Hazrate Yusuf Alaihis Salam Ka Kurta

Hazrate Yusuf Alaihis Salam ke Bhaiyon ne jab in ko kuven me dal kar apne valid Hazrate YaKub Alaihis Sallam ko bhediya kha gaya to hazrate Yakub Alaihis Salam ko Be Intiha ranj va kalkha aur be panah sadma huva. Aur voh apne bete ke gham me bahut dino tak rote rahe aur ba kasrath rone ki vajah se binayi kamzor ho gayi thi.Fir barson ke baad jab baradrane Yusuf Alaihis Salam kahat ke zamane me ghallath lene ke liye dusri martaba misr gaye aur bhaiyon ne Aap ko pahchan kar izhare nadamath karte huve muafi talab ki to Aap ne unhen muaf karte huve ye farmaya ki Aaj tum par koi malamath nahi allah tala tumneh muaf farma de vo arhamurrahimin hai.

           Jab Aap ne Apne Bhaiyon se apne valide majid hazrate yakub alaihis salam ka halat pucha aur bhaiyon ne bataya ki vo to Aap ki judayi me rote rote bahut hi nidal ho gaye hai.aur un ki binayi bhi bahut kamzor ho gayi hai.Bhaiyon ki zabani valide majid ka hal sun kar hazrate yusuf alihis salam bahut hi ranjida aur garamgin ho gaya fir Aap ne apne bhaiyon se farmaya ki

Tarjuma e Kanzool Imaan:
                 Mera ye kurta le jao ise mere baap ke muh par dalo un ki ankhen khul jayengi aur apne saab gharbhar (Gharvolon) ko mere pas le Aao.

                 Chunanche,Baradrane Yusuf Alaihis Salam Is Kurta ko le kar misr se KinAan ko ravana huve.Aap ke bhaiyon me se yahuda ne kaha ki iss kurte ko main le kar hazrate Yakub Alaihis Salam ke pas Jaunga. Kuinki Hazrate Yusuf Alaihis Salam ko kuven me dal kar in ka khoon alud kurda bhi main hi un ke pas le kar gaya tha .Aur main ne hi yeh kah kar un ko ghamgin kiya tha ki Hazrate Yusuf  Alaihis Salam ko bhediya kha gaya. To chunki main ne unhen gamgin kiya tha tha lihaza Aaj main hi yeh kurta de kar aur hazrate yusuf Alaihis salam ki zindagi ki khush khabari suna kar un ko khush karna chahta hun.Chunanche,Yahuda iss pairahan ko le kar assi kos tak nange sar barhana pa daudta huva chala gaya.Raste ki kurakh ke liye saath rotiyan us ke pas thi magar frte masarrath aur jaldi pahunchne ke shok me vo in rotiyon ko bhi na kha saka.Aur jald se jald safar tai kar ke valide mohtaram ki khidmat me pahunch gaya.

                 Yahuda jaise hi kurta le kar misr se kinAan ki taraf ravana huva.KinAan me Hazrate Yakhub Alaihis Salam ko Hazrate Yusuf Alaihis Salam ki Khushbu Mahasus Huyi aur Aap ne Aapne Poton se Farmaya ki

Tarjuma e Kanzul Imaan:-
                  Kaha beshak main Yusuf ki Khushbu pata hun agar mujhe yeh na kaho ki sat(bahak) gaya.

           Aap ke poton ne javab diya ki khuda ki khism Aap Aab bhi apni uss purani varfatgi me pade huve hain bhala kahan yusuf hai aur kahan un ki khushbu? Lekin jab yahuda kurta le kar kinAan pahuncha aur jai se hi kurte ko hazrate Yakhub Alaihis Sallam ke chehre par dala to  foran hi un ki Ankhon me roshni Aa gayi Chunanche,Allah Tala ne Quran e Majid me farmaya ki

Tarjuma e Kanzul Imaan:
                  Fir jab khushi sunane vala aya us ne vo kurta Yakhub ke muh par dala usi vakht uss ki ankhen fir ayi(Rosha ho gayi) kaha me na kahta tha ki mujhe allah ki vo shane malum hai jo tum nahi jante.

                  Yahuda misr se hazrate yusuf alaihis salam ka kurta le kar jaise hi kinAan ki taraf chala. Hazrate Yakhub Alaihis Sallam ne kinAan me baite huve Hazrate Yusuf Alaihis Salam ki khushbu sundh li. Iss Bare me hazrate sheikh sadi alaihi rahamath ne ek badi nasihad amoz aur laziz hikayat likhi hai jo bahut hi dilkash aur nihayat hi kaifa anvar hai.

