tu ne hame Aata farma diya hai iss ke siva hame aur kisi chiz ka koi ilm nahi hai ham bil yakhin ye jante hai aur mante hain ki bila shuba ilmo hikmat ka khalikho malik to sirf tu hi hai.

Fir Allah Tala ne Hazrate Adam Alaihis Salam ko Mukhatab farma kar irshad farmaya ki ye Adam tum in farishton ko tamam chizon ke naam batao. To Hazrate Adam Alaihis Salam ne tamam Ashya ke naam aur un ki hikmaton ka ilm farishton ko bata diya jis ko sun kar farishte mutAjib va mahve hairath ho gaye.

Allah Tala : Ye Farishton! kai mai ne tum se ye nahi farma diya tha ki main asmano zamin ki chupi huyi tamam chizon ko janta hun aur tum jo alaniyya ye kahte the ki Adam Fasad barpa karenge iss ko bhi main janta hun aur tum jo khayalath apne dilon me chupaye huve the ki koi makhluq tum se bad kar afzal nahi paida hogi, main tumhare dilon me chupe huve un khayalath ko bhi janta hun.

        Fir Hazrate Adam Alaihis Salam ke fazlo kamal ke izhar va yelan ke liye aur farishton se in ki azmath va fazilath ka yetiraf karne ke liye Allah Tala ne saab farishton ko hukum farmaya ki tum saab hazrate Aadam Alaihis Salam ko sajda karo. Chunanche, Saab firishton ne Aap ko sajda kiya lekin iblis ne sajde se inkar kar diya aur takabbur kiya to kafir ho kar mardude bargah ho gaya.

        Iss Pure mazmun ko Quran e Majid ne apne mojizana tarze bayan me iss tarha zikr farmaya hai:

Tarjuma e Kanzul Imaan

                  Aur yad karo jab tumhare Raab ne Farishton se farmaya main Zamin me Apna Nayib banane vala hun. Bole : Kai yese ko nayib karega jo iss me fasad failaye aur khoon rezinyan kare aur ham tujhe sarahate huve teri tasbih karte aur teri paki bolte hain. Farmaya : Mujhe malum hai jo tum nahi jante aur Allah Tala ne Adam ko tamam ashya ke naam sikhaye fir saab ashya malayika par pesh kar ke farmaya sachche ho to in ke naam to batao, Bole paki hai tujhe hame kuch ilm nahi magar jitna tu ne hame sikhaya. Beshak tu hi ilmo hikmath vala hai. Farmaya : Ye adam bata de inhen saab ashya ke naam. Jab adam ne unhen saab ke naam bata diye, Farmaya main na kahta tha ki main janta hun Asmano aur Zamin ki saab chupi chizen aur main janta hun jo kuch tum zahir karte aur jo kuch chupate ho aur yaad karo jab ham ne firishton ko hukum diya ki adam ko sajda karo to saab ne sajda kiya sivaye iblis ke munkir huva aur gurur kiya aur kafir ho gaya.

Darse Hidayath:

              In ayate kareema se mundariza e zail hidayath ke asbakh milte hain.

1.          Allah Tala ki shaan FaAlullima Yuridu hai. Yani vo jo chahta hai karta hai na koi uss ke irade me dakhal andaz ho sakta hai na kisi ki majal hai ki uss ke kisi kaam me chuno charaa kar sake. Magar iss ke baad Vazud Hazrate Adam Alaihis Salam ki Takhlikh va khilafath ke bare me khudavande khuddus ne malayika ki jamath se mashvara farmaya. iss me ye hidayath ka sabaq hai ki bari tala jo saab se zaida ilm va khudrath vala hai aur fayile mukhtar hai jab vo apne malayika se mashwara farmata hai to bande jin ka ilm aur iqhtidar va iqhtiyar bahut hi kaam hai to unhen bhi chahiye ki vo jis kisi kaam ka irada karen to apne mukhlis doston, aur sahibane akhlaq hamdardon se apne kaam ke bare me mashvara kar liya karen ki ye allah tala ki sunnath aur uss ka mukhaddas dastur hai.

2.          Farishton ne Hazrate Adam Alaihis Salam ke bare me ye kaha ki vo fasadi aur khunrez hai. Lihaza un ko khilafate ilahiyya se sarfaraz karne se behtar ye hai ki ham firishton ko khilafath ka sharaf bakhsha jaye. Kuinki ham malayika khuda ki tasbiho takdis aur uss ki hamdo sana kao apna shiare zindagi banaye huve hain lihaza ham malayika Hazrate Adam Alaihis Sallam se Ziyada Khilafath ke mustahik hain.

            Farishton ne apni ye ray iss bina par di thi ki unhon ne apne ijtihad se ye samjha liya ki paida hone vale khalifa me 3 kuvvaten bari tala vadiat farmayega, ek Kuvvate Shahaviyya, Dusri Kuvvate Gazbiyya, Tisri Kuvvate Aqhliyya aur chunki Kuvvate Shahaviyya aur Kuvvate Gazabiyya in dono se lutmar aur khatlo gharath vaghaira kism kism ke fasadath rooh numa honge, Iss liye Firishton ne bari Tala ke javab me ye arz kiya ki ye khudavande tala! kai tu yesi makhlukh ko apni khilafath se sarfaraz farmayega jo zamin me khism ke fasad barpa karegi aur khatlo gharath giri se zamin me khoon rezi ka tufan layegi. iss se behtar to ye hai ki tu ham firishton me se kisi ko apna khalifa bana de. Kuinki ham teri hamd ke Saath teri tasbih padte hain aur teri taqdis aur paki ka charcha karte rahte hain to allah tala ne ye farma kar farishton ko khamosh kar diya ki main jis makhlooq ko khalifa bana raha hun uss me jo jo maslehaten aur jaisi jaisi hikmaten hain un ko bas main hi janta hun tum farishton ko un hikmaton aur maslehaton ka ilm nahi hai.

            Vo maslehate aur hikmaten kai thi? Iss ka pura pura ilm to sirf Alimul Ghaib hi ko hai. Magar Zahiri tor par ek hikmath aur maslehath ye bhi malum hoti hai ki firishton ne Hazrate Adam Alaihis Salam ke badan me Kuvvate Shahviyyath va Kuvvate Gazabiyya ko fasad va Khoon rezi ka Mamba aur sar chashma samajh akr in ko khilafath ka ahal nahi samjha. Magar farishton ki nazar iss par nahi padi ki Hazrate Adam Alaihis Salam ke Kuvvate Shahviyya aur Kuvvate Ghazabiyya ke saath saath Kuvvate Akhliyya bhi hai aur Kuvvate Aqhliyya ki ye shaan hai ki Agar vo ghalib ho kar kuvvate shahviyya aur kuvvate gazabiyya ko apna Mutia va Farma bardar bana le to Kuvvate Shahviyya va Kuvvate Gazabiyya bajay fasad va khoon rezi ke har kair va khubi ka mamba aur har khism ki salaho falah ka sarchashma ban jaya karti hai, ye nukta farishton ki nigah se Aaojal rah gaya. Isi liye bari tala ne farishton ke javab me farmaya ki main jo janta hun uss ko tum nahi jante aur farishte ye sun kar khamosh ho gaye.

            Iss se ye hidayath ka sabaqh milta hai ki chunki bande khudavande khuddus ke afAal aur uss ke kamo ki maslehaten aur hikmaton se kamaa haqqahu vakhif nahi hain iss liye bandon par lazim hai ki Allah tala ki kisi fel par tankhid va tabsere se apni zaban ko roke rahen. aur apni kaam akhli va kotah fahmi ka yetiraf karte huve ye imaan rakhe aur zaban se yelaan karte rahen ki Allah Tala ne jo kuch kiya aur jaisa bhi kiya bahar hal vohi haq hai aur allah tala hi apne kamo ki hikmaton aur maslehaton ko khoob janta hai jin ka ham bandon ko ilm nahi hai.

