AMEER-UL-MOMINEEN SAIYEDNA UMAR FAROOQ - Part 01

Laqab : 

Farooqe aazam

Aap ki wiladat 586 A.D. me Makka me hui.
Walid ka naam "Khattab ibn Nufayl" aur Walida ka naam "Hantamah binti Hisham ibn al-Mugheerah" hai.Aap Quraish ke Banu Adi kabile se ta�alluk rakhte hain.

Nasab:

Umar Bin Khattaab Bin Nafeel Bin Abd-Ul-Uzza Bin Riyaah Bin AbduLLAH Bin Razaah Bin Adi Bin K�ab.

Yaha Aathvi Pushht Par (K�ab) Aapka Silsilah Nasab �Rasoolallah (???? ??????)� Se Milta is Tarah ke
Muhammad (???? ??????) Bin Abdullah Bin Abd-ul-Mutallib Bin Haashim Bin Abd Manaaf Bin       Qusy BinKilaab Bin Murrah Bin K�ab....

In Nasab Naamo Se Maaloom Hota Hai Ke Rasoolallah (???? ??????) Murrah Bin K�ab Ki Awlaad Se The Aur Hazrat Umar Farooq (??? ???? ???) Adi Bin K�ab Ki Awlaad Se hai..

Khaandaan:

Jis zamaane mein Hazrat Umar Farooq (??? ???? ???) ne is dunya mein aankh kholi Makkah par butt parasti se Qabila Quraysh ki sardaari aur hukumat chali aa rahi thi. Ye qabilah �Sayyadina Ibrahim (???? ??????) ke b�te �Hazrat Sayyadina Ismail (???? ??????)� ki Aulaad se tha.� Saare Arab mein is qabile ki bohat izzat ki jaati thi kyon ke Arabo mein sab se izzat waali jagah K�abah Shareef ki dekh bhaal aur hifaazat aur Haajiyon ki khidmat Quraysh ke log hi kiya karte the.

Is qabile mein mukhtalif waqaton mein 10 aise naami girami sardaar paidah hue ke in ke juda-juda chhote-chhote gharaane ya qabile bane aur har gharana us sardaar ke Naam se mash�hur ho gaya. In sardaaron ken naam :

?Adi (Banu Adi)

?Yateem (Banu Yateem)

?Saham (Banu Saham)

?Makhzoom (Banu Makhzoom)

?Asd (Banu Asd)

?Jamah (Banu Jamah)

?Abd Al-Daar (Banu Abd al-Daar)

?Nawfl (Banu Nawfl)

?Umayyah (Banu Umayyah)

?Haashim (Banu Haashim)

Rasoolallah (???? ??????) Ka Talluq Banu Haashim Se Tha Aur Hazrat Umar (??? ???? ???) Ka Talluq Banu Adi Se, Nasabi Aitbaar Se Hazrat Umar Ko Adawi Bhi Kaha Jaata Tha.

Quraysh ke in 10 ghraano ke zimme alag alag kaam the, koi K�abah ki dekh bhaal karta, koi haajiyo ko paani pilaata , koi haajiyon ko khaana khilaata , koi aapas ke jhagdon ke Faisle karta, aur koi jang ke zamaane mein fowj ka jhunda uthaata.

Hazrat Umar (??? ???? ???) ke gharaane Banu Adi ke zimme 2 kaam the.

Jab Quraysh ko kisi dusre qabeele ke paas elchi bhejna hota tow ye elchi Banu Adi ka hota.Is Kaam Ko �Sifaarat� Kehte Hai .

Jab barabar ke do raiso mein ya do groh mein kisi baat par jhagda hota to Banu Adi ke sardaar ko is ka faisla karna hota.Hazrat Umar (??? ???? ???) ke dada Nafeel ko aise faisle karne mein mahaarat haasil thi.

Us zamaane mein mukhtalif khaandaano ke nasab ko janna Arab mein bardi liyaaqat ki baat samjhi jaati thi. b�az logo ko to kai kai qabilo ke ek ek aadami ka puraa nasab nama yaad hota.Ye log sirf ye nahi bataate ke kon kis ka beta hai balke pidhi dar pidhi pura nasab bata diya karte, Is ilm ko �Ilm Ansaab� kaha jaata. Hazrat Umar (??? ???? ???) ke baap dada is ilm ke bade maahir the.Is Maaloomat Se Sabit Hota Hai Ke Hazrat Umar (??? ???? ???) Ek Aise Gharaane Mein Paidah Hue Jaha Unhe Bachpan Hi se Adal Ki Taleemat Di Gai Thi.

Rihaaish :

Banu Adi Ka Makaan (Rihaaishgah) K�abah Ke Qareeb Safa Aur Marwah Ki Pahadiyon Ke Darmiyaan Tha Aur Hazrat Umar (??? ???? ???) Yahi Paidah Hue.

Waalid:

Hazrat Umar Farooq (??? ???? ???) ke waalid �Al-Khattaab� apne qabile �Banu Adi� ke sardaar the aur in ka shumaar Makkah ke Mu�azziz logo mein hota tha. Quraysh ne Banu Adi ke zimme jo kaam rakhe the ye kaam Al-Khattaab hi kiya karte the. Wo �Ilm al-Ansaab� mein badi Mahaarat rakhte the aur ek achche shaair bhi ho ghuzre hai.

Jis zamaane mein Hazrat Umar Farooq (??? ???? ???) ki umar shareef 7 bars ki thi Arab ke Qabile �Banu Qais , �Ayaamaan aur Quraysh� ke Darmiyaan ek shakhat jang hui jise �Harb Al-Fujjaar� kaha jaata hai . Is jang mein Banu Adi ke alawah dighar kayi Qurayshi qabilo ne hissa liya . Al-Khattaab aur unke Bhatije �Zaid Bin Amruw� is jang mein Banu Adi ke sipah salaar the.

Al-Khattaab ne apni zindagi mein kai shaadiya ki, jis Zamaane mein Rasoolallah (??? ???? ??? ????) ne Nabi hone ka elaan kiya Al-Khattaab fawt ho chuke the .

Walidah:

Hazrat Umar Farooq (??? ???? ???) ki waalidah ka naam �Hantamah (?????)� tha jo Haashim Bin Mughirah ki beti thi. Haashim Bin Mughirah ka talluq �Banu Makhzoom� se tha .

Hantamah (?????) ka nasab :

Hantamah (?????) bint Haashim bin Mughirah bin Abdullah bin Umar bin Makhzoom bin Yaqz�h (????) bin Murrah bin K�ab.

Yaha saathvi pushht par Hantamah (?????) ka Nasab Rasoolallah (?) se jaa milta hai .Yaani Baanu Hazrat Umar (??? ???? ???) aur Rasoolallah(?) aapas mein nasabi chachazaad bhai hai aur isi tarah Hazrat Umar Farooq (??? ???? ???) ka naniyaal bhi Quraysh se jaa milta hai.

Saifullah (Sword Of ALLAH) Hazrat Khaalid Bin Waleed (??? ???? ???) Hantamah (?????) ke chachazaad bhai hai is rishte se Hazrat Sayyadina Farooq-e-Aazam (??? ???? ???) Hazrat Khalid Bin Waleed (??? ???? ???) ke bhanje hai.

Hantamah (?????) ke dada Mughirah is rutbe ke shakhas the ke Quraysh ko kisi dusre Qabile ke khilaaf jab koi ladaai pesh aati to fawj ka ehtemaam Mughrirah hi karte. Wo jangi tayyariyon ke liye khaas qisam ke khaime (tents) lagaate aur in mein har qisam ka jangi samaan jama� karte the.

Hantamah (?????) ke waalid Hazrat Umar (??? ???? ???) ke nana Haashim Bin Mughirah ka shumaar Banu Makhzoom ke Mua�ziz sardaaro mein hota tha.

Bachpan Se Jawaani Ka Safar :

Hazrat Umar Farooq (??? ???? ???) ke bachpan ke haalaat kisi kitaab mein ziyaadah tafseel mein mawjood nahi. Sirf itna aata hai ke jab wo thode samjh daar hue to Unke Waalid al-Khattab ne unhe Oont (camel) charaane ka kaam inke zimme kar diya.Wo Makkah se chand mile dur �Dhajnaan (?????)� ke jangal aur maidaan mein saara din Oont charaaya karte. Jab thak kar baith jaate to waalid ke haath se maar khaate.

Apni khilaafat ke zamaane mein ek daf�a Dhajnaan (?????) ki taraf se ghuzar hua tow puraani yadon se Aakhen bhar Aai aur farmaaya :�ALLAHU AKBAR! Ek zamanah wo tha ke Main (Hazrat Umar Farooq (??? ???? ???)) numde ka kurta pahen kar yahan Oont charaaya karta tha, thak kar baith jaata tow waalid (baap) ke haath se maar khaata tha. Aaj wo din hai ke ALLAH ke siwaa mere upar koi aur Haakim nahi.

Jawaani ki umar ko pahuche to padhna likhna seekh liya. Us zamaane mein ye badi khoobi aur kamaal ki baat samjhi jaati thi. Quraysh ke log anpadh (Illiterate)the aur bohat hi kam aadami padhna likhna jaante the.Kaha jaata hai jab Rasoollullah (?) ne Nubuwwat ka elaan kiya to Quraysh ke saare qabile mein sirf sattar (70) log hi padhna ya likhna jaante the.

Likhne pardhne ke saath Hazrat Umar Farooq (??? ???? ???) ne apne waalid se �Ilm Al-Ansaab� ka ilm bhi sikhaa (Jis Ke Liye Banu Adi Mash�hur hai). Wo jab kisi ka Nasabnaamah bayaan karte to keh dete ke ye unhone unke waalid se seekha hai. Is ke alawah unhone ne Nezah Baazi, TayghZani, Teer Andaazi, GhurSawaari, aur Pahelwaali ke kartab seekhe aur mahaarat haasil kar li. In ki ShahSawaari ka tow ye aalam tha ke Uchal kar ghore par sawaar ho jaate aur is tarah jam kar baithte ke Sawaari aur Sawaar ek jaan maaloom hote.Makkah se chand mil ke faasle par �Ukaaz(????)� naami ek maqaam tha jaha har saal bada bhaari mela lagta tha. Is mein Arab ke goshe goshe se log aaya karte the. Mukhtalif funoon mein mahaarat rakhne waalo ke liye ye ek sunehra mawqa hota dusro ke saamne apne fan ke muzahre ka.In mein bade bade pahelwaan , shahsawaar, shaair, Teer andaaz aaya karte. In ke beech mein bohat se muqable hua karte Hazrat Umar Farooq (??? ???? ???) Kushti ke muqaable mein hissa liya karte aur kai choti ke pahelwaano ko khaak chata dete.

Hazrat Umar Farooq (??? ???? ???) khud shaair to nahi to magar shaairo ko samjhne aur parkhne ki liyaaqat khoob thi. Aap ko us waqat ke bade bade shu�ra ke khaas khaas kalaam zabaani yaad the aur kabhi kabhaar khud bhi koi sher keh lete the.

Hazrat Umar Farooq (??? ???? ???) ko taqreer karne ka tareeqa khoob hi achche se aata tha , Aisi joshili Taqreer karte the dil kaanp jaate the aur logo ko qaabu mein kar lete.Hazrat Umar Farooq (??? ???? ???) ke jalaal ki koi inteha nahi mizaaj mein garmi hone ki wajah se log Aap (??? ???? ???) se baat karne se dara karte magar Islam Aawri ke baad Mukammal badal gaye.

Pesha:

             Hazrat Umar Farooq (??? ???? ???) ke ajdaad aur Quraysh ke dusre log Tijaarat kiya karte aur isi Silsile mein aksar dusre mumaalik jaise Iran, Shaan ., Habash, Yaman, Misar ke safar kiya karte.

             Hazrat Umar Farooq (??? ???? ???) ne bhi jaawan hote hi Tijaarat ko apna peshaa bana liya aur Tijaarati Qaflo mein safar kiya karte jisse Aap ko dighar mazaahib tahzeeb se achchi tarah waqifiyat ho gai.Apne buzurghon ki tarah Hazrat Umar Farooq (??? ???? ???) bhi Quraysh ki taraf se Safeer (Elchi) ban kar dusre qabilo ke paas jaaya karte aur agar do Qabilon mein bahes hoti tow ab wo us ka faisla khud kiya karte .

Hazrat Sayyadina Umar Farooq (??? ???? ???) Ka Islam Qubool Karna.

Hazrat Hamzah Radi�ALLAHU Tala Anhu Ke Islam Lane Ke Tisre Hi Din Hazrat Umar Radi�ALLAHU Tala Anhu Bhi Dolat E IsLaam Se MaLa MaaL Ho gaye.

Kuch kitaabon mein Ulema ne bayaan Farmaya hai ke Hazrat Sayyadina Umar Farooq (??? ???? ???) che (06) saalon tak apne khaandaan ke musalmaanon par bohat sakhtiyaa karte rahe lekin jab Unhone dekha ke koi bhi Islam se phirne ko tayyar nahi tab sabar karte rahe aur isi sabar mein unka dil pighal gaya. Aur phir ek din Quran ko jab bagour suna to Rasoollullah (???? ??????) ke dast-e-mubaarak par Islaam khubool kar liya.