Hikayath:

                   

  Hazrate Yakhub Alaihis Salam Se jin ke farzand gum ho gaye the, kisi ne ye pucha ki ye Aali Zaath aur buzurgh akalmand

Aap ne Misr Jaise door daraz makham se hazrate yusuf Alaihis Salam KinAan hi ki sar zamin me ek kuven ke andar the to Aap ko itne kharib se bhi un ki khushbu mahsus nahi huyi iss ki kai wajah hai? Hazrate Yakhub Alaihis Salam ne ye javab diya ki 

Yani Ham Allah Valon ka haal kund'Ne wali bijli ki manind hai ki dam bhar me zahir aur dam bhar me poshida ho jati hai habhi to ham logon par allah tala ki sifate nuraniyaath ki tajalli hoti hai to ham log asmano par ja baitte hain aur sari tajalli hoti hai to ham log asmano par ja baitte hain aur sari kayinaath hamare pesh nazar ho jati hai aur kabhi jab ham par istighfar ki kaifiyath tari hoti hai to ham log khuda ki zato sifaath me Yese Mustaghrak ho jate hai ki tamam masiva Allah se be niyaz ho jate hai yahan tak ki ham apni pushte pa ko bhi dekh pate yahi wajah hai ki misr se to pairahane yusuf Alaihis Salam ko ham ne sundh kar uss ki khushbu mahsus kar li.Kuinki us waqht ham par kashfi kaifiyyath tari thi magar kinAan ke kuvve me isse ko hazrate yusuf ki khushbu iss liye mahsus na ho saki ki uss waqth ham par istighrakhi kaifiyath ka ghalba tha aur hamara ye hal tha ki

                                    Main Kis Ki Lun Khabar,Mujhe To Apni Khabar Nahi!

Darse Hidayath:

              Iss Pure waqhiye se khas tor par do sabak milte hain:

1.                 Ye Ki Allah Valon ke libas aur kapdon me bhi badi barkat aur karamath pinha hoti hai.Lihaza buzurgon ke libas va poshak ko tabarruk bana kar rakhna aur in se barkat va shifa hasil karna aur in ko khudavande khuddus ki bargaha me vasila bana kar dua manghna ye makhbuliyyath aur husule saAdath ka ek bahut bada zaria hai.

2.                  Allah valon ka haal har vakht aur hamesha yaksan nahi rahta balki kabhi to un par allah tala ki tajalliyath ke anvar se yesa haal tari hota hai hi iss vakhth vo sare alam ke zarre zarre ko dekhne lagte hain aur kabhi vo allah tala ki tajalliyath me iss tarah gum ho jate hain ki tajalliyon ke mushahade me mustagharakh ho kar sare alam se be tavajjho ho jate hai.Iss vaqth un par yesi kaifiyath tari ho jati hai ki un ko kuch bhi nazar nahi ata. Yahan tak ki vo apna naam tak bhul jate hai.Tasavvuf ki ye do kashafi va istigharakhi kefiyath yesi hai jin ko har shaks nahi samajh sakta balki in kaifiyath va ahval ko vohi log samjh sakte hai jo sahibe nisbath va ahle idrakh hain jin par khud ye ahval va kaifiyyath tari hoti rahti hai.sach hai

                    Aur iss haal va kaifiyath ka tari hona iss baath par mokuf hai ki zikro fikr aur murakbe ke saath saath sheikhe kamil ki batini tavajjoh se dil ki safayi aur inzlaye kalbi paida ho jaye.Sultane tasavvof hazrate molana roomi Alaihir Rahmath ne isi nukhte ki tarfa ishara karte huve farmaya:

Aur kisi dusre arif ne yeh farmaya ki:

                             

Yani Khali "Kanzul Dakhayik" Va "Hidaya" pad lene se khuda nahi mil sakta balki dil ke sipare ko pado khunki iss se behtar koi kitab nahi hai.