3.          Allah Tala ne Hazrate Adam Alaihis Salam ko tamam ashya ke namo, aur un ki hikmaton ka ilm va zariaa ek lamhe me ata farma diya. iss se malum huva ki ilm ka husul kitabon ke sabkhan sabkhan padne hi par mokuf nahi hai balki Allah Tala jis bande par apna fazal farma de uss ko bighor sabakh padne aur bighor kisi kitab ke ba zariaye ilham chand lamhon me ilm hasil kara deta hai aur bighor tahsile ilm ke uss ka sina ilmo irfan ka khazina ban jaya karta hai. Chunanche, bahuth se auliyaye kiram ke bare me motabar rivayath se sabith hai ki unho ne kabhi kisi maddrase me khadam nahi rakha. na kisi ustad ke samne zanuye talamuz kiya na kabhi kisi kitab ko hath lagaya, magar shokhe kamil ki batini tavajjoh aur fazle rabbi ki ba dolath chand minton balki chand sekendon me ilham ke zariye  vo tamam ulum va marif ke zameye kamalath ban gaye aur buzurgon ke ilmi tabhhur aur alimana maharath ka ye alam ho gaya ki bade bade darasgahi molvi jo ulum va marif ke pahad shumar kiye jate the in buzurgon ke samne tifle makhtab nazar ane lage.

4.          In Vakhiyath se Malum huva ki khuda ki niyabath aur khilafath ka daro madar kasrate ibadath aur tasbih va takdis nahi hai balki iss ka daro madar ulum va muarif ki kasrath par hai. Chunanche Hazrate Malayika Alaihimus Salam bavazude kasrate ibadath aur tasbih va takdis "Khalifatullah" ke lakhab se sarfaraz nahi kiye gaye aur Hazrate Adam Alaihis Salam Ulum va Marifa ki kasrath ki bina par khilafath ke sharaf se mumtaz bana diye gaye jis par Quran e Majid ki ayate karima shahide Adla hain.

5.          Iss se ye bhi malum huva ki ulum ki kasrath ko ibadath ki kasrath par fazilath hasil hai aur ek alim ka darja ek Abid se bahuth zaiyada buland tar hai. Chunanche, Yehi vajah hai ki Hazrate Adam Alaihis Salam ke ilmi fazlo kamal aur buland darjath ke izhar va yelan ke liye aur malayika se iss ka yetiraf karane ke liye allah tala ne tamam firishton ko hukum farmaya ki tamam farishte hazrate Adam Alaihis Salam ke roobaru sajda karen. Chunanche, tamam malayika ne hukme ilahi ki tamil karte huve Hazrate Adam ko sajda kar liya aur iss ki badolath  aur mahbubiyyate khudavandi ki buland manzil par fayiz ho gaye aur iblis chunki apne takabbur ki manhusiyyath me giriftar ho kar iss sajde se inkar kar baitha to vo mardude bargahe ilahi ho kar zillath va gumrahi ke yese Aamikh Ghar me gir pada ki khiyamat tak vo iss ghar se nahi nikal sakta aur hamesha hamesha vo dono jahan ki lanaton ka haqdaar bangaya aur kahare kahhar va ghazabe jabbar me giriftar ho kar dayimi azabe naar ka sazavar ban gaya.

6.          Iss se ye bhi malum huva ki kisi ke ilm ko janchne aur ilm ki killath va kasrath ka andaza lagane ke liye imtihan ka tarikha jo Aaj kal rayij hai ye Allah Tala ki sunnate khadim hai ki khudavande Alam ne farishton ke ilm ko kam aur hazrate adam Alaihis Salam ke ilm ko zayid zahir karne ke liye farishto aur hazrate Adam Alaihis Sallam ka imtihan liya. To firishte iss imtihan me nakam rah gaye aur hazrate adam Alaihis Salam kamyab ho gaye.

7.          Iblish ne Hazrate Adam Alaihis Sallam ko khak ka putla kah kar in ki tahkhir ki aur apne ko Aatashi makhlukh kah kar apni badayi aur takabbur ka izhar kiya aur sajdaye adam Alaihis Salam se inkar kiya, dar hakhikhat shaitan ke iss inkar kaa bayis uss ka takabbur tha iss se ye sabaq milta hai ki takabbur vo buri shai hai ki bade se bade buland maratib va darjath vale ko zillath ke azab me girifdar kar deti hai balki baz avkath takabbur kufr tak pahunch deta hai aur takabbur ke saath saath jab mahabubane bargahe ilahi ki tohin aur tahkhir ka bhi jazba ho to fir to uss ki shanaAth va khabasath aur be panah manhusiyyath ko koi andaz hi nahi kar sakta aur uss ke iblise layin hone me koi shako shuba kiya hi nahi ja sakta. Iss liye un logon ko ibrath Amoz sabakh lena chahiye jo buzurgane deen ki tohin kar ke apni ibadaton par izhare takabbur karte rahte hain ki vo iss dor me iblis kahlane ke mustahiq nahi to fir kai hai ?

Taqhlikhe Adam Alaihis Salam

Hazrate Adam Alaihis Salam ki na Maa hain Na Baap. Balki Allah Tala ne in ko mitti se banaya hai. Chunanche, Rivayath hai ki jab khudavande kuddus azzawajal ne Aap ko paida karne ka irada farmaya to hazrate izrael alaihis sallam ko hukum diya ki zamin se ek mutthi mitti layen hukme khudavandi azzavajal ke mutabikh Hazrate Izrael Alaihis Salam ne Asman se utar kar Zamin se ek Mutti Mitti Uthayi to puri rooh he zamin ki upari parat chilke ke manind utar kar Aap ki mutti me Aa gayi. Jis me 60 rangon aur mukhtalif kaifiyyaton vali mittiyan thi. Yani safed va siyah aur surkh va zard rangon vali aur narm va sakht, shirin va talkha, namkin va fiki vaghaira kaifiyaton vali mittiyan shamil thi.

       Fir Iss mitti ko mukhtalif paniyon se gundhne ka hukum farmaya. chunanche, ek muddath ke baad ye chipakne vali ban gayi. fir ek aur muddath tak ye gundhi gayi to kichad ki tarha budar ghara ban gayi. fir ye khushk ho kar khankhanati aur bajati huyi mitti ban gayi. fir iss mitti se Hazrate Adam Alaihis Salam ka putla bana kar jannath ke darvaze par rakh diya gaya jis ko dekh dekh kar firishton ki jamath tajjub karti thi. kuinki farishton ne yesi shaklo surat ki koi makhluk kabhi dekhi hi nahi thi fir Allah Tala ne iss putle me rooh ko dakhil hone ka hukum farmaya. Chunanche, rooh dakhil ho kar jab Aap ke nathno me pahunchi to Aap ko chink ayi aur jab rooh zaban tak pahunch gayi, to Aap ne Alhamdu Lillah pada aur Allah Tala ne farmaya Yarhakumullah yani allah tala tum par rahamath farmaye. ye abu mohammad(Adam) me ne tum ko apni hamd hi ke liye banaya hai. Fir rafta rafta pure badan me rooh pahunch gayi aur Aap jinda ho kar uth khade huve.

        Tirmizi aur Abu Dawood me ye hadis hai ki hazrate adam Alaihis Salam ka putla jis mitti se banaya gaya chunki vo mukhtalif rangon aur mukhtalif kaifiyyaton ki mittiyon ka majmua thi isi liye Aap ki avlad yani insano me mukhtalif rangon aur kism kism ke mizazon vale log ho gaye.

       Hazrate Adam Alaihis Salam ki kunyath Abu Mohammad ya Abul Bashar aur Aap ka lakhab " Khalifatullah" hai aur Aap saab se pahle allah tala ke nabi hain. Aap ne 960 baras ki umr payi aur ba vaqhte vafath Aap ki avlad ki tadad ek lack ho chuki thi. jinhon ne tarha tarha ki sanaton aur imaraton se zamin ko abad kiya.