Waqiya:

??Ek din Tabiyat ne josh maara aur Hazrat Sayyadina Umar Farooq (??? ???? ???) ne Ta�y kar liya ke jis ki wajah se unhe ye saari pareshaani Aai hai ab use hi khatam kar denge Chunacha Rasoolallah (???? ??????) ko Shaheed karne ki niyyat se khuli talwaar liye ghar se nikle.

Raaste mein apne Qabile k Ek musalmaan mile Naim Bin Abdullah (??? ???? ???) mil gaye. Aap (??? ???? ???) ne Poocha:

Khair to hai,
Itne gusse mein kidhar jaa rahe ho ?�

Hazrat Sayyadina Umar Farooq (??? ???? ???) ne jawaab diya �Main naya deen laane waale shakhas ko qatal kar dena chahta hu .

Hazrat Naim (??? ???? ???) ne kaha , �Aye Umar (??? ???? ???) ! 
khuda ki qasam tum dhoke mein pad gaye ho, kya Tum samjhte ho Muhammad (???? ??????) ko qatal karne ke baad Uske khaandaan ke log tumhe zindah chodenge ?

Tum zara pehle apne ghar waalo ki tow khabar lo.�
Hazrat Sayyadina Umar Farooq (??? ???? ???) ne kaha ,�Mere kon se ghar waale ?�
Hazrat Naim (??? ???? ???) ne kaha �Tumhaari bahen Fatimah (??? ???? ????) aur tumhaare behnoi Sa�eed bin Zaid (??? ???? ???) dono musalmaan ho gaye aur unhone Muhammad (???? ??????) ki pairawi ikhtiyaar kar li hai�

Yeh sun kar Hazrat Sayyadina Umar Farooq (??? ???? ???) ke jalal ka thikaana na raha aur seedhe apni bahen key Yaha pahuch gaye, abhi nangi talwaar haath hi main hai.

Is waqat Hazrat Fatimah (??? ???? ????) Bint Al-Khattaab ke ghar Rasoollullah (???? ??????) ke pyaare saathi Hazrat ???? (??? ???? ???) Mawjood the.

In ke paas ek chhoti si kitaab thi jis mein �Surah �Tahaa� likhi hui thi, (is qism ki kitaab ko saheefah kaha jaata hai)

Hazrat ???? (??? ???? ???) Hazrat Fatimah (??? ???? ????) Bint Al-Khattaab ko us saheefe se �Surah �Tahaa� padha rahe the aur Sa�eed bin Zaid (??? ???? ???) un ke paas baithe sun rahe the.

Hazrat Sayyadina Umar Farooq (??? ???? ???) ne darwazah khatkhtaya to Hazrat ???? (??? ???? ???) ghar k ek hisse mein chup gaye aur Hazrat Fatimah (??? ???? ????) Bint Al-Khattaab ne saheefe ke awraaq chhupa diye.Lekin Hazrat Sayyadina Umar Farooq (??? ???? ???) pehle hi darwaze ke baahar Quran padhne ki aawaz sun chuke the.

Andar daakhil hote hi puchha ,�Tum dono abhi kya padh rahe the ?�Dono ne dar-dar kar kaha , �Tum ne kuchh nahi suna!�

Hazrat Sayyadina Umar Farooq (??? ???? ???) ne kaha , �Nahi, main ne suna hai. Mujhe khabar mili hai ke tum dono apne baap dada ke mazhab se phir gaye ho ?�Bas itna kehte hi Hazrat Sa�eed bin Zaid (??? ???? ???) ko maarna shuru kar diye.Aur Unki Dadhi Pakard Kar In Ko Patak Diya
Hazrat Fatimah (??? ???? ????) Bint Al-Khattaab apne shohar ko bachaane aage aai tow Un Ko Ek Aeysa Tamacha Maara Ki Kaan Ke Zumar Tut Kar Zameen par Gir Gaye or wo lahuluhaan ho gai.

Is waqat dono miya biwi ne kaha : Haa ! Hum musalmaan ho chuke aur ALLAH ke Rasool (???? ??????) par imaan laaye hain, tum jo chaho kar lo, Islam humaare dil se nahi jaa sakta.

(Seerat-E-Mustufa)

To be continue....

AMEER-UL-MOMINEEN SAIYEDNA UMAR FAROOQ - Part 02

Zameen E Karbala Ka Khooni Manzar Part No - 13

Muqtar Bin Ubaid Ka Karnama

             Muqtar Bin Ubaid Ne Bar Sare Iqtedar Aate Hi Sab Se Pehle Qatilane Hazrath Imaam Se Inteqam Lene Ka Program Banaya .Chunanche Usne Kufe Ke  Government House Me Takht Per Baith Kar "Ibne Sa'ad " Ku Talab Kiya. Ibne Sa'ad Ka Beta Hafs Hazir Huwa To Muqtar Ne Dant Kar Pucha Ke Tera Baap Kahan Hai? Hafs Ne Jawab Diya Ke Aye Ameer O To Ek Muddat Se Apne Me Gosha Nasheen Ho Kar Ibadat Me Mashghol Rehte Hain.Muqhtar Ne Gusse Me Surkh Ho Kar Kaha Ke "900 Chuhe Khake Billi Hajj Ku Chali' Aaj O Gosha Nasheen Ho Kar Ibadat Guzar Ban Gaya Hai?  Hazrath Imaam Hussain Ke Qatal Ke Din O Gosha Nasheen Ibadat Guzar Kyun Nahi Bana?  Aaj O Iran Ki Governari Ka Khwab Kahan Gaya? Jis Ki Hirs O Tamanna Me Is Khabees Ne Ibne Rasoolallah Ku Qatal Karaya Tha.Iske Baad Muqhtar Ne Ibne Sa'ad Ku Giraftaar Karaya..Aur Tarha Tarha Ka Azab De Kar Ibne Sa'ad Aur Iske Bete Hafs Aur Shimar Waghaira Tamam Qatilane Imaam Ku Qatal Kar Diya..Aur Inke Saron Ku Hazrath Imaam Ke Soutele Bhai Mohammad Bin Hanfiyah Ke Pass Bhej Diya..Phir Muqtar Ne Apni Foujon Ku Hukm De Diya Ke Jo Shakhsh Bhi Mo'urika E Karbala Me Yazeedi Lashkar Me Shamil Raha Ho Uska Qatle Aam Kiya Jaye.Chunanche Hukm Sunte Hi Kufiyon Me Bhag-Dhadh Mach Gayi Magar Muqtar Ki Foujonn Ne Un Sab Ka Taqub Kiya.Aur Jisku Jahan Paya Dhond Dhond Kar Qatal Kar Dala.Aur Inki Lashon Ku Jala Kar Inke Gharon Ku Loot Liya. Kholi Bin Yazeed Jis Ne Imaam Ali Maqham Ka Saar Kata Tha.O Bhi Giraftar Karke Muqhtar Ke Darbar Me Ghaseet Kar Laya Gaya.Muqtar Ne Pehle To Uske Hath Paon Katwae Phir Isku Suli Per Latkaya, Phir Aag Me Jhonk Diya..Isi Tarha Ibne Sa'ad Ke Tamam Lashkare Ashrar Ku Tarha Tarha Ke Azabon Ke Sath Qatal Kiya Aur 6,000 Kufi Jo Yazeedi Lashkar Ke Sath Karbala Me The In Me Se Har Ek Ku Muqhtar Ne Hilak Kar Diya.

Ubaidullah Bin Ziyad Ka Na-Paak Saar

                  Ubaidullah Bin Ziyad Jo Kufe Ka yazeedi Governer Tha.Aur Jisne Hazrath Imaam Aur Ahle Bait Ku Karbala Me Qatal Karaya.Ye 30,000 Ki Fouj Le Kar "Mousal" Me Padao Kiye Huwe Tha.Muqtar Ne Ibrahim Bin Malik-e-Ashtar Ku Fouj Ka Sipah-Salar Bana Kar .Uske Muqabile Ke Liye Bheja.Chunanche,Mousal Se 15 Kos Ki Duri Per Daryaye Furat Ke Kinare Dono Lashkaron Me Din Bhar Jam Kar Ghumsaan Ki Ladai Huwi.Aur Aakhir Kaar Sham Tak Ibrahim Ka Lashkar Fatah Yaab Ho Gaya.Aur Ubaidullah Bin Ziyad Isi Maidan Me Moharam Ki 10vi Tareeq 67 Hijri Ku Daryaye Furat Ke Kinare Qatal Huwa.Aur Uska Sara Lashkar Bhi Maqhtool Ho Gaya.Ibrahim Ne Ubaidullah Bin Zayad Ka Sar Kat Kar Muqhtar Ke Darbar Me Kufa Bheja Aur Muqtar Ne Darbar Aarasta Karke Majmu'ae Aam Me Ubaidullah Bin Ziyad Ke Sar Ku Apne Takh Ke Niche Theek Usi Jagah Per Rakhwaya.Jis Jagah Is Bad-Naseeb Ne Ibne RasoolAllah Ke Sar Ku Rakhwaya Tha.

Naak Me Samp

            Tirmizi Shareef Ki Hadees Hai Ke Jis Waqt Ibne Ziyad Bad-Nihad Ka Napak Sar Muqtar Ke Darbar Me Laa Kar Zameen Per Rakha Gaya To Nagaha Ek Sanp Gaib Se Namudar Huwa Aur O 3 Dafa Iski Naak Me Dakhil Huwa Aur Mooh Se Nikla Phir Ekdam Gaib Ho Gaya.Aur Kisi Ku Aaj Tak Ye Nahi Maloom Huwa Ke O Kahan Se Aaya Tha Aur Kahan Chala Gaya.

Ek Lack Chalis Hazar(1,40,000) Maqtool

               Hakim Mohaddis Ki Riwayat Hai Ke Allah Ta'ala Ne Apne Habeeb Per Ye Wahi Bheji Thi Ke Qoum Yahood Ne Hazrath Zakariyah Alahis Salam Ku Qatal Kiya To Unke Ek Khoon Ke Badle 70,000 Yahudi Qatal Huwe.Aur Aap Ke Nawase Hazrath Imaam Hussain Ke Ek Khoon Ke Badle 70,000 Aur 70,000 Yani 1,40,000 Shami O Kufi Maqtool Honge.Chunanche, Hazrath E Haq Jalla Majdahu Ka Wada Pura Huwa Ke Muqtar Ki Ladai Me 70,000 Shami O Kufi Qatal Huwe.Aur Phir Abbasi Salatanat Ke Bani Abdullah Bin Saffah Ke Hath Se 70,000 Shami O Kufi Mare Gaye.

Qudrati Inteqham

             Qatilane Imaam Ali Maqham Me Se Jo Bad Bakhth Qatal Se Bache O Tarha Tarha Ke Zillat Aamez O Ibrat Khez Qudrati Azabon Me Mubtila Ho Gaye.Chunanche O Bad-Naseeb Jis Ne Hazrath Imam Ka Sare Aqdas Shikar Band Se Bandha Tha.Bada Hi Khubsurat Aur Haseen Jawan Tha.Magar Is Waqiye Ke Baad Iski Surat Aysi Masakh Ho Kar Bigad Gayi Ke O Ek Dam Kala Rusiya Aur Karihul Manzar Ho Gaya.Logon Ne Iska Haal Pucha To Isne Bataya Ke Karbala Se Wapasi Ke Baad My Rozana Khwab Me 2 Khouf Naak Aadmiyon Ko Dekhta Hoon Ke O Mujhe Ghaseet E Huwe Jaldti Huwi Aag Per Aoundha Latkate Hain.Isi Tarha Har Roz Mera Chehra Jalta Aur Pigalta Rehta Hai.Yahi Wajah Hai Ke Mera Chand Sa Muh Siyah Aur Mera Haal Tabah Ho Gaya.Ye Khabees Ta Dame Marag Isi Bala Me Giraftar Rah Kar Mar Gaya.

      

         Isi Tarha Jabir Bin Yazeed Azvi Jis Ne Hazrath Imaam Ka Amama Sare Mubarak Se Utar Kar Apne Sar Per Bandh Kar Khushi Me Raqs Kiya Tha.Us Per Ye Qahre Ilahi Toot Pada Ke Fouran Hi Pagal Ho Gaya..Gandi Naliyon Ka Pani Pita.Aur Gobar Aur Dosri Najasaten Khata Phirta Tha.Majburan Uske Ghar Walon Ne Isku Zanjeer Me Jakadh Diya.Aur Isi Halat Me O Zameen Per Naak Lagad Lagad Kar Mar Gaya.

                Ju'una Hazri Jis Ne Hazrath Imam Ka Kurta Utar Kar Pehan Liya Tha O Mardood Bhi Kodhi Ho Gaya.Aur Iske Jism Ki Khal Aur Sar Aur Dadhi Ke Baal Sadh Sadh Kar Zameen Per Gir Padhe.

                Aswab Bin Hanzalah ne hazrath Imaam ki talwar par Qabza kar liya tha. O bhi juzam me mubtila huwa.Aur  iske tamam badan par bade bade Aabile padh gaye yahan tak ke iska sara badan sadh gaya.