                  Magar iss dor nafsaniyath me jab ki tasavvof ke alambardaron ne apni be tasavvuf ke mazbuth va mustahukm mahal ki yit se yit baja di hai aur mahaz jhad funk aur shobada baziyon par piri muridi ka dong chala rahe hai aur khali rang bi rang ke kapdon aur nayi nayi tarash kharash ki poshakon aur tasbih va asaa ko shokhiyyath ka meyar bana rakha hai. Bhala tasavvuf ki haqhiqhi kaifiyath va tajalliyath ko log kab aur kaise aur kaha se samajh sakte hain? iss liye iss bare me arbabe tasavvuf is ke siva aur kai kah sakte hain ki

                     Hakhikhath Khurafath Me Kho Gayi         Yeh Ummath Rivayath Me Kho Gayi

Char Mahine Ke Bachche Ki Gavahi

Hazrate Yusuf Alaihis Salam ko jab in ke bhaiyon ne kuven me dal diya to ek shakhs jis ka naam malik bin zuar tha jo madyan ka bashinda tha. Ek kafile ke hamrah is kuven ke pas pahuncha aur apna dol kuven me dala to hazrate yusuf alaihis salam ne in dol ko pakad liya aur malik bin zuar ne Aap ko kuven me se nikal liya to Aap ke bhaiyon ne us se kaha ki ye hamara bhaga huva gulam hai.Agar tum iss ko kharid lo to ham bahut hi sasta tumhare haat bech denge.Chunanche,Un ke bhaiyon ne sirf bis dirham me Hazrate Yusuf Alaihis Salam ko bech dala magar sharth ye laga di ki tum iss ko yahan se itni door le jao ki iss ki khabar bhi hamare sunne me na aye. Malik Bin Zuar ne in ko kharid kar misr ke bazar ka rukh kiya aur bazar me in ko farokhth karne ka yelan kiya. Un dino misr ka badsha rayyan bin valid amliki tha aur un ne apne vazire azam kitafir misri ko misr ki hukumat aur khazane somp diye the aur misr me log iss ko "Azize Misr" ke khitab se pukarte the. Jab Azize misr ko malum huva ki bazare misr me ek bahut hi khub surath ghulam farokht ke liye laya gaya hai aur log iss ki kharidari ke liye badi badi rakhame le kar bazar me jama ho gaye hain to Azize misr ne Hazrate Yusuf Alaihis Salam ke vazan barabar sona, aur itni hi chandi, aur itna hi mushkh, aur itne hi harir khimat de kar kharid liya aur ghar le ja kar apni bivi "Zulekha" se kaha ki iss ghulam ko nihayat hi yejaz va ikram ke saath rakho. Uss vaqth Aap ki umr sharif terah ya satrah baras ki thi. "Zulekha" Hazrate Yusuf Alaihis Salam ke husno jamal par farefata ho gayi aur ek din khoob banav singhar kar ke tamam darvazon ko band kar diya aur hazrate yusuf alaihis salam ko tanhayi me lubhane lagi. Aap ne Mazallah kah kar farmaya ki main apne malik azize misr ke yehsan ko faramosh kar ke hargiz us ke saath koi khayanath nahi kar sakta. fir jab khud zulekha Aap ki taraf lapaki to Aap bhag nikle aur zulekha ne dod kar piche se Aap ka perahan pakad liya jo fat gaya aur Aap ke piche zulekha dodti huyi sard darvaze par pahunch gayi. Ittifaq se thik usi halat me azize misr makan me dakhil huva.aur dono ko dodte huve dekh liya to zulekha ne azize misr se kaha ki iss gulam ki saza ye hai ki iss ko zail khane bhej diya jaye ya aur koi dusri sakht saza di jaye kuinki iss ne tumhari gharvali ke saath burayi ka irada kiya tha (Mazallah Azzawajal) Hazrate Yusuf Alaihis Salam ne farmaya ki ye azize misr! Ye bilkul hi ghalath bayani kar rahi hain. Iss ne khud mujhe lubhaya aur main iss se bachne ke liye bhaga to iss ne mera picha kiya. Azize misr dono ka bayan sun kar hairan rah gaya aur bola ki ye yusuf alaihis salam me kisi tarha bavar kar lun ki tum sachche ho? To Aap ne farmaya ki ghar me char mahine ka ek bachcha palne me laita huva hai jo zulekha ke mamu ka ladka hai.Uss se daryaft kar lijiye ki vakhiya kai hai? Azize misr ne kaha ki bhala char mah ka bachcha kai jane aur vo kaise bolega? To Aap ne farmaya ki Allah Tala uss ko zarur meri be gunahi ki shadath dene ki khudrath ata farmayega kuin ki main be kusur hun. Chunanche, Azize misr ne javab uss bachche se pucha to uss bachche ne ba Aavaze buland fasiha zaban me ye kaha ki

Tarjuma e Kanzul Imaan:
                  Gavahi di agar in ka kurta age se chira hai to Aurath sachchi hai aur inhon ne ghalat kaha aur agar in ka kurta piche se chak huva to aurath jhuti hai aur ye sachche.