      Quran e Majid me bar bar iss majmun ka bayan kiya gaya hai. ki hazrate Adam Alaihis Salam ki takhlikh mitti se huyi. Chunanche, Surah Ale Imran me irshaad farmaya ki

Tarjuma e Kanzul Imaan

                   Yisa ki kahavath Allah Ke Nazdik adam ki tarha hai use mitti se banaya fir farmaya ho ja vo foran ho jata hai.

Tarjuma e Kanzul Imaan

                   Beshak ham ne un ko chipakti mitti se Banaya.

    Kahin ye farmaya ki

Tarjuma e Kanzul Imaan

                  Aur Beshak ham ne Admi ko bajti huyi mitti se banaya jo asal me ek siyah budar ghara thi.

Hazrate Havva Raziyallahu Tala Anha

         Jab Hazrate Adam Alaihis Sallam ko khudavande khuddus ne bahisht me rahane ka hukum diya to Aap jannat me tanhayi ki vajah se kuch malul huve to Allah Tala ne Aap par nind ka ghalba farmaya aur Aap gahari nind so gaye to nind hi ki halath me Aap ki bayi pasli se Allah Tala ne Hazrate Havva Raziyallahu Tala Anha ko paida farma diya.

        Jab Aap nind se bedar huve to ye dekh kar hairan rah gaye ki ek nihayath hi khoob surath aur hasino jamil aurath Aap ke pass baithi huyi hai. Aap ne un se farmaya ki tum kon ho? Aur kis liye yahan ayi ho? To hazrate Havva Raziyallahu Tala Anha ne javab diya ki main Aap ki Bivi hun aur Allah Tala ne mujhe iss liye paida farmaya hai taki Aap ko mujh se uns aur sukune kalb hasil ho. Aur mujhe Aap se unsiyyath aur taskin mile aur ham dono ek dusre se mil kar khush rahen aur pyar va mohabbath ke saath zindagi basar karen aur khudavande khuddus azzawajal ki nematon ka shukr ada karte rahen.

        Quran e Majid me chand Makhamath par Allah Tala ne hazrate havva ke bare me irshad farmaya, maslan!

Tarjuma e Kanzul Imaan

                  Aur usi me se uss ka joda banaya aur un dono se bahuth se mard va aurath faila diye.

Darse Hidayath

             Hazrate Adam Alaihis Sallam va Havva Raziyallahu Tala Anhu ki takhlikh ka vakhia mazamine Quran e Majid ke un Ajayibath me se hain jis ke daman me badi badi ibraton aur nasihaton ke gohre abdar ke ambar poshida hain jin me se chand ye hai.

            Allah Tala ne Hazrate Adam Alaihis Salam ko mitti se banaya aur Hazrate Havva Raziyallahu Tala Anha ko Hazrate Adam Alaihis Salam ki phasli se paida farmaya. Quran ke iss farman se ye hakhikhat iyan hoti hai ki Khalikhe Alam Azzawajal ne Insano ko char tarikho se paida farmaya hai ki

((Avval)) 

              Ye ki mard va aurath dono ke milap se, jaisa ki Aam tor par insano ki paidayish hoti hai. Chunanche, Quran e Majid me saf saf yelan hai ki 

Tarjuma e Kanzul Imaan

                   Beshak ham ne admi ko paida kiya mili huyi mani se.

((Duvum))

                Ye ki tanha mard se ek insan paida ho. aur vo Hazrate Havva Raziyallahu Tala Anhu  hain ki Allah Tala ne un ko Hazrate Adam Alaihis Salam ki Bayi Phasli se paida farma diya.

((Sivum))

               Ye ki Tanha ek Aurath se ek insan paida ho. Aur vo Hazrate Isa Alaihis Salam hain jo ki pak daman kavari BiBi Maryam Raziyallahu Tala Anhu ke shikam se bighor baap ke paida huve.

((Chahrum))

                   Ye ki bighor mard va Aurath ke bhi ek insan ko Khudavande Khuddus Azzawajal ne Paida farmadiya aur vo insan Hazrate Adam Alaihis Salam hain ki Allah Tala ne un ko mitti se bana diya.

           In vakhiyath se mundarijaye zail asbaakh ki taraf rahnumayi hoti hai.

     1. Khudavande Khuddus yesa khadiro khayyum aur khallikh hai ki insano ko kisi khas ek hi tarikhe se paida farmane ka paband nahi hai, Balki vo yesi azim khudrath vala hai ki vo jis tarha chahe insano ko paida farma diya.jo us ki khudrath va hikmath aur uss ki Azimushshan Khalkhiyath ka nishane Aazam hai. Subhanallah Khudavande khuddus ki shane Khalkhiyath ki azmath ka kai kahna? jis khallake Alam ne kursi va arsh aur loho khalam aur zmino asman ko "Kun" farma kar mojud farma diya aur uss ki kudrate kamila aur hikmate baligh ke huzur khalikate insani ki bhala hakhikhath ba haisiyah hi kai hai. lekin iss me koi shak nahi ki takhlikhe insan uss khadire mutallak ka vo takhlikhi shahkar hai ki kayinath Alam me iss ki koi misal nahi. kuinki vajude insan Alame khalq ki tamam maqlukath ke numuno ka ek jamea markaa hai Allahu Akbar! kai khoob irshaad farmaya.  Maula e Kayinath Hazrate Ali Murtaza Raziyallahu Tala Anhu ne ki.

 Tarjuma

               Ye insan! Kai tu ye guman karta hai ki tu ek chota sa jism hai? Halanki teri azmath ka ye haal hai ki tere andar Alame Akbar simta huva hai.

     2. Mumkin tha ki koi mard ye khayal karta ki agar ham mardon ki jamath na hoti to tanha auraton se koi insan paida nahi ho sakta tha. isi tarha mumkin tha ki auraton ko ye guman hota ki agar ham auraten na hoti to tanha mardon se koi insan paida na hota. isi tarha mumkin tha ki aurath va mard dono mil kar ye naaz karte ki agar ham mardon aur  auraton ka wazud na hota to koi insan paida nahi ho sakta tha, to Allah Tala ne chalron tarikhon se insano ko paida farma kar auraton aur mardon dono ka muh  band kar diya ki dekh lo, Ham yese khadiro Khayyum hain ki Hazrate havva Raziyallahu Tala Anhu ko tanha mard yani hazrate Adam Alaihis Salam ki phasli se paida farma diya. Lihaza ye Auraton! Tum ye guman math rakho ki agar auraten na hoti to koi insan paida na hota. isi tarha Hazrate Isaa Alaihis Salam ko tanha Aurath ke shikam se baghair mard ke paida farmaa kar mardon ko tambiha farma di ki ye mardon! Tum ye naaz na karo ki agar tum na hote to insano ki paidayish nahi ho sakti thi. dekh lo! Ham ne Hazrate Isa Alaihis Salam ko tanha Aurath ke Shikam se baghair mard ke paida farma diya. Aur hazrate Adam Alaihis Salam ko baghair mard va aurath ke mitti se paida farma kar auraton aur mardon ka muh band farma diya ki ye auraton aur mardon! tum kabhi bhi apne dil me khayal na lana ki agar ham dono na hote to insano ki jamath paida nahi ho sakti thi. dekh lo! Hazrate Adam Alaihis Sallam ke na Baap hai na Maa, Balki ham ne un ko mitti se paida farma diya. Subhanallah sach farmaya Allah azzawajal ne ki

  Tarjuma e Kanzul Imaan

                    Allah Azzawajal har chiz ka banane vala hai aur vo akela saab par ghalib hai.

         vo jis ko chahe aur jaise chahe aur jab chahe paida farma deta hai. Uss ke afAal aur uss ki khudrath kisi asbab va Yeel aur kisi khas tor tarikhon ki bandishon ke mohtaz nahi hain. vo " Faallul Limaa Yuridu" hai.