                Harmala Bin Kahil Jis Ne Hazrath Ali Asgar Ke Halkhoom Per Teer Mara Tha, O Is Azab Me Giraftar Huwa Ke Iska Agla Rukh Shikam Ki Janib Har Waqht Aag Ki Tarha Jalta Tha.Aur Peet Ki Taraf Pichla Hissa Baraf Se Ziyada Thanda Rehta Tha.Pusht Ki Taraf O Hamesha Aag Jalaye Rakhta Aur Shikam Ki Taraf Har Waqht Paani Chidakta Aur Pankha Jhulasta Rehta Tha.Aur Usku Pyaas Ki Aysi Shiddat Raha Karti Thi Ke Har Waqht Paani Pita Rehta Tha.Magar Uski Pyaas Nahi Bujhti Thi.Aakhir Isi Musibat Me Giraftar Rehte Huwe Sar Patak Patak Kar Hilak Ho Gaya.Algharaz Gulshane Zahra Ke Lehlahate Bagh Ku Ujadh Kar Rahmate Aalam Ke Sisha e Dil Ku Pash Pash Karne Wale Dushmanane Imaam Me Se Koi Bhi Qudrat Ke Qahirana Inteqam Se Nahi Bacha.Aur Sab Ke Sab Qahre Qahhar O Ghazabe Jabbar Me Giraftar Ho Kar Aazabe Darain Ke Sazawaar Huwe.

                Yaad Rakhiye Ke Is Duniya Me Jis Tarha Har Cheez Ki Khaas Khaas Taseeren Hain Isi Tarha Adal Aur Zulm Ki Bhi Khaas Khaas Taseerat Hain.Yaad Rakhiye Ke Adal Ki Taseer Aabadi Hai, Aur Zulm Ki Taseer Barbadi. Hazrath Moulana Rumi Alaihi Rahma Ne Kya Khoob Farmaya Ke

Gandam Az Gandam Buroyad Jo Az Jo
Az Makafate Amal Ghafil Mashao.
Yani Gyahoon Bone Se Gyahoon Ughta Hai ,Aur Jau Bone Se Jau Ugta Hai.Jo Bo'ege Wahi Katoge Isliye Apne Amal Ki Jaza Aur Padash Se Ghafil Na Ho.Mashoor Misl Hai Ke..
"Jaisa Karoge Waisa Bharoge."
Maqame Ibrat Hai Ke Sirf Chand Barson Me Dushmana e Imaam Qudarat Ke Qahirana Inteqam Me Mubtila Ho Kar Duniya Se Neest O Nabood Ho Gaye.Aur Inka Naam O Nishan Bhi Mit Gaya.Sach Kaha Kisi Shayer Ne Ke..
Dedi?? Ke Khoon E Nahaq Parwana Shamma Ra
Chanda Aman Na-Dad Ke Shab Ra Sahar Kunad
Yani Shamma Ne Parwane Ka Khoone Na Haq Kiya To Tumne Iska Anjam Bhi Dekha.Ke Parwane Ke Khoone Na Haq Me Shamma Ko Itni Deer Bhi Aman Nahi Di Ke O Subh Tak Roshan Rah Sake.Balke Subh Hone Se Pehle Hi Shamma Bhi Bujha Di Gayi.

 "Waqiya e Karbala" Ku Salam Aur Dua Par Qatam Karen..

                                                              SALAM

Murtuza Ke Dularon Pe Lakhon Salam
Chasme Zahra Ke Taron Pe Lakhon Salam

Noor E Ain E Moula Ali Pe Darood
Hashmi Naamdaron Pe Lakon Salam.

Bhuke Pyaase Gareebul Watan Khasta Jaa'n
Ba Khuda Roza Daron Pe Lakhon Salam.

Sar Hateli Pe Rakh Kar Jo Sathi Huwe
Un BaHattar(72) Sawaron Pe Lakhon Salam.

Qatl Ki Shab Jo Mahwe Ibadat Rahe
Un Tahajjud Guzaron Pe Lakhon Salam.

Quwate Be-Kasan Dastagire Jahan
Be-Bason Ke Saharon Pe Lakhon Salam.

Jin Ke Imaan Se Imaan Ne Paya Furugh
Ayse Imaan Daron Pe Lakhon Salam.

                                                                DUA

Dua hai ke Allah Azawajal Hame Aur Aap Ko Isi Tarha Har Saal Majalise Moharram Munaqhid Karne, Buzurgon Ka Zikr e Jameel Sunne Sunane Aur in se ibrat o Nasihat hasil Karne Ki Toufeeq e Rafeeq Bakshe, aur Allah ke Mahboob Bandon Ko Satane Aur Unki Shaan me Gustakhi O Be-Adbi Karne Se Mehfooz Rakhe,Aur Qayamat Ke Din Nabiyeen, Siddiqeen, Shuhada Aur Saliheen ke Damane Karam Ke Saye Me Ham Logan Ka Hashr Farmaye....Aameen...

Allah Hamare Is Kaam ko Shohda e Karbala Raziyallahu Tala Anhu Ajamaeen Ke Sadqe O Tufail Me Qubul Farmaye....Aur Jis jis ne bhi ise Banane me Madad ki, isko Dosron Tak Pahonchaya Allah Un Sab ko Salamat Rakhe....Unke Nek Dili Jaiz Tamanna ko Pura Kare.....unke Gunahon ko Maaf Famaye...Aur Imaam Hussain Raziyallahu Tala Anhu ka Roza e Aqdas Ham Sab ko Dikahaye. Tamam Ummate Muslim Ko Panch waqht Namaz Padne Ki Aur Quran e Majid Pad ne ki Taufiq De. Tamam Ummat e Muslim Ko Apne Har Kaam Aur Har Soch me  Shariyath ke Mutabiqh kaam kar ne ki Taufiqh De.Har Ek Ko Ek Aur Nek Raste Par Chala..Aameen...Allahumma Aameen....

Zameen E Karbala Ka Khooni Manzar Part No - 12

Yazidiyon Ki Gundagardi

            Imaam Ali Maqham Ki Shahadat Ke Baad Yazeediyon Ne Khimaye Athar Ka Sara Saman Loot Liya Aur Khime Ku Jala Dala Aur Apne Maqtulon Ku To Dafan Kiya Aur Tamma Shohda E Ahle Bait Ka Sar Kat Kar Unki Muqaddas Lashon Ku Ghodon Ki Tapon Se Rond Kar Unki Haddiyon Ko Bhi Chakna Choor Kar Diya...Aur Sarbarida Lashon Ku Be-Goor O Kafan Chod Kar Aur Tamam Shohda E Kiram Ke Saron Ku Nezon Per Chadha Kar Karbala Se Kufa Aur Kufe Se Damishq Tak Gasht Karaya...Aur Phir Ubaidullah Bin Zayad Ne Kufe Ke Govenmnt House Ku Aarasta Kiya..Aur Darbare Aam Munaqad Karke Hazrath Imaam Ke Sare Aqdas Ku Apne Taqt Ke Neeche Rakha..Aur Be Adbi Ki Phir Shimar Na-Paak Ke Sath In Muqaddas Saron Ku Yazeed Ke Paas Damishq Bheja..Yazeed Ne Sare Mubarak Aur Ahle Bait Ku Hazrath Imam Zainul Aabideen Ki Hamrahi Me Madine Munawwara Rawana Kiya..Aur Hazrath Imaam Ka Sare Aqdas Hazrath BiBi Fatimah Raziallahu Tala Anha Ya Imaam Hassan Raziallahu Tala Anhu Ke Pehlu Me Madfan Huwa.

Rahamate Aalam Ku Sadma E Azeema

             Is Hadisa E Faja Se Huzoor Rahmat e Aalam Sallallahu Alaihi O Sallam Ke Qalb E Nazuk Per Jo Sadma E Jaankah Guzra O Andaz O Qiyas Se Baher Hai.Hazrath Abdullah Bin Abbas Raziallahu Tala Anhu Ka Bayan Hai Ke Ek Roz Dopaher Ku My Khawab Me Huzoor Ahmade Muqtar Sallallahu Alaihi O Sallam Ke Deedar Purnoor Se Musharraf Huwa Aur Myne Dekha Ke Huzoor Ke Gesu-e-Muambar Chehra E Anwar Per Bikhre Huwe Hain..Aur Daste Mubarak Me Ek Khoon Se Bhari Huwi Bottel Hai .My Ne Arz Kiya Ya Rasollallah!! Meri Jaan Aap Per Qurban ..Ye Bottel Kaise Hai?  Aur Is Qadar Zang O Malal Ke Kya Baat Hai?  To Irshad farmaya Ke Ye Mere Laqte jigar Hussain Aur Inke Jaanisar Rafiqon Ka Khoon Hai.Jisku My Aaj Suboh Se Utha Raha Hoon.Hazrath Ibne Abbas Farmate Hain Ke. Mai Ne Is Tareeq Aur Waqt Ku Yaad Rakha Aur Jab Chand Dino Ke Baad Khabar Aayi To Maloom Huwa Ke Yahi O Waqt Tha..Ke Hazrath Imaam Shaheed Kiye Gaye The.

(Behqi)

Andhera Aur Khoon Ki Barish          

                Riwayat Hai Ke Hazrath Imaam Ki Shahadat Ke Roz Aap Ka Muqaddas Khoon Zameen Per Girte Hi Din Me Har Taraf Andhera Cha Gaya..Aur 3 Din Kamil Baghair Badli Ke Dhoop Gayab Rahi..Aur Har Taraf Andhera Hi Andhera Nazar Aata Raha..Aasman Se Khoon Ki Barish Huwi Aur Us Din Baitul Muqaddas Me Jo Pathar Uthaya Jata Tha Uske Neeche Taza Khoon Paya Jata Tha.Aur Sari Fiza Per Ranj Aur Udasi Ke Aasar Namudar Nazar Aate The.

(Behiqi)

Jinno Ki Nuha Khawani

               Insan To Insan Hazrath Imaam Ki Shahadat Ka Ranj O Gham Jinno Ne Bhi Manaya..Chunanche Muhaddis Abu Naeem Ne Habeeb Bin Sabit Se Riwayat Ki Hai Ke Mai ne Jinno Ku Harzath Imaam Hussain Raziallahu Tala Anhu Par Is Tarha Nuha Padhte Huwe Suna.

            Yani Hussain Ki Muqhaddas Peshani Ku Nabi Ne Masah Farmaya Tha..Jis Ka Noor Inke Chehre Anwar Per Chamak Raha Hai..Unke Maa-Baap Quraish Ke Aala Tareen Afrad Me Se Hain..Aur Inke Nana Tamam Jahan Se Behtareen Hain.

Yazeed Paleed Ki Hilakath

             Imaam Ali Maqham Ki Shahadat Ke Baad Yazeed Bilkul Hi Be-Lagham Ho Gaya Aur Iske Zalimana Daur-e-Hukumat Me Zulm O Adwan Aur Bad-Aamali O Isyan Se Khuda Ki Zameen Bilbila Uthi, Zina , Sood, SharabKhori-O-Haram Kari Ki Har Taraf Garam Bazari Ho Gayi..Namaz O Roza Aur Hajj O Zakat Ki Pabandiyan Uth Gayen..Aur Shi'are Islam Ki Alal Elan Be-Hurmati Hone Lagi..Is Firoun E Zamane Ki Sarkashi Aur Shaitaniyat Is Had Tak Badhi Ke 63 Hijri Me Isne Muslim Bin Uqba Ku 12 Ya 20,000 Lashkar Ka Sipah Salar Bana Kar Madine Tayyaba Per Chadhayi Ka Hukm Diya Aur Is Lashkare Ashrar Ne Rasool Ke Darbar Aur Madine Munwwara Ke Kucha O Bazar Me O Tufan Barpa Kiya Ke Jis Ku Dekh Kar Kuffar Bhi Nadam O Sharam Saar Ho Jayen..In Firoun Sift Khoon Kharon Ne 700 Sahaba Ku Intehayi Be-Dardi Ke Sath Shaheed Kiya Aur Dusre Aam Musalmano Ku Mila Kar 10,000 Momineen Ku Zubah Kar Dala..In Shaitani Foujdaron Ne Masjid-e- Nabwi Ke Sutuno Me Ghode Bandhe Aur Ahle Madina Ke Sath Aysi Aysi Bad-Tameeziyan Kiya Ke Unke Tasawur Se Bhi Jism Ka Rongta Rongta Aur Badan Ka Baal Baal Larza Barandam Aur Nidhal Ho Jata Hai.Phir Yahi Taghuti Lashkar Makke Mukarrama Par Hamla Aawar Huwa..Raste Me Ameere Lashkar Mar Gaya To Dusra Sipah Salar Muqarrar Huwa.Aur In Shaitano Ne Kabe Muaazama Per Sang Bari Ki Aur Haram-e- Mohtaram Me Najasat Phenki..Phir Kaba Muaz'zama Me Aag Laga Di..Jisse Gilafe Kaba Aur Chat Jal Gayi Aur Kabe Ke Tamam Tabarukat Ku Jala Dala..Inhi Tabarukat Me Hazrath Ismail Zabiullah Ke Fidiye Me Qurbani Kiye Huwe Dumbah Ke O Singh Bhi Jal Gaye .Jo Sainkhdon Baras Se Kabe Me Batoure Tabaaruk Rakhe Huwe The Kayi Dino Tak Kaba Be Ghilaf Raha Aur Bashindagane Haram Saqt Musibaton Me MubtiLa Rahe. Aakhir Kaar Yazeed Paleed Qahar-e-Qahhar O Ghazabe Jabbar Me Giraftar Huwa..Aur 3 Baras 7 Mahine Takhte Hukumat Per Shaitaniyat Karke 15 Rabi-Ul-Awwal 64 Hijri Ku Jis Din Iske Hukm Se Kabe Muazzam Me Aag Lagayi Gayi. 49 Baras Ki Umr Pa Kar Mulke Sham Ke Shaher Hamas Me Qisam Qisam Ke Amraz Khabisa Me Mubtila Ho Kar Halak Ho Gaya.Yazeedi Fouj Ku Jab Apne Taghoot Ki Mout Ka Pata Chala To O Zaleel O Khawar Ho Kar Makke Mukarrama Se Farar Hone Lage.Aur Hazrath Abdullah Bin Zubair Ki Faujon Aur Bashindagane Haram Ne In Sitamgaron Ku Kutton Aur Cuhon Ki Tarha Daudha Daudha Kar Maar Dala.