               Bachche ki zaban se azize misr ne ye shahadat sun kar jo dekha to un ka kurta piche se fata huva tha. To uss vaqth azize misr ne hazrate yusuf alaihis salam ki be gunahi ka aylan karte huve ye kaha :

Tarjuma e Kanzul Imaan
                 Beshak ye tum auraton ka charitar(fareb) hai beshak tumhara fareb bada hai ye yusuf tum iss ka khayal na karo aur ye aurath tu apne gunah ki muafi mangh beshak tu khatavaron me se hai.

Hazrate Yunus Alaihis Salam Machli Ke Pet Me

Hazrate Yunus Alaihis Salam ko Allah Tala ne shahar "Nonva" ke bashindon ki hidayath ke liye rasool bana kar bheja tha.

Nonva:
            Ye Mausul ke ilakho ka e bada shahar tha. yahan ke log but parrasti karte the aur kuffro shirk me mubtala the. Hazrate Yunus Alaihis Salam ne in logon ko imaan lane aur bhut parasti chodne ka hukum diya. magar in logon ne apni sarkashi aur tamarrud ki wajah se Allah Azzawajal ke rasool Alaihis Salam ko jhutla diya aur imaan lane se inkar kar diya. Hazrate Yunus Alaihis Salam ne inhen khabar di ki tum logon par Aan Kharib Azab ane vala hai. ye sun kar shahar ke logon ne apas me yeh mashwara kiya ki hazrate yunus Alaihis Salam ne kahi koi jhuti baat nahi kahi hai.Iss liye ye dekho ki agar vo raat ko iss shahar me rahen jab to samajh lo ki koi khatra nahi hai aur agar unhon ne is shahar me raath na guzari to yakhin kar lena chahiye ki zarur azab ayega. Raat ko logon ne ye dekha ki hazrate yunus Alaihis Salam shahar se bahar tashrif le gaye. aur vakheyi subha hote hi azab ke asar nazar ane lage ki charon taraf se kali badliyan numudar huyi aur har taraf se dhuvan ut kar shahar par cha gaya. ye manzar dekh kar shahar ke bashindon ko yakhin ho gaya ki azab ane vala hi hai to logon ko hazrate yunus alaihis salam ki talash va zustazu huyi magar vo dur dur tak kahin nazar nahi aya.Aab shahar volon ko aur zaida khatra aur andesha ho gaya.Chunanche,shahar ke tamam log khofe khudavandi se dar kar kamp uthe aur saab ke saab auraton bochchon balki apne maveshiyon ko saath le kar aur fate purane kapde pahan kar rote huve jangal gaye aur ro ro kar sidkh dil se hazrate yusuf alaihis salam par imaan lane ka ikhrar va yelan karne lage shohar bivi se aur maye bachcho se alag ho kar saab ke saab istigfar me mashgul ho gaye aur darbare bari me gid gida kar girya va zari shurua kar di.Jo mazlim apsar me huve the ek dusre se muaf karane lage aur jitni haq talfiyan huyi thi sab ki apas me muafi talafi karne lage. gharaz sachchi toba kar ke khuda Azzawajal se ye ahad kar liya ki hazrate yunus alaihis salam jo kuch khuda ka paigham laye hain ham us par sadkha dil se imaan laye,Allah Tala ko shahar valon ki be kharari aur mukhlisana girya va jari par raham aya aur azab utha liya gaya. nagahan dhuvan aur azab ki badliyan raf'a ho gayi aur tamam log fir shahar me aa kar amno chain ke saath rahane lage.

         iss vaqhi e ko zikr karte huve khudavande khuddus ne quran e majid me yun irshad farmaya hai ki

Tarjuma e Kanzul Imaan:
                 To Huyi hoti na koi basti ki iman lati to uss ka imaan kam ata,han yunus ki khom jab imaan laye ham ne un se rusvayi ka azab dunya ki zindagi me hata diya aur ek vaqth tak unhen bartne diya.

           Mathlab ye hai ki jab kisi khom par azab Aa jata hai to azab Aa jane baad imaan lana mufid nahi hota magar hazrate yunus alaihis salam ki khom par azab ki badliyan Aa jane ke baad bhi jab vo log imaan laye to un se azab utha liya gaya.