         Yani vo jo chahta hai karta hai. uss ki shaan "YafAlullahu Ma Yashau Va YafAlullahu Ma Yuridu" hai. Yani jis chiz aur jis kaam ka vo irada farmata hai uss ko kar dalta hai. na koi uss ki mashiyyath va irade me dakhal andaz ho sakta hai, Na kisi ko uss ke kisi kaam me chu va char ki majal ho sakti hai.

Tilavath Ki Ahamiyath Va Adab

Hazrate Abu Huraira Raziyallahu Tala Anha Se Rivayath hai Inhon ne kaha ki Rasulullah Sallallahu Alaihi O Sallam ne farmaya ki Quran 5 Tarikhon par nazil huva. Halal va Haram va Mohkam va Mutashabeh aur Amsaal. Tu tum log Halal Ko Halal Jano Aur Haram ko Haram Jano aur Mohkam Par Amal karo aur Mutashabeh par Imaan lao aur Amsalon(Gujishta Ummaton ke Khisson aur Misalon) se ibrath hasil karo. Quran e Azim ke mazkura bala panchon mazamin par mutala hone ke liye zaruri hai ki Quran e Paak ko bagair Aur Bar bar samjh kar pada jaye. Isi liye tilavate Quran e Majid ka iss khadar  zaida savab hai ki har harf ke badle iss nekiyan milti hai yani maslan kisi ne sirf  Alif Laaam pada aur uss ki tilavath makhbul ho gayi to uss ko 30 nekiyan milengi kuinki uss ne Quran ke 3 harfon ko pada hai.

Tilavath Ke Chand Adab

     1. Misvakh kar ke sahih tarikhe se vazu kar le aur khibla rooq ho kar bait jayen aur "Aauzu                    Billahi Minash Shaitan Nirrajim . Bismillahir Rahaman Nirrahim" pad kar Alfaz va maani            me ghoro fikar karte huve dil ko puri tarha mutavajjeh kar ke khushu va khuzu aur nihayath                izza va inkisari ke saath tilavath me mashgul ho aur na bahuth buland avaz se pade aur na bahut          fasth avaz kare. Balki darmiyani avaz se pade.

     2. Behtar ye hai ki dekh kar tilavath kare kuinki Quran e Majid ko dekhna bhi ibadath hai aur                  ibadaton me savab bhi do guna milta hai. hadis sharif me hai ki jis ne dekh kar Quran e Majid ki          tilavath ki uss ke liye do hazar nekiyan likhi jayengi aur jis ne zabani pada uss ke liye ek hazar            nikiyan likhi jayengi.

     3. Teen din se kaam me Quran e Kareem na Khatam kare Balki kaamaz kaam 3 din ya 7 din ya 40          din me Quran e Kareem khatam kare taki mani va matalib ko samajh kar tilavath karen.

     4. Tartil ke saath itminan se aur tahar tahar kar tilavath kare. Irshade Rabbani hai:

                                      Yani Khoob Tahar Tahar Kar Quran E Majid Ko Pado.

          Iss me kayi faide hain, Avvalan to iss se Quran e Majid ki Azmath Zahir hoti hai. aur saniyyan           Quran e Majid ki Azmath zahir hoti hai. Aur saniyyan Quran e Majid ke Azayib va Gharayib               ko sochna aur mani ko samajhna hi tilavath ka maksude azam hai aur ye tartil ke baghair                     dushvar hai.

     5. Ba Vaqhte Tilavath har lafz ke maani par nazar rakhe aur vada va vayid ko samajhne ki koshish          kare aur har khitab me apne ko mukhtab tasavvur kare aur umr va nahya aur khasas va hikayath          me apne Aap ko marjaye khitab samajhe aur ahkam par amal paira hone aur mamnuAath se               baaz rahne ka pukhta irada kar le. 

     6. Daurane tilavath jis jagah jannath aur uss ki nematon ka zikr aya ya hifjo aman aur salamatiye            iman ya kisi bhi pasandida chiz ka zikr aya to tahar kar dua kare aur jis jagah jahannam aur uss            ke azabon ka zikr aya ya un jaisi kisi bhi bayise khof chiz ka tazkira Aaye to tahar kar in chijon          se Allah Azzawajal se ro pade aur agar rona na aya to kam az kam rone ki surath ban le.

     7. Raath ke vaqht tilavath ki kasrath kare kuinki iss vaqht zehan pur sukun aur dil mutmayin hota            hai. Tilavath ke liye saab se afzal vaqht saal bhar me ramzan sharif ke akhiri das ayyam aur zul          hijja ke ibtidayi das din hain. Is ke baad Zumma fir do shamba fir panj shamba aur raath me                tilavath ka behtarin vaqht maghrib aur Ishaa ke darmiyan hai aur iss ke baad nisaf shab ke baad          aur din me saab se umda subha ka vaqht hai.

     8. Khush Ilhani aur tajvid ke saath Huruf ki sahih adayegi aur avkaf ki riyayath karte huve tilavath          kare magar iss ka lihaz kare ki khush ilhani ke liye khavayide mosikhi aur gane ke lahajon ka              hargiz hargiz istimal na karen.

     9. Tilavath ke vaqht Quran e Kareem ki Azmath par nazar rakhe aur ayate karima.

         Yani Agar ham ye Quran kisi pahad par utarte to zarur tu use dekhta jhuka huva pash pash hota          Aallah ke khof se.

         Ayath ke iss mazmun ko ba vaqhte tilavath apne zehan me hazir rakhe aur khofe ilahi se                      bharpur ho kar nihayath azizi ke saath tilavath kare.

     10. Jo ayaten apne haal ke mutabik ho, un ko bar bar padna chahiye.aur Quran e Azim padte                      vaqht ye khayal jamaye ki goya khudavande tala ke huzur me pad raha hai. Jab iss manzil par               pahunch jaye to ye tasavvur jamaye ki goya rabbe kareem mujh hi se khitab farma raha hai                 aur iss tarakhi ki intiha ye hai ki ye tasavvur paida ho jaye ki Quran e Azim padne vala goya               Allah Tala aur uss ki sifath va afAal ko uss ke klam me dekh raha hai. lekin ye buland                         martaba siddikhin ke liye makhsus hai har kaso nakis ko ye hasil nahi hota.

     11. Jab Tanhayi me ho to darmiyani avaz se tilavath karna behtar hai. Lekin agar buland avaz se                tilavath karna behtar hai. lekin agar buland avaz se tilavath karne me riyakari ka khof ho ya                kisi namazi ki namaz me khalal ka andesha ho ya kuch log guftagu me masruf hain aur un ke              tilavath na sunne ka guman ho to in suraton me Quran e Majid ko ahista padna behtar hai. yese            mavakhe ke liye hadison me varid huva hai ki "poshida amal" zahiri amal se sattar guna ziyada            savab rakhta hai.

           Bahar haal Quran e Majid ki tilavath ke vaqht adab ka lihaz rakhna nihayath zaruri hai taki deen va dunya ki be shumar barkaten hasil ho aur hargiz hargiz adab se ghaflat na hone paye ki ye ghaflat barkate deen se bahut badi mahrumi ka sabab hai.

Jadu Ka Ilaj

Rivayath hai ki lubaid Bin Aasim Yahudi aur uss betiyon ne Huzur Sayyide Alam Sallallahu Alaihi O Sallam par Jadu kar diya tha jis ka Asar Huzur Sallallahu Alaihi O Sallam ke (Zahiri) jisme Mubarak par numudar hua. Lekin Aap ke kalb aur Akhal va yetikhad par kuch bhi asar nahi ho saka. Chand Roz ke baad Hazrate Jibrail Alaihis Salam Hazire Khidmath huve aur unhone arz kiya ki ya rasoollallah Sallallahu Alaihi O Sallam ek yahudi ne Aap Sallallahu Alaihi O Sallam par jadu kar diya hai aur jadu ka jo kuch saman hai vo fulan kuvve me ek patthar ke niche daba diya gaya hai. Huzur Sallallahu Alaihi O Sallam ne Hazrate Ali Raziyallahu Tala Anha ko bheja. Unhone kuvve ka pani nikal kar patthar uda ya to uss ke niche se khajur ke gabe ki theli bar amad huvi. Uss me Huzur Sallallahu Alaihi O Sallam ke muye mubarakh jo kandhi se tute the aur kandhi ke tute huve  kuch dandane aur ek dor ya kamaan ka chilla jis me 11 girohen lagi huyi thi aur ek mom ka putla jis me 11 suinyan chubi thi. Ye saab saman patthar ke niche se nikala aur ye saab saman Huzur Sallallahu Alaihi O Sallam ki khidmath me laya gaya.