Sitamgaron Ka Bura Anjam

                Yazeed Ki Hilakat Ke Baad Ahle Hijaz O Yaman Aur Iraq O Khirasan Walon Ne To Hazrath Abdullah Bin Zubair Ke Haath Par Baiath Ki Aur Misr O Sham Walon Ne Yazeed Ke Bete Mawiyah Bin yazeed Ku Takht Par Bithaya. Mawiyah Bin Yazeed Intehayi Nek O Swaleha Aur Ibadat Guzar Musalman Tha.Aur Apne Baap Ki Bad-Amaliyon Se Umar Bhar Bezar Raha.Ba-Dile Nakhwasta Ye Takhte Hukumat Per Baitha..Lekin Hukumat Sambhal Ne Ke Baad Se Ta Dame Marge Beemar Hi Raha Aur 40 Din Ya Chand Mah Ke Baad 21 Saal Ki Umr Me Inteqhal Kar Gaya.Maut Ke Waqt Logon Ne Kaha Ke Aap Kisi Ku Apna Janasheen Bana Dijiye.To Isne Jawab Diya Ke Maine Is Hukumat Me Koi Lazzat O Halawat Nahi Payi To Mai Is Talqi Me Dosre Ko Kyun Mubtila Karun..Mai ne Tum Sab Logon Ku Apni Baiath Se Aazad Kiya...Tum Log Jisku Chaho Ye Saltanat De Do. 

Maqham e Ibrat Hai Ke O Saltanat Jisku yazeed Ne Ahle Baith E Nabuw'wat Ke Khoon Per Qayim Ki Aur Jis Saltanat Ki Baqha Aur Istehkam Ke Liye.Hazaron Be-Gunahon Ku Qatal O Gharat Kiya.Khud Yazeed Bhi Isse Bahot Hi Kam Muddat Tak Mustafeed Ho Saka ..Aur Aaj Isi Yazeed Ka Beta Is Saltanat Ku Apni Thokar Se Maar Raha Hai..Mawiyah Bin Yazeed Ki Maut Ke Baad Misr Aur Sham Walon Ne Bhi Hazrath Abdullah Bin Zubair Ki Baiat Kar Li Aur Aap Puri Duniya E Islam Ke "Ameerul Momineen" Ho Gaye.Phir Marwan Bin Al-Hakam Ne Baghawat Ki Aur Misr O Sham Per Iska Qabza Ho Gaya. 65 Sane Hijri Me Jab Marwan Bin Al-Hakam Mar Gaya To Uska Beta Abdul Malik Bin Marwan Taqht Nasheen Huwa.Aur Isi Abdul Malik Bin Marwan Ke Ahad Me "Muqhtar Bin Ubaid" Ku Kufe Me Ghalba O Iqtedar Hasil Huwa.

To be continued on Zameen E Karbala Ka Khooni Manzar Part No - 13

Zameen E Karbala Ka Khooni Manzar Part No - 11

Hazrath Ali Asghar Raziyallahu Tala Anhu

            Abhi Imam Aali Maqam Ali Akbar Ki Lash Mubarak Ku Zameen Per Lita Kar Uthe Hi The Ke Hazrath Imam Ki Behan Hazrath Bibi Zainab Hazrath Imam Ke Sheer Khawar Bachche Ali Asghar Ku God Me Liye Huwe Tashreef Layen..Aur Kehne Lagen Ke Bhai Hussain Ab Hamse Ali Asgar Ki Pyas Dekhi Nahi Jati..Bhooki Pyasi Maa Ke Seene Me Dudh Khush Ho Chuka Hai..Aur Ye Sheer Khawar Bachcha Pyaas Se Betaab Aur Tishnagi Ki Shiddat Se Tadap Tadap Kar Dam Tod Raha Hai..Phool Jaisa Haseen O Rangeen Chehra Bhook Pyaas Aur Tapish Se Murjha Gaya Hai..Aur Iske Patle Patle Gulabi Rang Ke Hont Jiski Nazakat O Rangini Per Gulab Ki Kaliyan Qurban Hoti Then. Pyaas Ki Shiddat Se Kaale Padh Gaye Hain..Iska Rona Bilakna Aur Tadapna Machalna..Dekhne Ki Ab Hamare Andar Taab Nahi Hai..Isliye Bhaijaan Meri Ye Raye Hai Ke Aap Is Nanhi Si Jaan Ku Maidan Me Le Ja Kar Sitamgaron Ku Dukhayiye..Shayad In Sang Dilon Ku Is Bachche Ki Pyaas Per Raham Aajaye..Aur O Chand Ghont Is Bachche Ku Pani Pila Den.

Bahen Ke Israr Se Majboor Ho Kar Imam Ali Maqham Apne Noore Nazar Ali Asagr Ku Apni God Me Utha kar Siyah Dil Dushmano Ke Samne Tashreef Le Gaye...ke ye Mere Nana Jaan Ka Kalma Padhne Walon Main Apne Tamam Shazadagane Ahle Baith Ku To Tumhari Berahmi Aur Joor O Jafa Ki Nazar Kar Chuka Ab Ye Mera Sabse Chota Bachcha Hai...Jo Gulshane Rasool Ka Sabse Nanhna Pouda Hai...Jo Pyaas Ki Shiddat Se Dam Tod Raha Hai..Mera Ye Be-Zaban Bachcha Isne Ab Tak Kisi Se Koi Sawal Nahi Kiya Hai..Magar Aaj Ye Apne Nhanhe Nhanhe Haton Ku Tumhari Taraf Phaila Kar Tum Se Darya E Furat Ke Chand Ghont Paani Talab Kar Raha Hai..Agar Tumhare Baghi Hain To Ham Hain Tumhare Dushman Hain To Ham Hain... Tum Hame Paani Mat Do Magar Is Noor Ki Tasweer Aur Husn Ki Murat Ki Pyaas Per Raham Khao Aur Khuda Ke Liye..Tum Mere Lal aur Chamane Fatimah Ke Nounihal Ku Chand Ghont Daryaye Furat Ka Pani Pila Do..My Wada Karta Hoon Ke Maidane Mehshar Me Tumhe Apne Nana Jaaan Ke Hath Se Bhar Bhar Pet Kousar O Salsabeel Ka Jaam Pila Dunga...!!! Abhi Hazrath Imaam Ki Dil Hila Dene Wali Taqreer Jari Hi Thi Ke Hurmala Bin Kahil Mardood Ne Zahar Ka Bujhaya Huwa Teer Aysa Nishana Bandh Kar Mara Ke Ali Asgar Ke Khush'k Halqoom Ku Chedta Huwa Hazrath Imaam Ke Bazu Me Chub Gaya..Hazrath Imaam Ne Teer Kheench Kar Nikala To Khoon Ka Fawwara Ali Asgar Ke Gale Se Ubalne Laga.Pyase Bachche Ne Fouran Hi Dam Tod Diya..Aur Nhanhi Si Lash Khoon Me Naha Gayi....Hazrath Imaam Ne Hasrat Bhari Nigah Aasman Ki Taraf Uthayi..Aur.

.."?????? ?????? ????????? ???????? ?????????.... Padha..Aur Nanhe Shaheed Ki Lash Ku Apne Kaleje Se Chimtaye Aur Chadar Me Chupaye Huwe Aahista Aahista Khime Ki Taraf Rawana Huwe..Khime Ke Darwaze Par Hazrath Imaam Ki Behan Dosri Pardanasheenane Ahle Baith Ke Saath Imaam Ki Aamad Ka Intezar Kar Rahi The..Imaam Ku Door Se Aata Dekh Kar Hazrath BiBi Zainab Hazrath BiBi Sakina Se Kehne Lage Ke Beti Sakina..Mujhe Aysa Maloom Hota Hai Ke Shayad Ali Asgar Ku Paani Mil Gaya...Aur Pyasa Bachcha Paani Se Sairab Ho Kar Baap Ki God Me So Gaya Hai...Kyunke Jab Bachcha Ja Raha Tha To Pyaas Se Tadapta Aur Machalta Huwa Gaya Tha..Lekin Ab Haath Paon Nahi Hilata...Aur Bade Sukoon Se Baap Ki God Me Chala Aa Raha Hai...Lekin Hazrath Imaam Ne Jab Khime Me Pahonch Kar Khoon Me Nahayi Huwi Nhanhe Shaheed Ki Lash Ku Chadar Me Se Nikala To Ye Manzar Dekh Kar Musturate Haram Ki Cheekh Nikal Gayi....

Phire Wahan Se Jo Lasha Liye Shabbir...
Khadi Then Devdhi Pe Aur Roo rahaion then Sab Dilgir
....Khareeb Aake Ye Bole Hussain Pur Tanveer
Sidhare Asghare Be-Sher Khake Halaq Pe Teer,
....Tumhara Mahe Liqa Khoon Me Bhar Gaya Banu,
Tadap Ke God Me Marhom Mar Gaya Banu.

Hazrath Imam Ne Nhanhi Si Lash Ku Behan Ki God Me Diya, Aur Farmaya Ke Behan Zainab !!! Sabar Karo Aur Shukr Ada Karo Ke Khuda Ne Hamse Ye Sabse Choti Qurbani Bhi Qubool Farmali.Aur Behan Zainab !!! Khuda Ka Sajda E Shukr Ada Karo Ke Mujahideene Karbala Ka Sabse Nhanha Sipahi Bhi Apne Khoon Ka Aakhri Qatra Raahe Haq Me Qurbaan Karke Dono Jahan Me Sar Khuru Ho Gaya.Hazrath BiBi Zainab Ne Ali Asgar Ki Lash Ku God Me Liya , Aur Kehne Lage Ke Haye!!! Main Ab Isku Kis Tarha Is Ki Maa Ke Pass Lekar Jaon?? Main To Isku Abhi Abhi Iski Maa Se Ye Kah Kar Layi Thi Ke Main Tere Bachche Ku Paani Pilane Ke Liye Le Ja Rahi Hoon. Hazrath Zainab Ne Jis Waqt Maa Ko God Me Ali Asgar Ki Lash Ku Diya To...Maa Ne Haye Mera Laal!!! Kah Kar Lash Ku Apne Kalije Se Lagaliya. Aur Rote Huwe Kaha Ke Beta!! Ek Martaba Aur Apni Maa Ke Sukhe Huwe Pistan Me Muh Lagalo...Kyunke Ab Tumko Seene Se Lagana Mujhe Kabhi Naseeb Nahi Hoga..Haye Afsos!!

Phool To Do Din Bahare Jaan Fiza Dikhla Gaye
Hasrat In Gunchon Pe Hai Jo Bin Khile Murjha Gaye.

Hazrath Imaam Ali Maqham Raziyallahu Tala Anhu

           Sa'ate Aah O Baka O Bekharari Aagayi

Sayyade Mazloom Ki Ran Me Sawari Aagayi.

Saath Wale Bhai Bete Ho Chuke Hain Sab Shaheed,
Ab Imaam O Bekas O Tanha Ki Bari Aagayi.

