Namaz Ke Mustahabaat

Har Wo Kaam Jo Shariath ki Nazar Me Pasandida Ho Aur Uss Ko Chod Dena Shariath Ki Nazar Me Bura bhi Na Ho Mustahab Ko Karna Savab aur Usko Chod Dena Per Na Koi Azaab Hai.

Namaaz Ke Mustahabaat

1. Halate Qiyaam Me Sajde Ki Jagah Per Nazar Karna.
2. Ruku Me Qadam Ki Pusht Per Dekhna.
3. Sajde Me Naak Per Nazar Rakhna.
4. Qaide Me Seene Per Nazar Jamana.
5. Pehle Salam Me Dahne Shaane ko Dekhna.
6. Dosre Salam me Bayen Shaane Per Nazar Karna.
7. Jamahi Aaye To Muh Band Kiye Rehna, Aur Isse Jamahi Na Ruke To Hont Dant Ke Neeche Dabaye, Isse bhi Na Ruke To Qiyaam ki Halat me Dahne Hath Ki Pusht Se Muh Dhank le, aur Qiyaam ke ilawa Dosre halaton me Bayen Hath Ki Pusht Se .
   Jamahi Rookne ka Mujarrib Tariqa ye Hai Ke Dil Me YE Khiyaal KAre Ke Ambiya AlaihisSalam Ku Jamahi NAhi Aati Thi. Dil me Ye Khiyaal Aate Hi Jamahi Ka Aana Band Ho Jayega.
8. Mard ke Liye Takbeere Tehrima Ke Waqt Hath Kapde Se Bahar Nikalna  
9. Aurat Ke Liye Kapde ke Andar Behtar Hai, 
10. Jahan Tak Mumkin Ho Khanci Ko Dafa Karna.
11. Jab Mukabbir Hayya ?alal-Fala? Kahe to Imam O Muqtadi Sab Ka Khada ho Jana.
12. Jab Mukabbir "Qad Qamatis Salah Kahe To Imam Namaaz Shuru Kar Sakta HAi, Magar Behtar Ye hai ke Iqamat Puri Ho Jane Per Namaaz Shuru Kare.
13. Dono Panjo Ke Darmiyaan 4 ungul Ka Fasila Hona.
14. Muqtadi Ku Imaam ke Sath Shuru Karna.
15. Sajda Zameen Per Bila Kuch Bichaye huwe KArna.

Ref >> Jannati Zewar

Moula e Kareem Agar Likhne Me(Roman Karneme) Kuch Galti Ho Gayi ho to Maaf Farmaye..Ham Sab Ko Panj Waqt Sahi Se Namaaz Padhne Ki Toufeeq Ata Farmaye..Aameen

Read The Next Article: Namaz Ki Sunnaten

Author : Unknown

Share this

Related Posts