             Iss ke baad Quran e Majid ki dono suraten "Khul Aozubirabbil Falaki" aur " Khul Aozubirabbin Nasi" Nazil huyi. In dono suraton me 11 ayaten hain. Har ek Ayath ke padne se ek ek girha khulti jati thi. Yahi tak ki sab girhen khul gayi aur Huzur Sallallahu Alaihi O Sallam bilkul shifayab ho gaye.Aur jadu ka sara saman zere zamin dafan kar diya gaya.

Darse Hidayath:

              Tavijath aur Amliyath jis me koi lafz kufro shirk ka na ho jayiz hai. Isi tarha Gande banana aur in par girhen laga kar ayaten Quran aur Asmaye Ilahiyya pad kar funk marna bhi jayiz hai. jamhur sahaba aur tabeyina isi par hain, Aur hadise Ayesha Raziyallahu Tala Anha me hain ki jab Huzur Sayyide Alam Raziyallahu Tala Anha ke ghar volon me se koi bimar hota to Aap Sallallahu Alaihi O Sallam in dono suraton ko pad kar uss par dam farmate the.

            Aur Bukhari va Muslim ki Hadis me hai ki Huzure Akram Sallallahu Alaihi O Sallam Rath ko jab bistare mubarakh par tashrif late to Apne dono haton par dam farmaya karte aur apne saar se paon tak pure jisme mubarakh par apne dono haton ko firaya karte the jahan tak daste mubarakh pahunch sakte, Ye amal tin martaba farmate.

         Khulasa ye hai ki "Khul Aozubirabbil Falaki" aur " Khul Aozubirabbin Nasi" ye dono suraten jinn va shayatin aur nazare baad va aseb aur tamam amraz khususan jadu tona ka mujarrab ilaz hai. In ko likh kar taviz banayen aur jale me pahanayen aur in ko bar bar pad kar mriz par dam karen aur khane pani aur davaon par pad kar funk maren aur mariz ko khilayen pilayen. Insha Allah har maraz khususan jadu tona dafa ho jayega aur mariz shifayaab ho jayega. Isi tarha Quran e Majid ki dusri tamam suraton ke khususi khavas hai jin ko "Jannati Zevar" me tafsil ke sath pad sakenge. Aur in amal ki har sunni musalman pabande shariath ko ham ne ijazath bhi de di hai. Lihaza sunni musalmano ko chahiye ki vo in amale Qurani ke Favayid va manafeA se khud bhi fozyab ho aur dusre logon ko bhi faida pahunchayen. Hadis Sharif me hai ki 

                                   Yani Behtarin Admi Vo hai jo logon ko nafa pahunchaye.

Surah Falaq

  Tarjuma e Kanzul Imaan

                    Tum Farmao Main Uss Ki Panah Leta Hun Jo Suboh Ka Paida Karne Vala Hai Uss Ki Saab Makhlukh Ke Shaar Se Aur Andheri Dalne Vale Ke Shar Se Jaab Vo Dube Aur Un Auraton Ke Shaar Se Jo Girho Me Funkti Hai Aur Hasad Vale Ke Shar Se Jaab Vo Mujh Se Jale.

Suratunnas

Tarjuma e Kanzul Imaan

                  Tum kaho main uss ki panah me Aaya jo Saab Logon ka Rab Sab logon ka badshaah sab logon ka khuda uss ke shar se jo dil me bade khatre dale aur dabak rahe vo jo logon ke dilo me vasvase dalte hain jin aur admi.

Ashabe Feel Va Lashkare Ababil

Yaman va Habshaa ka badshaah "Abraha" Tha. Uss ne shahare "SanAa" me ek girzadhar banaya tha aur uss ki khwahish thi ki haj karne vale  bazaye makkaye mukarrama ke sanAa me Aayen aur isi girjaghar ka tavaf karen aur yahi haj ka maila huva karen. Arab Khususan Khuraishiyon ko ye baath bahuth shaak guzari. Chunanche, Khuresh ke khabilaye banu kinana ke ek shakhs ne ape se bahar ho kar sanAa ka safar kiya aur abraha ke girja ghar me dakhil ho kar peshab pakhana kar diya. aur iss ke daro divar ko najasath se aluda kar dala. Iss harkat par Abraha Badshaa ko bahuth tais Aya aur uss ne Kaba e Muazzam ko Dha dene ki khasam khali. Aur iss irade se apna lashkar le kar ravana go gaya. Iss lashkar me bahuth se hathi the aur in ka pesh-ru ek bahuth bada koh paikar hathi tha jis ka naam mahmud tha. Abraha ne Apni foz le kar Makka e Mukarrama par chadayi kar di aur ahle makka ke saab janvaron ko apne khabze me le liya. jis me abdul mutalib ke unt bhi the. Yehi Abdul mutalib jo hamare huzur khatimunnabiyyin Sallallahu Alaihi O Sallam ke dada hain, Khana e Kaba ke mutavalli aur ahle makka ke sardar the. Ye bahuth hi robdar aur nihayat hi jasim va ba shikva admi the. Ye abraha ke pass Aaye, Abraha ne in ki bahut tazim ki aur ane ka makhdas pucha to Aap ne farmaya ki tum mere unton ko mujhe vapas de do. Ye sun kar abraha ne kaha ki mujhe bada tajub ho raha hai ki main to tumhare kaba ko dhane ke liye foz le kar Aaya hun jo tumhara aur tumhare baap dada ka ek bahuth mukhaddas va mohataram makham hai. Aap ne iss ke bare me kuch bhi mujhse nahi kaha, sirf apne Unton ka mutalaba kar rahe hain? Hazrate Abdul Mutalib ne farmaya ki main apne unton hi ka malik hun iss liye unton ke liye kah raha hun aur kaba ka jo malik hai vo khud iss ki hifazath farmayega. Mujhe iss ki koi fikr nahi. Abaraha ne Aap ke unton ko vapas kar diya fir Aap ne khuresh se farmaya ki tum log pahadon ki ghatiyon aur chotiyon par panah gunji ho jao. Chunanche, Quresh ne Aap ke mashvare par Aamal kiya. Iss ke baad Hazrate Abdul Mutalib ne kabe ka darvaza pakad kar bargahe ilahi me kabe ki hifazath ke liye khoob ro ro kar dua mangi aur dua se farigh ho kar Aap bhi apni khom ke saath pahad ki choti par chad gaye. Abraha ne subah tadke apne lashkaron ko le kar kaba e mukaddas par dhava bol dene ka hukum de diya aur hathiyon ko chalne ke liye uthaya likin hathiyon ka pesh ru mahdud jo saab se bada tha vo kabe ki taraf na chala jis taraf uss ko chalate the chalta tha magar kaba e mukarrama ki taraf jab uss ko chalte the to vo bait jata tha. Itne me Allah Tala ne samandar ki janib se parandon ka lashkar bhej diya aur har parande ke pass 3 kankarinyan thi, 2 panjon me aur ek chonch me. Ababilon ke iss lashkar ne abraha ki fojon par iss zor ki saangh bari ki, ki abraha ki foz bad havas ho kar bhaghne lagi. Magar kankarinyan go choti choti thi lekin vo kahare ilahi ke patthar the ki parande jab un kankariyon ko girate to vo sangreze fil suvaron ke khod ko tod kar, sar se nikal kar, jism ko chir kar, hathi ke badan ko chedte huve zamin par girte the. Har kankari par us shakhs ka naam likha tha jo uss khankari se halak kiya gaya. Iss tarha abraha ka pura lashkar halak va barbad ho gaya aur kaba e muazzama mahfuz rah gaya. Ye vakhiya jis saal wakhia pazir huva uss saal ko ahle Arab "Amul Feel" (Hathi Vala Saal) kahne lage aur iss vakhiye se pachas roz ke baad Huzur sayyade Alam Sallallahu Alaihi O Sallam ki viladath huyi.