Ab Ye Waqt Aagaya Hai Ke Tamam Ahbab Aur Jawanane Ahle Baith Shaheed Ho Chuke Hain..Sirf Hazrath Imaam Ali Maqham Aur Inke Ek Farzand Imaam Zainul Aabideen Baqi Rah Gaye Hain...Jo Bistare Bimari Per Intehayi Zaaf O Naqahat Ki Halat Me Padhe Huwe Hain.Jab Hazrath Imam Ne Tanha Maidane Jang Me Jane Ka Azm Farmaya...To Hazrath Zainul Aabideen Apni Bimari Aur Natawani Ke Bawajood Mujahidana Azm Ke Sath Hath Me Neza Liye Huwe Aaye..Aur Arz Kiya Ke Abba Jaan..Pehle Mujhe Sar Katane Ki Ijazat Dijiye..Ye Nahi Ho Sakta Ke Mere Hote Huwe Aap Shaheed Ho Jayen..Hazrath Imaam Ne Farmaya Ke Beta!!! Mai Tumhen Hargiz Kabhi Maidane Jang Ki Ijazat Nahi De Sakta..Kyunke Tumhare Siwa Ab Ahle Baith Ki In Masturat Ka Koi Mahram Baqi Nahi Rah Gaya Hai..In Bekasane Ghareebul Watan Tak Koun Pahonchayega..Aur Inki Nighe Dasht Aur Khabar Giri Koun Karega??? Mere Jaddo Pidar Ki Jo Amanaten Mere Paas Hain..O Kisku Supard Ki Jayengi!! Meri Nasal Aur Hussaini Sayyadon Ka Silsila Kisse Chalega? Mere Baad Mera Janasheen Tumhare Siwa Ab Koun Hoga?? Beta Zainul Aabideen!! Ye Sari Ummeden Tumhari Zaath Se Wabista Hain..Lihaza..Aye Jaane Pidar!! Tum Hargiz Hargiz Maidane Jang Ka Qasad Na Karo..Aur Dekho Zayif O Natawani Se Tumhare Qadam Dag-Maga Rahe Hain..Lihaza Tum Bistar Per Leet Jao..Phir Hazrath Imaam Ne Hazrath Zainul Aabideen Ku Bahut Si Wasiaten Farmayen..Aur Apne Seene Ke Batini Oloom O Asrar Se Unhe Sarfaraz O Faizyaab Farma Kar Apna Janasheen Banaya...Aur Khud Is Shaan Se Maidan Ka Qasd Farmaya Ke Misri Qubah Zebetan Farmayi Aur Aur Taburrukat Me Se Huzoor Rahmate Aalam SallallahuAlaihiWaSallam Ka Muqaddas Amamah Sar Per Bandha Aur Hazrath Syed-us-Shohada Hamza RadiAllauTa'alaAnha Ki Dhal Pusht Per Rakhi, Aur Haidare Karrar Ki Talwar Zulfiqar Ka Gale Me Haar Pehna Aur Tamam Ahle Khima Ku Sabar Aur Shukr Ki Wasiat Farma Kar Aur Sab Ku Apna Aakhri Deedar Dikha Kar Ghode Per Sawar Ho Gaye...Allahu Akbar!! Ahle Khima Ne Is Hosh-Ruba Manzar Ku Kin Aankhon Se Dekha Hoga?? Naaz Ke Pale Bachchon Ke Saron Se Shafaqqat E Pidari Ka Saya Uth Raha Hai..Aur Muqaddas Biwiyon Ka Suhag Ruksat Ho Raha Hai..Gharibul Watan..Bekas Musafiron Ka Qafila Hasab Bhari Nigahon Se Apne Meere Karwan Ke Cehre Ka Aakhri Nazara Kar Raha Hai..Parda Nasheenane Haram Khouf O Hiras Aur Hasrat O Yaas Ki Khamush Tasweeren Bani Huwi Khadi Hain..Aur Sab Ki Aankhon Se Ashke Gham Ke Moti Tapak Takap Kar Inke Qadmon Per Qurban Ho Rahe Hain..Hazrath Imam Ne Sab Ku Khuda Ke Supurd Kiya aur Maidane Jangh Ki Taraf Rawana Ho Gaye.Kayi Din Bhook Pyaas Se Muzmahal Aur Bhaiyon , Beton, Bhatijon Ke Gham Se Nidhal Hain..Aur Samne Hazraha Khoon Ke Pyase Khoon Kharon Ka Lashkar Samandar Ki Tarha..Moujen Maar Raha Hai..Magar Hussain Bin Ali Jin Ki Ragon Ke Andar Khoon Ke Qatre Qatre Me Rasoole Khuda Ka Khoon Shamil Tha..In Masa'b O Aalam Ke Hujoom Me Bhi Sabar O Tahammul Aur Azm O Isteqamat Ka Pahad Ban Kar Khoonkhar Ashrar Ke Muqabil Mujahidana Shan O Shokat Ke Sath Khade Ho Gaye.Aur Pehle Apni Pur Jalal Aawaz Aur Mujahidana Lahje Me Ek Walwala Angeez Rijz Padhi..Jis Ke Chand Ash'ar Aap Bhi Padhiye..

(Tarjuma)
Hazrath Imam Ne Farmaya Ke Mere Baap Suraj Hain Aur Meri Maa Chand,
Aur My Sitara Hoon Aur In Dono Chand Suraj Ka Beta Hoon
Tamam Maqlookh Me Kiska Nana Mere Nana Ke Misl Hai??
Aur Tamam Jin O Ins Me Koun Hai Jis Ki Maa Meri Jaisi Ho,
Fatimah Zahra Meri Maa Hain, Aur Mere Baap Dul-Dul Sawar
Aur Ek Kaman Se 2 Teer Chalane Wale Hain.
Mere Baap Ne Badre Wahid Aur Hunain Ki Ladayiyon Me Bade Bade Dilawaron Ku Shikasht Dedi Hai.

Phir Aap Ne Ek Fasih-o-Baleegh Khudba Padha..Jisme Apne Fazail Aur Apni Be-Gunahi Ku Aaftab E Nisfun Nahar Se Ziyada Roshan O Aashkar Kar Diya..Chunanche Aap Ke Kalmat Tayyibaat Ku Sun Kar Yazeedi Lashkar Ke Bahut Se Log Mut'asir Ho Kar Zar-Zar Rone Lage.Lekin Shimar Waghaira Khabsa Ne Ye Dekh Kar Ke Hazrath Imaam Ki Taqreer Se Logon Ke Qulub Mut'asir Ho Rahe Hain...Aur Hazrath Imaam Ki Haqqaniyat Aur Aap Ki Be-Gunahi Aur Mazlumiyat Ka Aaftab Tulu Ho Kar Logon Ke Diloon Me Ek Noorani Inqilab Paida Kar Dega...To In Logon Ne Ek Dam Shor O Ghul Machana Shuru Kar Diya..Ke Aap Ya To Yazeed Ki Baiath Ki Jiye Ya Phir Jangh Ke Liye Tayyar Ho Jayiye..Uske Siwa Ham Khuch Sunne Ke Liye Tayyar Nahi Hain...Hazrath Imaam Ne Farmaya Ke Koor Batino..! Mujhe Maloom Hai Ke Tumhare Dilon Per Batini Shaqawat Ki Mohar Lag Chuki Hai..Lekin Mera Ye Khudba Sirf Itmame Hujjat Ke Liye Tha..Take Qiyamat Ke Din Tum Ye Na Kah Sako Ke Hamne Haq Aur Imam e Bar Haq Ku Pehchana Nahi Tha..Isliye La-ilmi Me Hamne Ahle Baith Ka Khoon Bahaya Tha...Alhamdulillah!!! Ke My Tumhara Ye Uzr Khatam Kar Chuka..Ab Raha Yazeed Ki Baiath Ka Sawal??? To Ye Mujh Se Kabhi Hargiz Nahi Ho Sakta Ke My Batil Ke Samne Sar Jhukaun..Aur Apna Paak Haath Yazeed Paleed Ke Na-Paak Haath Per Rakh Kar Baiat Karon..Lehaza Ab Tum Apna Irada Pura Kar Lo Aur Jisku Mere Muqabile Ke Liye Bhejna Cahte Ho Usku Mere Samne Bhej Do..Ibne Sa'ad Ne Sabse Pehle Tameem Laeem Ku Jo Mulke Sham Ka Ek Naamwar Sardar Tha Jangh Ke Liye Bheja...Aur O Behaya Yazeed Ke Inam O Ikram Ke Lalach Me Ibne RasoolAllah Ka Sar Katne Ke Liye Nihayat Ghurur Ke Sath Talwar Chamkata Huwa Aaya.Magar Abhi War Ke Liye Uska Haath Utha Hi Tha Ke Hazrath Imaam Ne Zulfiqar Ka Aysa Bharpoor Hath Mara Ke Tameem Ka Sar Kat Kar Gend Ki Tarha Door Ja Kar Gira.Phir "Yazeed Abtahi" Jiski Dilawari Ka Iraq O Misar Balke Sham O Rome Tak Me Dhoom Machi Huwi Thi..Nihayat Mutakabbirana Andaz Me Shaitani Chal Chalta Huwa Hamla Ke Liye.Badha Aur Ek Dam Achanak Hazrath Imaam Per Talwar Chala Di Magar Aap Ne Uske War Se Bach Kar Uski Kamar Per Aysi Talwar Mari Ke O Kakdi Ki Tarha Kat Kar 2 Tukde Ho Gaya.Phir ibne Sa'ad Ka Hukm Pa Kar Ek Teesra Sarkash Pehalwan Nara Marte Aur Shoor Machate Huwe Aage Badha..Aur Badhe Ghamand Se Kehne Laga Ke Hussain Bin Ali!! Ab Hoshiyar Ho Jao Mai O Jang-jo Dilawar Hoon Ke Pure Sham O Iraq Me Mere Shuja'ata Ka Danka Baj Raha Hai Ye Kah Kar O Mast Hathi Ki Jhoomta Huwa Aage Badha Aur Fouje Sharar Ku Yakheen Ho Gaya Ke Ye Zaroor Imam Ka kaam Tamam Kar Dega..Imaam Ne Uski Gustakhana Chal Dekhi To Dant Kar Farmaya Ke Aye Shami Ga'nwar Ke Bete Tu Kiske Samne Itni Denge Maar Raha Hai?? Kya Tu Mujhe Pehchanta Nahi?? Hosh Ki Dawa Kar Idhar Udhar Mat Dekh Samne Nazar Kar Tere Maqabil Fatihe Khibar Ali Haidar Ki Shujaat Ka Waris Shere Nar Khada Hai..Shami Pehalwan Ye Sun Kar Aur Ziyada Taish Me Bhar Gaya Aur Cheekh Kar Bola Ke Hussain!! Sambhalna My O Shamsheer Marta Hoon Ke Agar Pahad Per Maron To Pahad Surma Ban Jaye..Ye Kaha Aur Imam Per Talwar Chala Di ..Magar Imaam Ne Iska War Khali De Kar Uski Kamar Per Zulfiqar Ka Ek Jinchatula Haath Mara To Aysa Maloom Huwa Ke Ek Kheera Tha Jo Kat Kar 2 Tukde Ho Gaya.Aur Is Zarbe Haidari Ki Haibat Se Zameen E Karbala Ka Zarra Zarra Daahel Gaya..Aur Khudrat Pukar Uthi Ke...

Shahe Mardan, Shere Yazdan, Quwwat-e-Parwardigar
La Fatah illa Ali La Saif illa Zulfiqar!

Phir To Hazrathe Imaam Qahre Ilahi Ki Bijli Ban Kar Lashkare Ashrar Per Toot Pade Aur Jo Samne Aaya Ek Hi War Me Uska Kaam Tamam Kar Diya..Kisi Ku Neze Ki Ani Per Utha kar Is Zoor Se Zameen Per Patka Ke Iski Haddiyan Bhi Chakna Choor Ho Gayen..Kisi Ku Uska Patka Pakadh Kar Jhatka Diya To Usku Ghode Se Zameen Per Patka...Aur Us Per Ghoda Doudha Kar Ghode Ki Tap Se Usku Rond Kar Pamal Kar Dala..Kisiki Pusht Per Talwar Mari To O 2 Tukdhe Ho Kar Ghode Se Gir Padha Kisi Ke Sar Per Zulfiqar Ka War Kiya To Khud O Maghfar Ke Purze Purze Udha Diye..Kisi Ki Gardan Per Shamshire Haidari Chalayi To Uska Sar Kat Kar Door Tak Ludukta Chala Gaya..Gharz Reteli Zameen Ku Dushmao Ke Khoon Se Rangeen Bana Dala..Aur Registane Karbala Me Bahadduron Ke Saron Ke Khet Bo Diya..Aur Aap Ki Haibat O Shujaat Ka Dushmano Ke Dilo Par Aysa Sikka Baitha Ke Yazeedi Lashkar Me Bhagdhah Mach Gayi..Ibne Sa'ad Ne Jab Apne Lashkariyon Me Hol Aur Sari Fouj Ku Dawan Dol Hote Dekha to Usne Ye Samajh Liya Ke Dast Ba Dast Ki Jang Me To Hamari Sari Fouj Bhi Is Haidari Shere Haq Ka Muqabila Nahi Kar Sakegi..Isliye Usne Muhasira Karke Hamla Karne Ka Mansuba Banaya..Chunanche Har Char Taraf Se Fouje Ashrar Ne Yalghar Karke Hazrath Imaam Ku Gher Liya..Phir Door Se Teer Andazi Ki Barish Shuru Kar Di..Yahan Takke Ek Zahar Me Bujhaya Huwa Teer Hazrath Imaam Ki us Muqaddas Peshani Per Laga Jisku Hazaron Baar Mehbube Parwar Digar Ne Mohabbat O Pyar Se Chuma Tha.Teer Lagte Hi Khoon Ka Fawwara Chehere Anwar Per Baha Nikla Aur Aap Ghashkh Kha kar Ghode Ki Zain Se Zameen Per Utar Pade..Phir Zalimon Ne Neza O Shamsheer Ki Maar Se Is Qadar Zakhmi Kar Diya Ke Noorani Pikar Khoon Me Naha Gaya..Aur Aap Bahattar Zakham Kha Kar Zameen Per Baith Gaye..Aur Shaitan Sift Sinan Ne Seena E Aqdas Per Neeza Mara Aur Aap Jab Sajde Me Gir Pade To Shimar Mardood Ne Talwar Mari Aur Aap Shaheed Ho Gaye....

.."?????? ?????? ????????? ???????? ?????????....