Azab Talne Ki Dua:
          Tabarani Sharif ki rivayath hai ki shahar Nonva par jab azab ke asar zahir hone lage aur hazrate yunus alaihis salam ba vajude talash va justaju ke logon ko nahi mile to shahar vale dhabra kar apne ek alim ke pas gaye jo sahibe imaan aur sheikh e vaqht the aur in se faryad karne lage to inho ne hukum diya ki tum log ye wazifa pad kar dua mango

Chunanche,logon ne ye pad kar dua mangi to azab tal gaya.lekin mashhur muhaddis aur sahibe karamat vali hazrate fuzail bin iyaz Alaihi Rahama ka khol hai ki shahare nonva ka azab jis dua ki barkat se daf'Aa huva dua ye thi ki 

Bahar Hal Azab tal jane ke baad jab Hazrate Yunus Alaihis Salam shahar ke karib aye to Aap ne shahar me azab ka koi asar nahi dekha. logon ne arz kiya ki Aap apni khom me tashrif le jayiye.To Aap ne farmaya ki kisi tarha apni khom me ja sakta hun? main to un logon ko azab ki khabar de kar shahar se nikal gaya tha, magar azab nahi aya. to Aab vo log mujhe jhuta samajh kar katl kar denge.Aap ye farma kar aur gusse me bhar kar shahar se palat aye aur ek kashti me savar ho gaye ye kashti jab bich samandar me pahunchi to khadi ho gayi. vo ke logon ka ye akhida tha ki vohi kashti samandar me khadi ho jaya karti thi jis kasti me koi bhaga huva gulam savar ho jata hai. Chunanche, kashti valon ne qura nikala to hazrate yunus Alais Salam ke naam ka qura nikla. To kashti valon ne Aap ko samandar me fenk diya aur kashti le kar ravana ho gaye aur foran hi ek machli Aap ko nigal gayi aur machli ke pet me jahan bilkul andhera tha Aap mukhayad ho gaye. Magar isi halat me Aap ne ayate karima 

ka vazifa padna shuru kar diya to iss ki barkath se Allah tala ne Aap ko iss andheri kotdi se najath di aur machli ne kinari par Aa kar Aap ko ugal diya.uss vaqht Aap bahut hi nahif va kamzor ho chuke the.Khuda Azzawajal ki shan ki us jagah kaddu ki ek bel ug gayi Aap us ke saye me aram karte rahe fir jab Aap me kuch tuvanayi Aa gayi to Aap apni khom me tashrif laye aur sab log intihayi muhabbath va yehtiram ke saath pesh Aa kar Aap par imaan laye

Hazrate Yunus Alaihis Salam ki iss dardnaak sargujishat ko Quran e Karim ne in alfazon me bayan farmaya hai:

Tarjuma e Kanzul Imaan:
                 Aur beshak yunus paighambaron se hai jab ki bhari kashti ki taraf nikal gaya to kura dala to ghakele huvon me huva fir use machli ne nigal liya aur voh apne Aap ko malamat karta tha to agar vo tasbih karne vala na hota zarur us ke pet me rahta jis din tak log uthaye jayenge fir ham ne use maidan par dal diya aur vo bimar tha aur ham ne us par kaddu ka ped ugaya aur ham ne use laak admiyon ki taraf bheja balki ziyada to vo imaan le aye to ham ne unhen ek vaqht tak baratne diya.

Darse Hidayath:

1.        Nonva valon ki sargujisth se ye sabaq milta hai ki jab kisi khom par koi bala azab ban kar nazil ho to us bala se najat pane ka yehi tarikha hai ki logon ko toba va istigfar me mashgul ho kar duayen mangni chahiye to ummid hai ki bandon ki be kharari aur un ki girya va zari par arhamurrahimin  raham farma kar balaon ke azab ko dafa farma dega.

2.        Hazrate Yunus Alaihis Salam ki dil hila dene vali musibath aur mushkilath se ye hidayat milti hai ki allah tala apne khaas bandon ko kis kis tarha imtihan me dalta hai. Lekin jab bande imtihan me pad kar sabro istikhamat ka daman nahi chodte aur yen balaon ke tufan me bhi khuda ki yaad se ghafil nahi hote to arrahmurrahimin apne bandon ki nazat ka ghaib se yesa intizam farma deta hai ki koi is ko soch bhi nahi sakta. ghor kijiye ki hazrate yunus alaihis salam ko jab kashti volon ne samandar me fenk diya to in ki zindagi aur salamati ka kon sa zariya bakhi rah gaya tha? fir machli ne nigal liya to Aab bhala in ki hayat ka konsa sahara rah gaya tha? magar iss halath me App ne jab ayate karima ka vazifa pada to Allah Tala ne inhen machli ke pet me bhi zinda va salamath rakha aur machli ke pet se inhen ek maidan me pahuncha diya aur fir inhen tandurusti va salamati ke saath in ki khom aur vatan me pahuncha diya.aur in ki tabligh ki badolath ek laak se zaida admiyon ko hidayath mil gayi.