          Iss Vaqhiye ko Allah Tala ne Quran e Majid me bayan farmate huve ek surah nazil farmayi jis ka naam hi "Surah e Feel" hai Yani

Tarzuma e Kanzul Imaan

                   Ye Mahbub kai tum ne na dekha? Tumhare raab ne un hathi valon ka kai haal kiya, kai un ka daun tabahi me na dala aur un par parandon ki tukdiyan(fojen) bheji ki unhen kankar ke pattharon se marte to unhen kar dala jaise khayi kheti ki patti(bhusa)

Darse Hidayath:

             Iss se malum huva ki Quran e Majid ki tarha Kaba Muazzama ki hifazath ka jimma bhi khudavande khuddus ne apne zimmaye karam par le rakha hai ki koi taghuti takhat na Quran e Majid ko fana kar sakti hai na kaaba ko safah e hasti se mita sakti hai kuinki Khudavande Karim in dono ka muhafiz va nigahban hai.

Hazrate Khizar Alaihis Salam Ki Batayi Huyi Dua

Hazrate Allama Mohammed Bin Sammaka Alaihi Rahamath bahut Jalilul Khadr Muhaddis aur ba karamath wali the. Ek martaba ye bahut sakht bimar ho gaye to in ke mutvassilin in ka Kharura le kar ek nasrani tabib ke pass chale. Raste me in logon ko ek bahut hi khush poshak buzurg mile jin ke badan se behtarin khushbu Aa rahi thi. Inhon ne farmaya ki tum log kahan ja rahe ho? In logon ne kaha ki hazrate mohammed Bin sammaka Alaihi Rahamath bahut sakht alil hain ye un ka kharura hai jis ko ham fulan tabib ke pas le jaa rahen hain. ye sun kar un buzurgon ne farmaya ki Subhanallah ek Allah Azzawajal ke wali ke liye tum log ek Allah Azzawajal ke dushman se madad talab kar rahe ho? kharura fenk kar vapas jao aur mohammed bin sammaka alaihi rahamath se kah do ki makhame dard par "O Bil Haqqi Anzalnahu Va Bil Haqqi Nazzala" pad kar dam karen.

         Ye farma kar buzurg ghayib ho gaye aur logon ne vapas ho kar Hazrate Mohammed Bin Sammaka Alaihi Rahamath se Zikr kiya to Aap ne makhame dard par haath rakh kar Aayath ke in dono zumlon ko pada to foran hi aram ho gaya. Fir Hazrate Mohammed Bin Sammaka Alaihi Rahamath ne logon se farmaya ki vo Buzurgh jinhone tum logon ko ye vazifa bataya, tumhen ye khabar hai ki vo ko buzurg the? Logon ne kaha ki ji nahi ham logon ne unhen nahi pahachana. To hazrate mohammed bin sammaka alaihi rahamath ne farmaya ki vo buzurgh hazrate sayyiduna Khizar Alaihis Salam the.

   Quran e Majid ki Ayath ka itna sa tukda har marz ki mukammal dava aur mujarrab ilaz hai. marz ki jagah par haath rakh kar pada diya jaye to bimari door ho jati hai. lekin sharth ye hai ki padne vala pabande shariath aur sidkhe mkhal va rizkhe halal par kaar band ho. Bilashuba ye ayat shifa amraz ke liye Quran Majid ke Azayib me se hain.

Shaddad Ki Jannat

Ye Aap  " Khom E Aad Ki Andhi" Unvan me pad chuke hain ki khome Aad ka Murise Aala Aad Bin Uvais Bin Arma Bin Sama Bin Nooh hai. Iss "Aad" Ke Beton me "Shaddad" bhi hain. Ye Badi shano shokat ka badshaah huva hai. Iss ne apne vaqth me tamam badshahon ko apne jhande ke niche jama kar ke saab ko apna mutio farma bardar bana liya tha. Iss ne paighambaron ki jaban se jannath ka zikr sun kar barahe sarkashi dunya me ek jannath banani chahi aur iss irade se ek bahuth bada shahar banaya jis ke mahal sone chandi ki inton se tamir kiye gaye aur zabarzad aur yakhut ke sutun in ki imaraton me nasab kiye gaye aur yese hi farsh makano me banaye gaye. Sangrejon ki jagah abdar mothi bichaye gaye. Har mahal ke gird javahirath se pur naharen zahir ki gayi. Khisam khisam ke darakhth zinath aur saye ke liye lagaye gaye. Al gharaz iss sarkash ne apne khayal se jannath ki tamam chizen aur har khism ki yesho ishrath ke saman iss shahar me jamaa kar diye. jab ye shahar mukammal huva to shaddad badshaah apne Ayane saltanath ke saath iss ki taraf ravana huva. Jab ek manzil ka fasila bakhi rah gaya to asman se ek holnak avaz ayi jis se Allah Tala ne shaddad aur uss ke tamam sathiyon ko halak kar diya aur vo apni banyi huyi jannath ko dekh bhi na saka.

         Hazrate Amire Muaviya Raziyallahu Tala Anhu ke dore Hukumath me Hazrate Abdullah Bin Khilaba Raziyallahu Tala Anhu apne gumshuda Unt ko talash karte huve sahraye Adan se guzar kar uss shahar me pahunche aur uss ki tamam zinaton aur arayisho ko dekha magar vahan koi rahane basne vala insaan nahi mila. Ye thode se javahiraath vahan se le kar chale Aye. Jab ye khabar Hazrate Amire Muaviyya Raziyallahu Tala Anha ko malum huyi to unhone Abdullah Bin Khilaba ko bula kar pura haal daryafth kiya aur inho ne jo kuch dekha tha saab kuch bayan kar diya. Fir Hazrate Amire Muaviyya Raziyallahu ne Kabe Ahbar Raziyallahu Tala Anhu ko Bula kar daryaft kiya ki kai dunya me koi yesa shahar maujud hai? To unhone farmaya ki han jis ka zikr Quran e Majid me bhi Aaya hai. Ye shahar Shaddad Bin Aad ne banaya tha lekin ye saab Azabe ilahi se halaq huve aur iss khom me se koi ek Admi bhi bakhi nahi raha aur Aap ke zamane me ek musalman jis ki Ankhen Nili, Khad Chota aur uss ke Abru par ek Til Hoga, Apne Unt ko talash karte huve iss viran shahar me dakhil hoga, itne me Abdullah Bin Khilaba Raziyallahu Tala Anhu Aa gaye. To Kabe Ahbar ne in ko dekh kar farmaya ki va khuda vo shakhs jo shaddad ki banayi huyi jannath ko dekhenga, vo yehi shakhs hai.


   
      Khome Aad Aur Dusri Sarkash Khomo ka haal Bayan karte huve Quran e Majid ne irshaad farmaya:

Tarjuma e Kanzul Imaan

                  Kai tum ne na dekha tumhare Raab ne Aad ke saath kaisa kiya aur vo iram had se ziyada tul vale ki un jaisa shahron me paida na huva aur samud jinhon ne vadi me pathtar ki chattane kati aur firon ki chomekha karta(Sakht sazayen deta) jinho ne sharon me sarkashi ki fir un me bahuth fasad felaya to un par tumhare raab ne azab ka koda ba-khuvvath mala.