Ek Riwayat Me Ye Bhi Aaya Hai Ke Das Sawar Aap Ke Khatal Ke Liye Aage Badhe Magar Jo Samne Aata Khouf O Sharam Se Peeche Lout Jata .Lekin Shimar, Sinan,Khouli, Shibal Ye Charon Khubsaar Aap Ke Samne Aaye. Aur Shimar Mardood Aap Ke Sene Aqdas Per Sawar Ho Gaya.Hazrath Imaam Ne Farmaya Ke..!!! Aye Sitamgaron..!!! Aaj Jummah Ka Din Hai Aur Suraj Dhal Gaya Hai..Ye O Waqt Hai Ke Mere Nana Jaan Ki Ummat Ke Khutb'a Yato Mimbaron Per Mere Nana Jaan Ka Khutba Padh Rahe Honge..Ya Namaze Jumma Ada Kar Rahe Honge..Afsos!! Is Waqt Hussain Bin Ali Aysi Bekasi O Be-Basi Ke Aalam Me Hai Ke Namaze Juma Ada Nahi Kar Saka..Lekin Aye Shimar Tu Zara Der Ke Liye Mere Seene Se Haath Ja Take My Jis Haal Me Bhi Hoon Khuda Ka Farz Ada Karlun..Chunanche.Hazrath Imaam Ne Tayyamum Farmakar Namaz Shuru Kardi.Qirat Bhi Padhli, Ruku Bhi Kar Liya, Sajda Bhi Kar Liya.Magar Ye Sajda Imaam Ki Namaz Ka To Pehla Hi Sajda Tha..Magar Imaam Ali Maqam Ki Zindagi Ka Yahi Aakhri Sajda Tha..Abhi Aapne Sajde Se Sar Nahi Uthaya Tha Ke Sinan Ne Neeza Mara Aur Shimar Ne Talwar Chala Di...Aur Aap Shaheed Ho Gaye...
Phir Khouli Ne Ya Shibal Ne Aage Badh Kar Sare Aqdas Ku Tane Mubarak Se Juda Kar Diya..Aur Hazrath Imaam Ka O Muqaddas Khoon Jiske Ek Ek Khatre Ki Qimat Zameen O Aasman Aur Is Jahan Ka Sara Saman Bhi Nahi Ho Sakta..Yazeedi Sitamgaron Ne 10 Moharram 61 Hijri Ku Jummah Ke Din Karbala Me Intehayi Be-Dardi Ke Sath Baha Diya.Lekin Musalmano Karbala Ki Zameen Ke Zarra Zarra Qiyamat Tak Ye Pukarta Aur Elan Karta Rahega Ke...

Jo Zere Khanjar Qatil Ada Namaz Kare
Namaz Ayse Namazi Pe Kyun Na Naaz Kare

Aaj Hazrath Imaam'go Hamari Nazron Ke Samne Nahi Rahe.Magar Unke Muqhaddas Khoon Ka Qatra Qatra Qayamat Tak Aane Wali Musalman Naslon Ko Karbala Ki Zameen Se Ye Walwala Angeez Aur Rangeen Paigham Deen Deta Rahega..Ke....

Khoon Me Nahao, Zakham Sahao, Sar Fida Karo,
Jab Waqt Aaye Deen Pe Yun Haq Ada Karo.

Marna To Sab Ko Hai. Magar Jigar Goshaye Rasool O Farzande Batoool Ne Sajde Me Sar Kata Kar Apne Nana Jaan Ki Ummat Ko Watwaso Bil Haq, ???????????? ?????????? ???????????? ??????????? Ki Amali Tafreer Aur ????? ?????????? ?????? ???????? ???????????? Ka Ye Darse Hayaat Diya.Ke Muslamano Maro To Is Shan Se Maro Ke..

Halaq Per Tegh Chale, Seene Pe Jallad Rahe,
Labpe Ho Naam Tera, Dil Me Teri Yaad Rahe.

Afsos Ta'reeqe Islam Me...Ye Kaisa Khoon Rulane Wala Saneha Hai?? Ke Rasoolallah Sallallahu Alaihi Wasallam Ka Kalma Padhne Walon Hi Ne Ibne Rasool Sallallahu Alaihi Wasallam Ke Jism E Athar Per 72 Zakham Laga Kar Unka Sar Kaat Liya. Aur Gulshane Rasool Ko Takhat O Taraaj Karke Khanaye Ahle Baith Ke Us Roshan Chiragh Ko Bhuja Diya..Jisse Tamam Duniya E Islam Me Hidayat Ki Roshni Thi.

Aah...Aah..!!! Is Sadma e Jaan Ka Se Dil Ghayil Qalb Majruh Jism Larza Barandam Aur Aankhen Ashkhbaar Hain. Afsos... Sad Hazaar Afsos..!!

Ye Inayaton Ki Jaza Mili, Ye Hidayaton Ka Sila Mila,
Jo Charagh Noor E Nabi Ka Tha, Use Karbala Me Bujha Diya,

Ye Hussain Tera Hi Kaam Tha Ke Sab Apne Laal Fida Kiye
Tujhe In Sitaron Ne Duub Kar Shabe Gham Ka Chand Bana Diya.

Jo Hussain Khaime Me Jayenge, Wahan Jake Kisko Dikhayenge
Jise Maa Ki God Se Laye The, Use Zer E Khak Sula Diya

Ye Sanan O Teer Ki Dawaten, Ye Ali Ke Laal Ki Himmaten,
Kabhi Noujawan Ka Jigar Diya, Kabhi Be-Zaban Ka Gala Diya.

Chaman Aap Apna Luta Gaye, Ke Bahar E Deene Khuda Rahe,
Na Jama Jo Range Bahar Se, To Lahu Bhi Apna Mila Diya.

Darbare Rasoolallah Sallahu Alaihi Wa Sallam Me Darood Shareef Padhiye...

To be continued on Zameen E Karbala Ka Khooni Manzar Part No - 12

Zameen E Karbala Ka Khooni Manzar Part No - 10

Hazrath Ali Akbar Raziyallahu Tala Anhu

             Ab Imam Ke Samne Aap Ke Noore Nazar Hazrath Ali Akbar Hazir Hain.Aur Maidane Jang Ki Ijazat Talab Kar Rahe Hain.Allahu Akbar..!!! Ajeeb Waqt Hai Ke, Chahita Beta Shafeqe Baap Se Sar Katane Ki Ijazat Talab Kar Raha Hai..

Agar Tu Sahebe Aulaad Hoga
Tujhe Aulad Ka Gham Yaad Hoga...

Dar Haqiqath Hazrath Imam Ke Liye Bade Imtehan Ka Waqt Tha.18 Baras Ka Jawan Beta, Budhape Ka Sahara , Peeri Ka Aasa Ijazat Den To Kis Qalbe Jigar Se Aur Nahi ijazat Dete To Gulshane Risalat Ka Gul Shadab Rang O Gham Se Khumlaya Jata Hai.Kyunke Is Aarzu Mande Shahadat Ku Shouqe Jihaad Me Is Qadar Warifta Bana Diya Tha. Ke Agar Hazrath Imam Inku Maidane Jang Me Jane Se Rok Dete To Sadmat Se Inke Seene Me Shishaye Dil Pash Pash Hojata. Char O Nachar Hazrath Imam Ku Ijazat Deni Hi Padhi...

Hazrath Ali Akbar Ka Laqab "Shabi e Payamber" Hai.Yani Inki Shakal O Surat Chehre Ka Naqsha Hubahu.Jamale Mustafa SallallahuAlaihiWaSallam Ka Aaina Tha.Hazraat Sahaba E Keraam RadiAllahuAnhum Ku Jab Deedare Muhammadi Ka Shouqh Be-Tab Karta Tha To Door Door Se Safar Karke Madine Munawwara Aate The..Aur Ali Akbar Ke Chehre Anwar Ka Jamal Dekhkar Inke Dilon Ku Tasalli Hasil Ho Jati Thi...Ye Noor Ka Paikar Aur Tanveere Mustafa Ka Mar'qa Jiske Jamale Surat Per Hazron Ronayiyan Tasadduq Aur Jis Ke Qadmon Per Noujawani Ki Lakhon Baharen Qurbaan Ho Rahi The. Jis Waqt Maidane Jang Ka Irada Karke Rawana Hone Lage To Hazrath Imam Khime Ke Andaar Tashreef Le Gaye..Aur Tabarrukat Ka Sandokh Khool Kar Behtareen Tabarrukat Jo Mehfooz The Nikal Kar Laye. Aur Uruse Shahadat Ki Good Me Qiyamat Tak Sone Wale Dulha Ku In Muqaddas Tabarrukat Se Aarasta Farma Diya.Aur Apne Shahzada Ali Akbar Ku Is Shan Se Maidan Me Bheja Ke..

Quba E Rahmate Aalam Pehnayi Jisme Athar Per,
Shahe khaibar Ke Patke Se Kamar Bandhi Gayi Kas Kar.

...Sare Anwar Pe Rakha Khud, Apni Zarrah Pehnayi,
Badayi Joshane O Chaar Aaine Se Shane Ronayi.

Saja E Dast O Bazu O Neza O Shamsheer O Khanjar Se
Dua Mangi Utha Kar Daste Rahmat Rabbe Akbar Se.

....Ilahi Ye Mera Laqte Jigar Hai Rahate Jaan Hai,
Ye Teri Rah Me 100 Jaan Se Ab Hone Ku Qurbaan Hai.

Khudawande Jahan!!! Maqbool Farma Meri Qurbani,
Ata Kar Sabar Isku Jab Ho Isper Teer Barani.

....Dua'en Den Kaha Noore Nazar!! Jao Khuda Hafiz
Rahe Haq Me Adu Se Jang Farmao Khuda Hafiz.

Gharz, Muqaddas Baap Ki Pyari Pyari Duaon Se Daman Bhar Kar Ye Asadullahi Sher Maidan Me Aaya.Aur Zulfiqare Haidari Chamka ker Mujahidana Lahje Me Rijz Ka Ye Sher Padha...

Yani Guruhe Ashqiya!! Tum Muje Jaan Lo Aur Pehchan Lo Ke Mera Naam Ali Akbar Hai. Aur My Imam Hussain Ka Beta Hon..Aur Imam Hussain Faatihe Khibar Ali Haidar Ke Noore Nazar Hain..Aur Yaad Raklho Ke Ham "Ahle Bait" Hain. Aur Sunlo Ke Is Aasman Ke Neeche Khuda is Zameen Ke Uper Khuda Ke Nabi Ka Ham Se Ziyada Khareebi Rishtedaar Koi Nahi Hai.

Shazade Ne Jis Waqt Ye Rijz Padhi ...To App Ki Mujahidana Haibat Se Registane Karbala Ka Zarra Zarra Kanp Utha. Aur Kore Batin Yazeediyon Ku Jab Shabihe Payember Ali Akbar Ke Chehre Anwar Per Jamale Mustafa Ki Tajalliyan Nazar Padhe To O Mahwe Hairat Ban Kar Ibne sa'ad Se Puchne Lage..Ke Ye Koun Sawar Aagaya??? Ke Jiske Husn O Jamal Ki Tajalliyan Nigahon Ku Khira Kar Rahe Hain.Ibne sa'ad Ne Kaha Ke Ye Imam Hussain Ke Farzand Hain..Jo Jamale Surat Me Ham Shakle Mustafa..Aur Jamale Seerat Warise Ali Mutuza Hain..