Darse Hidayath

             Allah Tala ko bandon ki sarkashi aur takabbur va gurur behad napasand hai iss liye khudavande khuddus ka dastur hai ki har sarkash aur mutakabbir khom jis ne zamin me apni sarkashi aur zulm va udvan se fasad felaya. uss khom ko kahare ilahi ne kisi na kisi Aazab ki surath me zahir ho kar halakh va barbad kar diya. Shaddad aur khome Aad ke dusre afrad saab apni sarkashi aur takabbur ki vajah se khuda ke maghjub tahare aur jab in logon ka tamrud aur zulm va udvan iss darje baad gaya ki ruhe zamin ka zarra zarra un ke gunahon aur bad amaliyon se bil bila utha to khudavande kahhar va jabbar ke azabon ne in saab sarkasho aur zalimo ko tabaho barbad kar ke safahye hasti se harfe ghalat ki taraha mita diya. Lihaza un khomo ke uruj va zaval aur in logon ke azabe ilahi se pamal hone ki dastano se ibrath va nasihath hasil karni chahiye. kuinki Quran e Karim me in Akhvam ke anzam ke zikr ka makhdas hi ye hai ki ahle Quran in ki dastan sun kar ibrath pakaden aur khofe ilahi se haar dam larza bar andaam rahen. Musalmano ko lazim hai ki Quran e Majid ki ba-kasrath tilavath karen aur iss ka tarjuma bhi pada karen aur in akhvam ki halakath se ibrath hasil karen. har vakhth toba va istighfar karte rahen aur har khisam ki baad yetikhadiyon aur bad Amaliyon se hamesha bachte rahen. Aamale saleha ki koshish karte rahen aur malo dolath ke ghurur va ghamand me sarkashi va takabbur na karen balki hamesha dil me khofe khuda Azzawajal rakh kar tavajo va inkisari ko apni adath banayen aur jahan tak ho sake apni zindagi me achche Aamal karte rahen.

4 Khabile Ibrath Auraten

Vahila

          Ye Hazrate Nooh Alaihis Salam ki Bivi thi. Iss ko ek nabiyye barhaq ki zojiyath ka sharaf hasil huva aur barson ye Allah Tala ke Nabi Alaihis Salam ki Sohbath se sarfaraz rahi magar iss ki baad nasibi khabile ibrath hai ki iss ko imaan nasib nahi huva balki ye Hazrate Nooh Alaihis Salam ki Dushmani aur Tohin va be Adabi ke sabab se be Imaan ho kar maar gayi aur jahannam me dakhil huyi.

         Ye Hamesha Apni Khom me Jhuta propeganda karti rahti thi ki Hazrate Nooh Alaihis Salam Majnun aur pagal hain, Lihaza un ki koi baath na mano.

Vayila

            Ye Hazrate Looth Alaihis Salam Ki Bivi thi. Ye bhi Allah ke ek Jalilul Khadr Nabi Alaihis Salam ki Zojiyath ba Sohbath se barson sarfaraz rahi magar iss ke saar par bad nasibi ka yesa shaitan suvar tha ki Sachche Dil se kabhi Imaan nahi layi balki umr bhar Munafiq rahi aur apne nifakh ko chupati rahi. Jab kome looth par Azab aya aur pattharon ki barish hone lagi, uss vakht hazrate looth Alaihis Salam apne ghar valon aur mominin ko saath le kar basti se bahar chale gaye the. "Vayila" bhi Aap ke saath thi. Aap ne farma diya tha ki koi shakhs basti ki taraf na dekhe varna vo bhi azaab me Mubtala ho jayega. Chunanche, Aap ke saath valon me se kisi ne bhi basti ki taraf nahi dekha aur saab azaab se mahfuz rahe lekin bayla chunki munafikh thi uss ne hazrate loot Alaihis Salam ke farman ko thukra kar basti ki taraf dekh liya aur shahar ko ulat palat hote dekh kar chillane lagi ki "Ya Khavama" hay re meri khom, Ye zaban se nikalte hi nagahan Azaab ka ek patthar iss ko bhi laga aur ye bhi halak ho kar jahannam rasid ho gayi.

Asiya:

            Asiya Binte Muzahim Alaihis Salam Ye firon ki bivi hai. Firon to Hazrate Musa Alaihis Salam ka badtarin dushman tha lekin Hazrate Asia Raziyallahu Tala Anha ne jab zadugaron ko Hazrate Musa Alaihis Salam ke mukhable me maghlub hote dekh liya to foran un ke dil me Imaan ka Noor cham utha aur vo Imaan le Aayi. Jab Firon ko khabar huyi to uss zalim ne in par bade bade Azaab kiye, Bahut ziyada zando kaib ke baad chomikha kar diya yani char khuntiyan gaad kar Hazrate Asiya Raziyallahu Tala Anha Ke Charon haton pairon me lohe ki mekhen thok kar charo khunton me iss tarha jakhad diya ki vo hil bhi nahi sakti thi aur  bhari patthar sine par rakh kar dhup ki tapish me dal diya aur dana pani band kar diya lekin in masayib va shadayid ke bavajud vo apne Imaan par khayim va dayim rahi aur firon ke kufr se Khuda Azzawajal ki panah aur jannath ki duayen mangti rahi aur isi Halat me un ka  khatima bil khair ho gaya aur vo jannath me dakhil ho gayi aur ibne kaisan ka khol hai ki vo jinda hi utha kar jannath me pahuncha di gayi.

Maryam:

                  Maryam Binte Imran Raziyallahu Tala Anhu, Ye Hazrate Isa Alaihis Salam Ki valida Hain. Chunki Hazrate Isa Alaihis Salam in ke shikam se baghair Baap ke paida huve iss liye in ki khom ne tan va bad goyiyon se in ko badi badi yizaye pahuchayi magar ye sabir rah kar itne bade bade maratib va darjath se sarfaraz huyi ki khudavande khuddus ne Quran e Majid me in ki madhon sana ka bar bar khutba irshaad farmaya. In charon auraton ke bare me Quran e Majid ne Suraye Tahrim me farmaya jis ka tarjama ye hai:

"Allah Tala Kafiron ki misal deta hai. Jaise Hazrate Nooh Alaihis Salam ki Aurath (Vahila) aur Hazrate Looth Alaihis Salam ki Aurath Vayila Ye dono hamare do mukharrab bandon ke nikah me thi. Fir in dono ne un dono se dagha kiya to vo dono Paighambaran, in dono auraton ke kuch kaam na Aaya aur in dono auraton ke bare me khuda ka ye farman ho gaya ki tum dono jahannami auraton ke saath jahannam me dakhil ho jao. Aur Allah Tala Musalmano ki misal bayan farmata hai. Firon ki bivi (Asiya) jab unhon ne arz ki ye mere rab ! mere liye apne pass jannath me ghar bana aur mujhe firon aur us ke kaam se najath de aur mujhe zalim logon se najath bakhsh aur imran ki beti maryam jis ne apni parsayi ki hifazath ki to ham ne uss me apni taraf ki rooh funki aur uss ne apne raab ki baton aur uss ki kitabon ki tasdikh ki aur farmaa bardaron me se huyi.

Darse Hidayath

             Vahila aur vayila dono nabi ki biviyan ho kar kufr va nifakh me giriftar ho kar jahannam rasid huvi aur firon jaise kafir ki bivi Hazrate Asiya Raziyallahu Tala Anhu Imaane Kamil ki dolath pa kar jannath me dakhil huyi aur hazrate Asiya Raziyallahu Tala Anhu Haq zahir ho jane ke baad iss tarha imaan layi ki firon ke saab aram va rahat ko thukra diya aur be panah taklifo aur izaon ke bavajud apne Imaan par khayim rahi, Bilashuba ye baten khabile Ibrath hai.