Ye Sun Kar Yazeedi Fouj Me Ek Sannata Cha Gaya..Aur Unke Zameer Ki Aawaz Ne Unhi Jinjhoda Ke ..Allahu Akbar!! Tanweere Mustafa Ki Noorani Tasweer Per Koun Talwar Uthane Ki Jurrat Kar Sakta Hai?? Lekin Yazeed Paleed Ke Inam O Ikram Ki Tama Ka Bhoot Unke Saron Per Sawar The..Aur Duniya Ki Hiris Ne ..Inhi Is Qadar Andha Bana Diya Tha Ke ..O Ahle Bait Ki Qadar O Manzilat Aur Apne Kartoot Ki Shamat O Nuhusat Ku Jante Huwe Bhi Apni Shakhawat Se Baaz Nahi Aaye..Aur Aale Rasool Ke Khoon E Nahaq Ka Na Mitne Wala Dhabba Apni Peshaniyon Per Laga Kar ..Dono Jahan Ki Rusiyahi Me Giraftar Aur Qahre Qahhar O Ghazbe Jabbar Ke Sazawar Bane!!! Bahre Kaif Ali Akbar Ne Aada Ki Safon Ki Samne Khade Ho Kar Ek Nara Mara. Aur Farmaya Ke Aye Sitamgaron!!! Agar Tumhe Aale Rassol Ke Khoon Ki Pyaas Hai To Tumme Jo Sabse Ziyada Bahaddur Ho..Usku Maidan Me Bhejo..Aur Tum Ku Zoore Baazu E Haidar Dekhna Hoto..Mere Samne Aao..Shazade Aali Waqar Ki Mujahidana Lalkar Sun Kar Lashkare Ashrar Saham Gaya. Aur Kisi Me Bhi Ye Himmat O Jurrat Nahi Huwi Ke Zulfiqare Haidari Ka Samna Karna Jab Baar Baar Ki Lalkar Ke Bawajood Koi Khoonkhawar Aage Nahi Bada..To Aapne Fouran Hi Ghoda Khuda Kar Dushmno Ki Safon Per Hamla Kar Diya..Aur Jis Taraf Rukh Kiya Sitamgaron Ka Aahini Lashkar Kayi Ki Tarha Phat'ta Chala Gaya. Ek Ek Waar Me Kayi Kayi Dev-Pikar Khoon Kharon Ku Khere Aur Kakdi Ki Tarha Kaat Kar Dal Diya.Tabhi Lashkar Ke Maimana Per Qahre Ilahi Ki Bijli Girayi To Khouf O Hiras Se Dilawaron Ka Lashkar Zer O Zabar Ho Gaya.Aur Kabhi Palat Kar Fouj Ke Maisira Per iqaab Ki Tarha Jhapte To Bahaduron Ki Safon Ku Darham Barham Kar Dala.Aur Kabhi Qalbe Lashkar Me Ghota Laga Kar Neeze Ki Zarb Aur Talwar Ki Maar Ka Jouhar Dikhaya To Gardan Kashon Ke Sar Mosame Khizan Ke Patton Ki Tarha Jhad Kar Girne Lage..Ek Shor Barpa Ho Gaya...Aur Bade Bade Sormaon Ke Ausaan Khata Aur Bade Bade Jang-jo Bahaduron Ki Himmate Shikista Aur Housle Past Ho Gaye.Shere Haq Ka Hamla Na Tha..Balke Qahre Ilahi Ka Ek Azabe Azeem Tha..Jo Unke Saron Per Barkhe Khatif Ban Kar Musallat Ho Gaya Tha...Har Taraf Kushton Ke Pushte Laga Diye.Aur Karbala Ki Zameen Ku Zalimon Ke Khoon Se Rangeen Bana Dala..Lekin Teez Dhup Tapta Huwa Registan , Jhusa Dene Wali Garam Garam Lu Ke Thapede Me Doudh Dhoop Aur Hamlon Ki Shiddat Ne Is Mujahide Jaan Baaz Ku Pyaas Se Beqarar Kar Diya...Chunanche Aap Palat Kar Hazrath Imam ki Qidmat Me Aaye..Aur Meharbaan Baap Ku Apni Khushkh Zaban Dikhakar Arz Kiya Ke Yani Abba Jaan...Pyaas Ka Ghalba Hai..Magar Yahan Paani Kahan Tha?? Jo Is Tishnaye Shahadat Ku Sairab Kiya Jata...Shafeeq Baap Ne Apni Angushtari Inayat Farmayi..Aur Kaha Ke Beta Isku Muh Me Rakh Lo Muqaddas Baap Ki Mushaffiqana Tasalli Se Kuch Taskeen Huwi To ...Phir Razmgah Ka Rukh Kiya..Aur Farmaya Ke Aye Guruhe Ashrar!! Jis Ke Sar Per Mout Sawar Ho O Mere Samne Aaye...Aur Zulfiqar Ka Maza Chakle ..Aapne Kayi Baar Lalkar Kar Mubarz Talab Farmaya..Magar Kisi Bahaddur Ka Qadam Aage Nahi Bada..Aur Aysa Maloom Hota Tha Ke Bhooke Sher Ke Samne Bakriyon Ka Ek Galla Hai..Jo Jaan Ke Khouf Se Dam Ba Khud Aur Larza Barandam Hai...

Ye Manzar Dekh Kar Ibne sa'ad Ne Tarukh Pehalwan Se Kaha...Aye Tarukh !! Bade Sharam Ki Baat Hai Ke Ek Akela Hashmi Noujawwan Maidan Me Tum Hazaron Ku Lalkar Raha Hai..Magar Tumme Koi Bhi Aysa Ghairatmand Nahi Hai.Jo Iska Muqabila Kare...Aye Tarukh !! Agar Tu Aage Badh Kar Is Noujawan Ka Sar Katle To My Wada Karta Hoon Ke Tujhe Abdullah Bin Zayad Se Mosal Ki Governari Ka Parwana Dila dunga..Duniya ka Kutta Tarukh Governari Ke Lalach Me Farzande Rasool Ka Khoon Bahane Ke Liye Doudh Pada..Aur Neza Taan Kar Hazrath Ali Akbar Per Khatilana Hamla Kar Diya..Magar Asadullahi Shuja'at Ke Waris Ne Kamale Hunar Mandi Se Dushman Ke Waar Ku Rad Kar Diya..Aur Khud Aage Badh Kar Tarukh Ke Seene Me Aysa Neeza Mara Ke Uski Peet Se Paar Hogaya.Aur Ladhkhada Kar Ghode Se Gira..Aur Girte Hi Margaya..Aur Shahzade Ne Apne Ghode Ki Tap Se Iski Lash Ku Rond Kar Uski Haddiyon Ku Bhi Chakna Choor Kar Diya..Tarukh Ke Bete Umru Bin Tarukh Ne Apne Baap Ku Is Zillat Ke Sath Qatal Hote Dekha To Isper Khoon Sawar Ho Goya..Aur O Gusse Me Aag Bagola Ho Kar Jhillaya Huwa Aage Badha..Aur Majnunon Ki Tarha..Hazrath Ali Akbar Per Hamla Karne Laga..Magar Aapne Ek Hi Neeze Ki Maar Se Usku Bhi Iske Baap Ke Pass Pahoncha Diya..Tarukh Ka Dosra Beta Talha Bin Tarukh Baap Aur Bhai Ke Inteqam Lene Ke Liye Sholae Jawala Ki Tarha Uchalta Kudta Talwar Lekar Ghode Per Sawar Huwa Aur Hazrath Ali Akbar Per Chadh Daudha..Magar Aapne Uska Patka Pakadh Kar Aysa Jhatka Diya Ke Ghode Se Girne Laga..Phir Aapne Usku Is Zoor Se Zameen Per Patka Ke Iska Dam Nikal Gaya..Aur Hazrath Ali Akbar Ki Haibate Haidari Se Yazeedi Lashkar Me Zalzala Aagaya..Ibne Sa'ad Ne Gusse Me Aakar Misra Bin Ghalib Ku Hamle Ka Hukm De Diya.Chunanche O Nihayat Hi Mutakabbirana Andaz Me Neza Hilata Huwa Aap Ki Taraf Badha Aur Jaise Hi Usne Neza Tana Aapne Neze Per Aysi Talwar Mari Ke Uska Neza Khalam Hogaya..Aur Phir Iske Sar Per Talwar Ka Aysa War Kiya Ke Uska Sar Do Tukde Ho Kar Zameen Per Gir Padha..Ibne Sa'ad Ne Jab Ye Dekha Ke Ab Kisi Bahadur Me Is Shere Haq Ke Muqabile Ki Tab O Himmat Nahi Hai..To Usne Ek Bahaddur Pahelwan Ku Hukm Diya Ke O Ek Hazar Sawaron Ku Sath Le Kar Pehle Inka Muhasira Kare..Phir Door Se Teeron Ki Barish Ki Jaye..Aur Jab Ye Shere Khuda Ka Sher Zakhmi Ho Kar Muzmahel Ho Jaye To Isku Nezon Se Ched Kar Talwar Se Qatal Kar Diya Jaye...Chunanche, Sitamshuaron Ne Ek Bargi Charon Taraf Se Ghera Dal Kar Teeron Ki Barish Shuru Kar Di..Yahan Takke Zakhmon Se Chakna Choor Ho Kar Chamane Fatimah Ka Ghunchaye Hussain Apne Khoon Me Naha Kar Rangeen Ho Gaya..Aur Ibne Numer Ne Aap Ke Sinae Anwar Per Aysa Neza Mara Ke Aap Ghode Ki Zain Se Zameen Per Tashreef Laye..Aur Shafeeq Baap Ku Pukara Ke Abba Jaan..Apne Noore Nazar Ku Sambhaliye...Shahzade Ki Pukar Per Hazrath Imam Be-Tabana Ghoda Doudha Kar Maidan Me Pahonche Aur Aap Ku Utha Kar Khime Me Laye..Aur Shabiye Payambar Ke Cehre Anwar Se Khoon Aalud Ghubar Apne Damane Athar Se Saaf Karne Lage..Itne Me Ali Akbar Ne Aankhen Kholden Aur Aakhri Baar Hazrath Imam Ka Deedar Karke Hamesha Ke Liye Aankhen Band Kar Liyen..Aur Bihishte Bareen Ku Rawana Ho Gaye..?????? ?????? ????????? ???????? ?????????

Hazrath Imam Ne Ba-Didaye Tar Lakhte Jigar Ki Lash Ku Zameen Per Lita Kar Zabane Haal Se Ye Farmaya...

Jab Khak Per Lita Chuke Lashe Pisar Imam 

Tader Roye Phir Ye Zameen Se Kiya Kalam,

My Ibne Bu-Turab Hoon Mazloom O Tishnakam

Aur Hai Ye Mera Lakhte Jigar Badre Lalafaam

Yeza Na Dijo Ke Mera Gule Zaar Hai,

Barchi Ke Phal Se Iska Kaleja Figar Hai,

Hasrat Zadah Jahan Se Utha Hai Ye Mahe-Jabeen,

Sun Sun Ke Iska Waqia Royenge Momineen,

Taghon Se Pash Pash Hai Sab Jism Nazneen,

Rakh Isku Ehtiyaat Se Daman Me Aye Zameen,

18 Saal Ki Hai Ye Doulat Hussain Ki 

Ab Hai Tere Supard Amanat Hussain Ki,

To be continued on Zameen E Karbala Ka Khooni Manzar Part No - 11  

Zameen E Karbala Ka Khooni Manzar Part No - 08

Hazrath Qasim

                 Aapne Janab Qasim Bin Hasan Ka Naam Nami Suna Hoga. Ye Ahle Baith Ke Bahut Se Jawano Ki Shahadat Ke Baad Hazrath Imam Se Jangh Ki ijazat Talab Karne Ke Liye Hazir Huwe Hain..Ye Hazrath Imam Ke Haqiqi Bhatije.Yani Hazrat Hasan Mujtaba Radiallahu Ta'ala Anhu Ke Farzande Anjuman, Aur Hazrath Imaam Ali Maqham Ki Dukhtare Nek Akthar BiBi Sakina Se Inki Nisbat Bhi Tay Ho Chuki Hai.Chota Sa Qad, Naujawani Ka Aalam, Sabza Aaghaz Ek Pikare Husn O Jamal Hai.Jo Hazrath Imaam Se Gardan Katane Ki Ijazat Talab Kar Raha Hai.Imaam Ali Maqham Ne Mohabbat Bhari Nazron Se Bhatije Aur Hone Wale Damaad Ku Ek Nigah Bhar Kar Dekha.Qalb Me Ek Thes Lagi Aur Dil Ke Jazbat Ansu Ban Kar Palkon Per Namudaar Ho Gaye...Farmaya Ke Beta Qasim Tum Mere Marhoom Bhai Ki Nishani Aur Yaadgaar Ho.Bhai Marhum Mujhe Daghe Mufariqat De Gaye.Aab Unki Yaad Aane Per Tumhi Ku Dekh Kar My Tasalli Hasil Karta Hoon.Bhala Mujhe Kab Aur Kis Tarha Gawara Ho Sakta Hai?  Ke Tum Mere Samne Khak O Khoon Me Tadapte Huwe Gala Katao.Aur Mai Dekhta Rahoon.Beta- Mai Is Sadmaye Jaankah Ku Bardasht Karne Ki Taab-O-Taqat Nahi Rakhta.Isliye My Tumhe Jang Me Jane Ki Ijazat Nahi De Sakta..Lekin, Janab Qasim Ki Beqarari Aur Girya O Zari Dekh Kar ,aur Unke Israr Se Majboor Ho Kar Bil Aakhir Hazrath Imaam Ne Unhe Maidane Jangh Me Jaane Ki Ijazat Dedi..Hazrath Qasim Shoukh-E-Shahadat Mai Is Qadar Warafta The Ke Ijazat Pate Hi Khushi Se Uchal Pade Aur Jaldi Jaldi Janghi Libas Pehan Kar Aur Hatyaron Se Musallah Ho Kar Pehle Qime Me Tashreef Le Gaye. Aur Saab Ahle Qima Ku Aakhri Salam Karke.Hazrath Imaam Ki Qidmat Me Hazir Ho Gaye.Mamta Ki Mari Maa Jaan Chidakne Wali Phupi Aur Dulhan Banne Ki Aas Lagane Wali Mangitar BiBi Sakina Ne Duniya Se Safar Karne Wale Musafir Ka Akhri Didar Kiya Aur Josh E Gham Se Saab Ki Aankhen Askh Baar Ho Gaye.Ke Ab Chand Minton Me Ye Noor Ki Tasweer Khak O Khoon Me Mil Jane Wali Hai.

Jaab Imaam Ali Maqham Ku Aakhri Salam Karke Rawana Hone Lage To Hazrath Imaam Ne Aage Badh Kar Nihayat Garam Joshi Ke Sath Bhatije Ku Apne Seene Se Laga Liya Aur Duwayen De Kar Widah Farmaya.Janab Khasim Hazrath Imaam Se Rukhsat Ho Kar Joshe Jihad Me Bhare Huwe Ghoda Douda Kar Ashkhiya Ki Safon Ke Samne Pahonch Gaye. Aur Rijz Ke Chand Ash'ar Padh Kar Farmaya Ke Aye Yazidiyo - Ab Jis Ke Sar Per Mout Sawar Ho O Mere Samne Aaye , Aur Meri Shamsheer Aabdaar Ki Asadullahi Maar Se Apne Khoon Me Nahaye.Shazade Ki Is Hashmi Lalkar Se Girohe Ashkhiya Per Aysi Haibat Sawar Ho Gayi ..Ke Bawajood Baar Baar Ki Pukar Aur Lalkar Ke Kisi Me Ye Jurrat O Himmat Nahi Huwi, Ke Aap Ke Samne Aata.Ibne Sa'ad Ne Jab Ye Dekha Ke yazeedi Lashkar Me Se Koi Bhi Hazrath Qhasim Ke Muqhabile Ke Liye Nahi Nikalta.To Usne Azrakh Shami Sipah Salar Ku Pukara , Jo yazeed Ki Taraf Se Salana 10,000 Dinaar Tanqa Pata Tha.Jab Azrakh Shami Ibne Sa'ad Ke Pass Pahoncha..To Ibne Sa'ad Ne Kaha Ke ..Aye Azrakh - Dekh Ye Badi Der Se Ye Noujawan Muqhabile Ki Dawat De Raha Hai.Magar Hamare Lashkar Me Se Kisi Ki Bhi Ye Jurrat Nahi Huwi Ke Iske Challenge Ka Jawab De Sake.Isliye Aab Main Tujh Ku Hukm Deta Hoon Ke Tu 1,000 Sawar Le Kar Iske Muqhabile Ke Liye Maidan Me Nikal Padh.Azrakh Ne Ghazabnaak Ho Kar Kaha.Ye Ibne Sa'ad - Tujhe Sharam Nahi Aati? Ke Tujh Jaise Namigirami Pehalwan Ku Jiski Haibat Se Misr O Sham Ki Zameen Dahal Rahi Ho, Ek Ayse Kamseen Ladke Se Ladhne Ke Liye Bhej Raha Hai..Jiske Moh Se Maa Ki Doodh Ki Boo Aarahi Hai..Ye Ibne Sa'ad !!! Sara Misr O Sham Jaanta Hai Ke Main Akela Ek Hazar Bahadurane Naamdar Ka Maqhabila Karta Hoon..Ke Aaj Main Ek Bachche Ke Muqabile Me Jaa Kar Apni Naak Kata Doon? Agar Mai ne Is Bachche Ko Qatal Kar Doon To Jab Bhi Main Badnaam Ho Jaunga..Ke Mai Ne Ek Bachche Se Jang Ki..Khuda Ki Khasam!! Agar Tu Mere Jism Ke Purze Purze Udha Dega Jab Bhi Main Ek Bachche Ke Khoon Se Apni Talwar Ku Aaluda Nahi Karunga...Ibne Sa'ad Ne Kaha...Ke Ye Azrakh!! Are Tu Kis Ghumand Me Hai? Tu Inki Kamsini Aur Nazuk Badni Ku Math Dekh..Afsos!! Tu Inhe Pehchanta Nahi Ke Ye Koun Hain?? Are Ye Sher Dil Hazrath Imaam Hasan Mujtaba Ke Farzande Arjuman Aur Fateh Khibar Ali Haidar Ke Pote Hain..Khuda Ki Khasam Agar Ye Bhooke Pyase Na Hote To..Ye Akele Hi Kha'hre ilahi Ki Bijli Ban Kar Hamare Pure Lashkar Ke Hurmane Zindagi Ku Khaksatar Bana Dalte..Jab Ibne Sa'ad Ne Lagatar Israr Se Azrakh Shami Ku Majboor Kar Diya To Usne Kahe Ke..Aye Ibne Sa'ad - Khwah Kuch Bhi Hojaye...Magar Main Is Bachche Se To Nahi Ladunga..Teri Khwahish Hai To Is Jangh Me Mere 4 Farzand Moujood Hain..Jo Shuja'at O Dilawari Me Sohra E Aafakh Hain..Main Inme Se Ek Ku Bhej Deta Hoon...O Chand Minto Me Iska Sar Kaat Kar Layega.Chunanche Azrakh Ka Ek Beta Saba Raftar Ghode Per Sawar Ho Kar Apni Kheemti Talwar Chamkata Huwa Aur Badal Ki Tarha Garjta Aur Durrata Huwa Maidan Me Nikla.Hazrath Qasim Ne Isku Aata Dekh Kar Nihayat Be-Khoufi Ke Sath Ye Farmaya Ke Afsos!! Tere Baap Ku Tujh Per Raham Nahi Aaya? Ke Tujh Ku Meri Talwar Luqma Banne Ke Liye Miadan Me Bhej Diya? Achcha Aage Badh ..Chunanche, Jaise Hi O Hamle Ke Liye Aage Badha Hazrath Qasim Ne Apna Khanjar Uske Shikam Me Bhonk Diya.Aur O Is Zakham Ki Taab Na La Kar Ghode Ki Zain Se Zameen Per Gir Padha.Phir Aapne Nihayat Hi Purti Aur Chabuk Dasti Ke Sath Jhapat Kar Uski Talwar Cheen Li..Aur Uske Lambe Lambe Balon Ku Pakad kar Jo Ghoda Daudaya To O GhaseetTe GhaeetTe Mar Gaya.Phir Aapne Uski Lash Ku Ghode Ki Tapon Se Rond Kar Uske Haddiyon Ke Bhi Chakna Choor Kar Diya..Azrakh Ka Dosra Beta Apne Bhai Ku Is Tarha Qatal Hota Dekh Kar Aape Se Baher Ho Gaya.Aur Diwanawar Aage Badh Kar Ek Dam Janab Qasim Par Qatilana Hamla Kar Diya ..Hazrath Qasim Ne Mudh Kar Aysa Paintra Badla Ke Dushman Ka War Khali Gaya..Aur Aapne Palat Kar Pehlu Me Aysa Neza Mara Ke Idhar Se Udhar Paar Ho Gaya.Aur O Waheen Ghode Se Gir Kar Zameen Per Dher Hogaya..Phir Azrakh Ka Teesra Beta Hamla Ke Liye Jhapta..To Aapne Isku Bhi Ek Neeza Maar Kar Halak Kar Diya..Ab Azrakh Ka Coutha Beta Apne 3no Bhaiyon Ka Inteqham Lene Ke Liye Pagalon Ki Tarha Talwar Ghumata Huwa Daudh Pada.Aur Moh Me Jhag Bhar Kar Galiyan Dene Laga..Hazrath Qasim Ne Farmaya Ke Bad-Lagam - Hosh Me Aa..Auraton Ki Tarha Galiyan Aur Kosne Dena Mardon Ki Shan Nahi Hai.Agar Jurrat Hai To Aage Badh Kar Hamla Kar.O Kehne Laga Ke Qasim!! Tumne Mere 3no Bhaiyon Ki Qatal Kar Diya..Khuda Ki Qasam Jab Tak Main Tumhe Qatal Karke Apne Bhai Ka Badla Na Lunga Mujhe Kharar Naseeb Nahi Ho Sakta.Hazrath Qasim Ne Has Kar Farmaya...Ke Math Ghabra My Tujhe Qarar Dene Aur Tujh Ku Tere Bhaiyon Ke Paas Pahoncha Dene Ke Liye Tayyar Hoon...Ye Kaha Aur Talwar Ke Ek Bhar Poor Janchatula Hath Mara.To Maghroor Ka Sidha Haath Kat Kar Door Ja Pada...Aur O Jaan Bacha Kar Bhag Nikla..Aapne Lalkarte Huwe Iska Taqub Farmaya..Magar O Apni Lashkar Me Jaa Ghusa. Aur Zakham Ki Tab Na La Kar Ghode Se Gir Pada Aur Mar Gaya.

Azrakh Apne 4 Honhar Aur Mashoor Shah Sawar Beton Ku Is Tarha Zillat Ke Sath Qatal Hota Dekh Kar Ghaiz O Ghazab Me Apni Hosh O Hawas Kho Baitha.Aur Moh Me Jhag Bhar Ke Gusse Me Dant Pieste Huwe Aur Ghillahat Me Dadhi Ke Baal Naunchte Huwe Ghoda Khuda Kar Maidan Me Nikal Pada. Aur Kehne Laga Ke Bachche!! Tum Ne Bachon Ko To Maar Liya , Lekin Aab Tujh Ku Mujh Se Paala Pada Hai.Sambhal Ja !! Ke Aab Teri Zindagi Se Sirf Chand Hi Lamhaat Baaqi Rah Gaye Hain.Janab Qasim Ne Hiqarat Ke Saath Usku Jawab Diya Ke Azrakh !! Zara Hosh Ki Dawa Kar, Tu Shamiyon Ke Liye Taqat Ka Pahad Hoga.Abhi Tak Tune Hashmi Kachar Ke Sheron Ku Nahi Dekha Hai.Hamari Ragon Me Haidare Karrar Ka Khoon Hai.Hamari Nigahe Qa'har O Jalal Ke Samne Tu Ek Makkhi Aur Machhar Se Zaiyda Haisiyat Nahi Rakhta..Azrakh Ye Khoon Khola Dene Wala Tana Sun Kar Aur Bhi Aag Babagule Ho Gaya.Aur Neeza Baazi Shuru Kardi.Lekin, Jab Ye Dekha Ke Barabar Ki Choten Hain. To Ghazab Naak Ho Kar Talwar Nikal Li.Hazrath Qasim Ne Bhi Talwar Khenchli Aur Aage Badhe To Azrakh Ne Aankhen Phad Kar Gour Se Dekha Aur Hairan Ho Kar Pucha Ke Qasim !! Ye Talwar To Mere Ladke Ki Hai, Ye Tumhare Haath Kahan Se Aagaya? Hazrath Qasim Ne Has Kar Farmaya ..Haan Tera Beta Apni Yaadgaar Ke Tour Par..Ye Talwar Mujhe Isliye De Gaya Hai Take Isi Se Main Tujhe Mauth Ka Zayiqa Chaka Kar Tujhe Tere Beton Ke Paas Pahoncha Doon.Azrakh Ye Sun Kar Farte Ghazab Se Bikhar Gaya..Aur Joon Hi Hamle Ke Liye Talwar Uthayi..Hazrath Qasim Ne Farmaya Ke Azrakh !! Sambhal Ham Tujhe Bada Tajrube-kaar Shah Sawar Samajhte The.Magar Tum To Bilkul Hi Andhe Nikle.Tum Ko Apni Ghode Ke Peti Ka Bhi Dhain Nahi..Ke O Dhili Ho Chuki Hai.Azrakh Jaldi Se Jhuk Kar Ghode Ke Tang Ku Dekhne Laga..Itne Me Hazrath Qasim Ne Uski Kamar Per Talwar Ka aysa Bhar Poor Haath Mara Ke O Do Tukde Ho Gaya..Aur Aap Uchal Kar Uske Ghode Per Sawar Ho Gaye..Aur Hazrath Imaam Ki Khidmat Me Hazir Ho Kar Arz Karne Lage..Ke..Chachajaan .....Pyaas..... Pyaas.!!!! Imaam Tishnakaam Ne Farmaya Ke Noore Nazar!! Zara Der Aur Sabar Karo Anqareeb Tum Nana Jan Ke Muqadas Hathon Se Jaame Kousar Pi Kar Sairab Ho Jaoge!! ChachaJaan Ka Farman Sun Kar Hazrath Qasim Phir Maidan Ki Taraf Palat Pade..Aur Ye Dekha Ke Ibne Sa'ad Qalbe Lashkar Me Khada Ho Kar Yazeedi Foujon Ki Kaman Kar Raha Hai. Aapne Socha Ke Kyun Na Isi Khabees Ku Qatal Karke Surkhuru Ho Jaon.Chunanche, Barqe Khatif Ki Tarha Ghoda Chamka Kar Qalb E Lashkar Me Pahonch Gaye..Magar Dushmanon Ne Har Taraf Se Aap Ku Gheer Liya..Aur Charon Taraf Se Aap Per Neeza O Talwar Ki Bo-Char Shuru Kardi.Yahan Tak Ke 27 Zakham Kha Kar Aap Nidhal Ho Gaye..Aur Ghode Se Gir Pade...Shees Bin Sa'ad Manhoos Ne Aap Ke Seene Per Ek Neeza Mara Us Waqt Aapne Kaha....Ye Chahajaan !!! Meri Qabar giri Farmayiye..Hazrath Imaam Bhatije Ki Dardnaak Pukar Sun Kar Doudh Pade Aur Dekha Ke Pikare Noor Khak O Khoon Me Tadap Tadap Kar Dam Tod Raha Hai. Imaam Ne Muqhadas Lash Ku Intehayi Mohabbat Se God Me Rakh Liya Aur Cehrae Pur-Noor Se Khak O Khoon Ke Dhabbon Ku Saaf Karne Lage Itne Me Qasim Jaan-Baaz Ne Ankhen Khool Diyen..Aur Apna Sar Imaam Ki Aaghoshe Rahmat Me Dekh Kar Farte Musarrat Se Muskuraye..Aur Ek Dam Apni Naqde Jaan Qallakhe Har Do Jahan Ke Naam Per Qurbaan Kar Ke Darul Jina Ke Mehmaan Ban Gaye.
Isi Tarha Hazrath Qasim Ke 3no Bhai Abdullah Bin Hasan Aur Umar Bin Hasan Aur Abu-Bakr Bin Hasan Bhi Intehayi Jaan Baazi Ke Sath Dushmano Se Jangh Karte Huwe Shahadat Se Sarfaraz Ho Gaye.

To be continued on Zameen E Karbala Ka Khooni Manzar Part No - 09