As'habul Ukhdud Ke Mazalim

"As'habul Ukhdud" ke bare me mufassirin ka ikhtilaf hai ki ye kon log the? aur in ka kai vakhiya tha. Iss bare me Hazrate Suhaib Raziyallahu Tala Anhu se rivayath hai ki agli ummaton me ek badshaah tha jo khudayi ka dava karta tha aur ek jadugar uss ke darbar ka bahuth hi mukharrab tha. Ek din jadugar ne badshaah se kaha ki main Aab Budda ho chuka hun. Lihaza Tum ek ladke ko mere pass bhej do taki main uss ko apna jadu sikha dun. Chunanche, Badshaah ne ek hoshiyar ladke ko jadugar ke pas bhej diya. Ladka rozana jadugar ke pass ane jane laga lekin raste me ek imandar rahib rahta tha. ladka ek din us rahib ke pass baitha to uss ki baten ladke ko bahuth pasand Aa gayi. Chunanche, ladka jadugar ke pas ane jane me rozana rahib ke pass baitne laga. ek din ladke ne dekha ki ek bada aur muhib janvan khada insano ka rasta roke huve hai. ladke ne ye manzar dekh kar ye kaha ki Aaj ye zahir ho jayega ki jadugar afzal hai ya rahib? Chunanche, ladke ne ek patthar utha kar ye dua mangi ki ya Allah Azzawajal agar tere darbar me ye mazhab jadugar se zaida makhbul va mahaboob ho to iss janvar ko isi pathtar se makhtul farma de. Ye dua kar ke ladke ne janvar ko us patthar se maar diya to ye bahuth bada janvar ek chote se patthar se khatal ho kar mar gaya aur logon ka rasta khul gaya. Ladke ne rahib se ye pura vakhiya bayan kiya to  rahib ne kaha ki ye ladke! khuda azzawajal ke darbar me tera martaba buland ho gaya hai. Lihaza ab tu ankharib imtihan me dala jayega. iss liye kisi ko mera pata na batana aur imtihan ke bakht sabr karna. iss ke baad ye ladka iss khadar sahibe karamat ho gaya. ki duaon se madarzad andhe aur khodi shifa pane lage. rafta rafta badshaah ke darbar me uss ka charcha hone laga to badshaah ke ek bahuth hi mukharrab ham nashin jo andha ho gaya tha uss ladke ke pass bahuth se hadaya aur tahayif le ka hazir huva. Aur apni basarath ke liye dua ka talib huva. to ladke ne kaha ki agar tu Allah Tala par imaan laye to main tere liye dua karunga. Chunanche, vo imaan laya aur ladke ne uss ke liye dua kar di to foran hi vo ankh yar ho gaya aur badshaah ke darbaar me gaya to badshaah ne pucha ki tumhari ankhon me basarath kaise Aagayi? To Mukharba ham nashin ne kaha ki mere raab ne mujhe basarath Aata farma di hain. Badshaah ne ghazab naak ho kar kaha ki kai mere siva bhi tumhara koi raab hai? To uss ne kaha ki han, Allah Tala mera aur tera dono ka raab hai. Badshaah ne uss ko tarha tarha ki sazayen de kar pucha ki kis ne tujhe ye bataya hai? to uss ne ladke ka naam bata diya. fir badshaah ne ladke ko kaid kar ke uss ko iss khadar mara pita ki uss ne rashib ka naam bata diya. Badshaah ne rahib ko giraftar kar ke uss se kaha ki tum apne akhide ko chod do magar rahib ne saf saf kah diya ki main apne iss akhide par akhiri dam tak khayim rahunga ye sun akr badshaah Aag Bagola ho gaya aur uss ne rahib ke sar par Aara chlva kar uss ke do tukde kar diye. Iss ke baad badshaah ne apne mukharrab ham nashin ke saar par bhi ara chalva diya. fir ladke ko sipahiyon ke sapurd kiya aur hukum diya ki iss ko pahad ki choti par chada kar upar se niche ludka do. ladke ne pahad par chad kar dua mangi to ek zalzala aya aur badshaah ke sipahi zalzale ke jhatkon se halak ho gaya aur ladka salamati ke saath fir badshaah ke samne Aa khada ho gaya. fir badshaah ne ghaizo ghazab me bhar kar hukum diya. ki iss ladke ko kashti par bitha kar samandar me le jao aur samandar ki gahrayi me le jaa kar iss ko samandar me fenk do. Chunanche, badshaah ke sipahi iss ko kashti me bitha kar le gaye. Fir jab ladke ne dua mangi to kashti ghark ho gayi aur saab sipahi halak ho gaye aur ladka sehath va salamati ke saath badshaah ke samne Aa kar khada ho gaya aur badshaah hairan rahgaya fir ladke ne badshaah se kaha ki agar tu mujh ko shahid karna chahta hai to iss ki sirf ek hi surath hai ki tu mujh ko suli par latka kar aur ye pad kar mujhe tir mar ki "Bismillahi Rabbil Ghulami" Chunanche, isi tarkhib se badshaah ne uss ladke ko tir mar kar shaahid kar diya.

          Ye manzar dekh kar hazaron ke majmaA ne buland avaz se ye yelan karna shuru kar diya ki ham iss ladke ke raab par imaan laye. Badshaah gusse me bokhla gaya aur uss ne gada khudva kar uss me Aag jalvayi. Jab Aag ke shole khub buland hone lage to uss ne imandaron ko pakadva kar uss Aag me dalna shuru kar diya. yahan tak ki sattar mominin ko uss Aag me jala dala. Akhir me ek imaan vali Aurath apne bachche ko god me liye huve Aayi aur jab badshaah ne uss ko Aag me dalne ka irada kiya to vo kuch ghabrayi to uss ke dood pite bachche ne kaha ki meri maa! Sabar kar tu haq par hai. Bachche ki avaz sun kar uss ki maa ki jazba e imaani bedar ho gaya aur vo mutmayin ho gayi. fir zalim badshaah ne uss momina ko bhi uss ke bachche ke saath Aag me fenk diya.

        Badshaah aur uss ke sathi khandakh ke kinari mominin ke Aag me jalne ka manzar kursiyon par bait kar dekh rahe the aur apni kamyabi par khushi mana rahe the aur kahkahe laga rahe the ki ek daam kahare ilahi ne zalimon ko apni girifth me le liya. Aur vo iss tarha ki khandakh ki Aag ke shole iss khadar badhak kar buland huve ki badshaah aur uss ke sathiyon ko Aag ne apni lapet me le liya aur saab ke saab lamha bhar me jal kar raaqh ka dher ho gaye aur bakhi tamam dusre mominin ko Allah Tala ne kafir aur zalim ke shaar se bacha liya.

   Iss vakhiye ko Allah Tala ne Qurane Majid me in lafjon ke Saath Bayan farmaya hai:

Tarjuma E Kanzul Imaan

                   Khayi volon par lanath ho vo uss bhadakti Aag vale jaab vo uss ke kinaron par baithe the aur vo khud gavah hai jo kuch musalmano ke saath kar rahe the.

Darse Hidayath:

   1. Iss vakhiye se ye hidayath ka sabakh milta hai ki umuman khuda ki taraf se imtihan huva karta hai aur ba vakhte imtihan momino ka balaon aur musibaton par sabiro shakir rahna hi iss imtihan ki kamyabi hai.

  2. Ye bhi malum huva ki Imaan e kamil ki yehi nishani hai ki momin khuda azzawajal ki rah me padne vali taklifon aur musibaton se ghabra kar kabhi bhi uss me tazba-zuba nahi pada hota, balki momin khwah fulon ke har ke niche ho ya talvar ke niche, pani me garkh kiya jaye ya Aag ke sholeon me jalaya jaye har haal me bahar surath vo apne Imaan par istikhamath va istiklal ke saath pahad ki taraf khayim rahta hai aur iss ka khatima imaan hi par hota hai. ye vo saadate uzma hai ki jis ko nasib ho jaye uss ki khush bakhtiyon ki meraj ho jati hai aur vo khuda azzawajal aur rasool Sallallahu Alaihi O Sallam ki bargaha me vo kurb hasil kar leta hai ki asmano ke firishte uss ke Aala maratib ki saar bulandiyon ke maddah aur sana khwan ban jate hain.